Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے ہر ماہ تین صبح شہد چاٹا تو اس کو بڑی آزمائش نہیں پہنچے گی ۔

حضرت ابو ہریرہ رضی اللہ عنہ فرماتے ہیں کہ ایک آدمی حضور صلی اللہ علیہ و الہ وسلم کے پاس آیا، عرض کی : یا رسول اللہ ! ہمارے لیے نرخ مقرر کریں ۔ آپ صلی اللہ علیہ و الہ وسلم نے فرمایا : اللہ سے دعا کرتا ہوں پھر دوسرا آدمی آیا۔ اس نے عرض کی : یا رسول اللہ ! ہمارے لیے نرخ مقرر کریں ۔ آپ صلی اللہ علیہ و الہ وسلم نے فرمایا: اللہ تعالیٰ کبھی بلند کرتا ہے پست کرتا ہے ۔ میں یقین کرتا ہوں میں اللہ سے ملوں اس حالت میں کہ میرے حوالے سے کسی پر زیادتی نہ ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میں ارادہ کرتا ہوں کہ کسی کو نماز کا حکم دوں، وہ نماز پڑھائے اور پھر دیکھوں کہ کون نماز کیلئے نہیں آیا، تو انہیں ( یعنی جو نماز کیلئے نہیں آئے ) ان کے گھروں کو جلا دوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا :جب تمہارے پاس وہ آدمی آئے ، جس کا دین اور اخلاق تمہیں پسند ہو تو اس سے شادی کرو، اگر نہ کرو گے تو زمین میں فتنہ اور بڑا لمبا فساد ہوگا۔

حضرت ابو ہریرہ رضی اللہ عنہ فرماتے ہیں کہ ایک آدمی حضور صلی اللہ علیہ و الہ وسلم کے پاس کھڑا ہوا تو لوگوں نے اس کے کھڑا ہونے میں کمزوری دیکھی تو کہا : فلاں آدمی کتنا کمزور ہے ۔ پس رسول کریم صلی اللہ علیہ و الہ وسلم نے فرمایا : تم نے اپنے بھائی کا کچا گوشت کھایا اور اس کی غیبت کی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : کیا تم جانتے ہو کہ تمہاری اس آگ اور جہنم کی آگ کی کیا مثال ہے وہ آگ دھوئیں سے زیادہ سخت ہو گی اور وہ تمہاری آگ سے ستر گنا زیادہ ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ماہ رمضان میں آواز اور ذوالقعدہ میں قبائل کا فرق ، ذی الحجہ میں حاجیوں کی چیزوں کو سلب کیا جانا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے صبح و شام یہ کلمات " اعوذ بکلمات اللہ التامات من شرما خلق " پڑھ تو اس کو کوئی شی نقصان نہیں دے گی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : ایک عورت ، ایک بلی کو بھوکا پیاسا باندھنے کی وجہ سے جہنم میں گئی ، اس نے اس کو پینے اور کھانے کیلئے نہ دیا نہ زمین کے حشرات کھانے کیلئے چھوڑا، یہاں تک کہ وہ بندھی ہوئی ہی مر گئی اور فاحشہ عورت جنت میں داخل ہوئی جب وہ ایک پیاسے کتے کے پاس سے گزری جو پانی کی تلاش میں تھا، لیکن وہ پانی پی نہیں سکتا تھا، اس فاحشہ عورت نے اپنا موزہ اتار کر اس کو اپنے کپڑے سے باندھا اور اس میں پانی نکال کر اس کو پلایا تو وہ سیر ہو گیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے اللہ کی راہ میں جہاد کیلئے سامان تیار کیا، اس نے جہاد کیا ، جو غازی کے گھر والوں کے پاس رہا تو بھلائی ہے ، اس نے بھی جہاد کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی وضو کرے تو کلی کرے اور ناک میں پانی ڈالے اور کان کا مسح کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے نماز میں سے ایک رکعت پالی ، اس نے نماز پا لی ۔