Al Muajam Al Kabir Tibrani

حضرت ا بو ہریرہ رضی اللہ تعالیٰ عنہ روایت کرتے ہیں کہ ہم حضور صلی اللہ علیہ وآلہ وسلم کے ساتھ ایک باغ میں تھے' دجال کا ذکر کیا گیا' پس آپ صلی اللہ علیہ وآلہ وسلم نے اس کے بارے میں بیان کر کے اس کا معاملہ اس طرح قریب کر دیا یہاں تک کہ ہمارے بعض متوجہ ہو کر گمان کرنے لگے کہ اس نے آکر ان کو ڈھانپ لیا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل اپنے بندے کو بیماری کے ساتھ آزمائش میں ڈالتا ہے یہاں تک کہ اس بندے کے سارے گناہ معاف فرما دیتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: بوڑھے، کمزور اور عورت کا جہاد ، حج و عمرہ ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: ذی الشمالین کے دل سلام کے بعد سجدہ (سہو) کیا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم حالت ِ روزہ میں بوسہ لے لیا کرتے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم کو معراج کی رات مقام ایلیاء میں دو پیالے پیش کیے گئے دودھ اور شراب کے' آپ صلی اللہ علیہ وآلہ وسلم نے دونوں کو دیکھا ' پھر آپ صلی اللہ علیہ وآلہ وسلم نے دودھ پکڑا' حضرت جبریل علیہ السلام نے آپ صلی اللہ علیہ وآلہ وسلم سے عرض کی: تمام خوبیاں اس پردرگار کے لئے جس نے آپ کی فطرت کی طرف رہنمائی کی' اگر آپ شراب کو پکڑ لیتے تو آپ کی امت گمراہ ہو تی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ کی قسم ! میں ہر رات ستر مرتبہ سے زیادہ (اپنی امت کے لئے) توبہ اور بخشش مانگتا ہوں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے نماز کی ایک رکعت پالی، اس نے نماز کی فضیلت پالی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: نماز جمعہ کے لئے جلدی آنے والے کو اونٹ قربان کرنے کا ثواب ملتا ہے' جو اس کے بعد آتا ہے ، اس کو ایک گائے قربان کرنے کا ثواب ملتا ہے ' جو اوس کے بعد آتا ہے، اس کو مینڈھا قربان کرنے کا ثواب ملتا ہے، جو اس کے بعد آتا ہے، اس کا ثواب ایک مرغی صدقہ کرنے کے برابر ہوتا ہے' جو اس کے بعد آتا ہے اس کا ثواب مرغی کا انڈا صدقہ کرنے والے کے برابر ہوتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ میں نے حضور صلی اللہ علیہ وآلہ وسلم کو فرماتے ہوئے سنا: جس کام سے میں تمہیں منع کروں اس سے بچو اور جس کا حکم دوں اس کو کرو جتنی تم طاقت رکھتے ہو ' تم سے پہلے لوگ زیادہ سوال کرنے اور اپنے انبیاء علیہم السلام سے اختلاف کی وجہ سے ہلاک ہوئے۔

حضرت ابو ہریرہ رضی اللہ تعالیٰ عنہ روایت کرتے ہیں کہ میں نے حضور صلی اللہ علیہ وآلہ وسلم کو فرماتے ہوئے سنا کہ میں نے عمرو بن لحی بن عامر خزاعی کو دیکھا، وہ اپنی آنت دوزخ میں گھسیٹ رہا تھا۔ یہی وہ پہلا آدمی تھا ، جس نے جانوروں کو بتوں کے نام پر چھوڑنے کی بری رسم جاری کی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم یہ دعا کرتے تھے: "اللھم انی قد اتخذت عندک عھدا لن تخلفنیہ الیٰ آخرہٖ"۔