Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے اپنے غلام یا لونڈی پر زنا کی تہمت لگائی ، اسے قیامت کے دن حد لگائی جائے گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے ابو ہریرہ : جب تو وضو کرنے کا ارادہ کرے تو بسم اللہ والحمد اللہ پڑھ اور تیرے فرشتے تیرے لیے نیکیاں لکھتے رہیں گے یہاں تک کہ تیرا وضو ٹوٹ جائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سلام اللہ کے ناموں میں سے ایک نام ہے ، اللہ عزوجل نے اسے زمین پر ہمارے دین والوں کیلئے بطور سلام کے رکھا اور ہمارے ذمیوں کیلئے بطور امان رکھا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جو شخص بھوکا یا محتاج ہو اور اپنی محتاجی کو لوگوں سے چھپا کر رکھے اور اللہ کے سامنے ظاہر کرے تو اللہ تعالیٰ پر حق ہے کہ ایک سال تک رزق حلال کے دروازے اس پر کھول دے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : میں ہر روز ایک سو مرتبہ استغفار پڑھتا اور اللہ کی بارگاہ میں توبہ کرتا ہوں ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : کسی خاتون پر اس کی پھوپھی یا خالہ کو سوتن نہیں بنایا جائے گا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : زمزم کو سب سے پہلے مسافر پئے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم کے نعلین مبارک کے دو تسمے تھے اور حضرت ابو بکر اور حضرت عمر فاروق رضی اللہ عنہما کےنعلین کے بھی دو دو تسمے تھے ۔ سب سے پہلے جس نے ایک گرہ باندی وہ حضرت عثمان بن عفان رضی اللہ عنہ ہیں ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جب کتا کسی برتن میں منہ مار جائے تو اسے سات مرتبہ دھویا جائے ۔

حضرت ابو ہریرہ رضی اللہ عنہ بیان کرتے ہیں : ایک مرتبہ نبی کریم صلی اللہ علیہ و الہ وسلم نے ہمیں دن کی کوئی نماز پڑھائی اور دو رکعتوں کے بعد سلام پھیر دیا ایک شخص جسے ذوالیدین کہا جاتا تھا نے کہا : نماز میں کمی کر دی گئی ہے ؟ یا آپ صلی اللہ علیہ و الہ وسلم بھول گئے ہیں ؟ آپ صلی اللہ علیہ و الہ وسلم نے فرمایا بلکہ میں بھول گیا ہوں ۔ پھر آپ صلی اللہ علیہ و الہ وسلم نے دو رکعتیں پڑھائیں، پھر بیٹھے ہوئے دو سجدے کئے اور پھر سلام پھیرا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جس سے کوئی علم کی بات پوچھی گئی اور اس نے چھپا لیا تو اسے قیامت کے دن آگ کی لگام ڈالی جائے گی۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : بے شک اللہ تعالیٰ صدقات قبول فرماتا ہے اور ان میں سے صرف پاک ہی کو قبول فرماتا ہے اور دائیں ہاتھ سے قبول فرماتا ہے ۔ اور پھر اس صدقے کو صدقہ دینے والے کی پالتا ہے جیسے آدمی اپنے جانوروں کو پالتا ہے حتی کہ قیامت کے دن وہ ایک لقمہ احد پہاڑ جتنا بڑا ہو کر آئے گا۔