Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم فرمایا کرتے تھے : رمضان سے ایک یا دو دن پہلے روزے نہ رکھا کرو، ہاں وہ آدمی رکھ سکتا ہے جو پہلے سے روزے رکھ رہا ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کی راہ میں قتل کیا جانے والا شہید ہے ، اللہ کی راہ چلتے ہوئے ڈوب کر مرنے والا شہید ہے ، پیٹ کی بیماری میں مرنے والا اللہ کی راہ میں شہید ہے ۔

حضرت ابو ہریرہ رضی اللہ عنہ فرماتے ہیں کہ گویا میں اب بھی حضور صلی اللہ علیہ و الہ وسلم کی بغلوں کی سفیدی کو دیکھ رہا ہوں اس حالت میں کہ آپ سجدہ کر رہے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم " اذا السماء انشقت اور اقراء باسم ربک میں سجدہ تلاوت کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو آدمی اندھے پن میں تیر اندازی سے قتل کیا گیا کہ ان کے درمیان پتھر ، ڈنڈا یا کوڑا ہو تو یہ قتل خطا ہے ۔ اس کی دیب قتل خطا والی ہو گی اور جس شخص کو جان بوجھ کر قتل کیا گیا تو اس کا قصاص ہے ۔ جو آدمی درمیان میں رکاوٹ بنا، اس پر اللہ کی لعنت اور غضب ہے ۔ اس کی نفلی اورفرضی عبادات ناقابل قبول ہوں گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے ابو ہریرہ تم ہر گز کسی امیر کے پاس نہ جانا، اگر تو اس کام پر غالب آ جائے تو میری سنت سے آگے نہ بڑھنا اور اس کی تلوار سے مت ڈرنا اور اس کی تلوار ( کا خوف ہو گا) اگر تو انہیں اللہ سے ڈرنے اور اس کی اطاعت کرنے کا حکم دے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم ، عبداللہ بن ابی بن سلول کے پاس سے گزرے جبکہ وہ ایک سایہ میں بیٹھا ہوا تھا ، آپ صلی اللہ علیہ و الہ وسلم نے فرمایا : ابن ابی کبشہ ہم سے لڑنا چاہتا ہے ۔ عبداللہ بن عبداللہ کے بیٹے نے عرض کی : وہ ذات جس نے آپ کو عزت دی اور آپ پر قرآن نازل کیا ، اگر آپ ارشاد فرمائیں تو اس کا سر اتار کر آپ کی بارگاہ میں لے آؤں ۔ حضور صلی اللہ علیہ و الہ وسلم نے فرمایا : نہیں ! بلکہ تو اپنے والد سے نیکی کا سلوک کر اور اچھائی سے اس کے ساتھ دو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : چاندنی رات اور روشن دن میں کثرت سے میری بارگاہ میں درود پاک پڑھو کیونکہ تمہارا درود میری بارگاہ میں پیش کیا جاتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی نماز کا ارادہ کرے تو پہلے اپنے سجدہ کی جگہ کو برابر کر لے ، اس لیے نہ چھوڑے کہ جب سجدہ کرے گا تو پھونک مار کر سجدہ کرے گا، تم میں سے کوئی آگ کے انگارے پر سجدہ کر لے تو اس کیلئے بہتر ہے اس سے کہ وہ پھونک مار کر سجدہ کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نماز بہترین شی ہے ، جو تم میں سے طاقت رکھے ، نماز پڑھنے کی تو وہ کثرت سے نماز پڑھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی آدمی دس یا اس سے زیادہ کا امیر بنے اور انصاف نہ کرے قیامت کے دن اس حالت میں لایا جائے گا کہ وہ خیانت کرنے والوں کے زمرے میں ہوگا ، اللہ عزوجل چاہے تو معاف کر دے یا چاہے تو اس سے بدلہ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بیشک جب جہنم والوں کو جہنم کی طرف لایا جائیگا ، تو جہنم ایک لقمہ لے کر ان کو نگل جائے گی، پس ان کو جھلسا دے گی اور ان کی ہڈیوں پر گوشت نہیں چھوڑے گی مگر اس کو ان کی ایڑھی کے اوپر سخت پٹھے پر ڈال دے گی ۔