Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب تم میں سے کوئی روزہ کی حالت میں بھول کر کچھ کھائے اور پئے تو روزہ مکمل کرے' کیونکہ اللہ نے اسے کھلایا اور پلایا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس کی تین بچیاں ہوں اور وہ ان کی اچھی پرورش کرے تو اس کے لئے جنت واجب ہو گئی۔ عرض کی گئی: یا رسول اللہ ! دو ہوں تو ؟ آپ صلی اللہ علیہ وآلہ وسلم نے فرمایا: اگرچہ دو بھی ہوں۔ عرض کی گئی : ایک بھی ہو؟ آپ صلی اللہ علیہ وآلہ وسلم نے فرمایا: اگر ایک بھی ہو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو کوئی مسلمان آدمی دن اور رات میں بارہ رکعت نفل ادا کرتا ہے' تو اللہ عزوجل اس کے لئے جنت میں گھر بناتا ہے۔

حضرت ابو اویس فرماتے ہیں: میں مدینہ میں تجارت کرتا تھا۔ میں نے کہا: میں آؤں گا۔ پس جب میں مدینے آیا۔ حضرت ابو ہریرہ رضی اللہ تعالیٰ عنہ سے میری ملاقات ہوئی تو انہوں نے مجھ سے حضرت سمرہ بن جندب کے بارے میں دریافت کیا اور جب میں بصرہ میں گیا تو حضرت سمرہ بن جندب نے مجھ سے حضرت ابو ہریرہ رضی اللہ تعالیٰ عنہ کے بارے میں دریافت کیا۔ پس حضرت ابو ہریرہ رضی اللہ تعالیٰ عنہ نے فرمایا: رسول کریم صلی اللہ علیہ وآلہ وسلم کے گھر میں ہم سات لوگ تھے تو فرمایا: تم میں جو آخر میں فوت ہو گا، وہ آگ میں ہو گا تو اب میں اور سمرہ باقی رہ گئے ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: کھانا ٹھنڈا کر کے کھاؤ۔ کیونکہ گرم کھانے میں برکت نہیں ہوتی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: مجھے لوگوں سے جہاد کرنے کا حکم دیا گیا ہے۔ "لا الٰہ الا اللہ '' پڑھنے تک ' جب وہ لا الٰہ الا اللہ پڑھ لیں گے تو انہوں نے اپنے مال اور جانیں بچا لیں مگر حق کے ساتھ اور ان کا حساب اللہ کے ذمہ ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب ہم سانپوں سے جنگ کرتے ہیں تو ہم ان کے ضرر سے محفوظ نہیں ہوتے۔ پس جب تم میں سے کوئی شخص سانپ دیکھے تو اسے قتل کر دے کیونکہ ان سے محفوظ و مامون لوگ تمہارے لئے ظاہر نہ ہوں گے اور جس نے ان سے ڈر کر قتل کرنا چھوڑ دیا تو وہ ہم میں سے نہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: میرے نام اور کنیت کو اکٹھا نہ کرو' میں ابو القاسم صلی اللہ علیہ وآلہ وسلم ہوں۔ اللہ عطا کرنے والا ہے اور میں تقسیم کرنے والا ہوں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو دس آدمیوں کا امیر بنا وہ قیامت کے دن اس حالت میں لایا جائے گا کہ وہ زنجیروں میں جکڑ ا ہوا ہو گا، یہاں تک کہ (اگر وہ ظالم ہو گا تو) ظلم اسے ہلاک کر دے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے کسی کی ایک بالشت زمین بھی ناحق لی توا س کو قیامت کے دن سات زمینون کا طوق بنا کر گلے میں ڈالا جائے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اگر کوئی تیرے گھر میں جھانکے اور تو ااسے کنکری مار کر اس کی آنکھ پھوڑ دے تو تیرے اوپر کوئی گناہ نہیں ہو گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے کسی کے غلام کو اس کے آقا کے خلاف اُبھارا،۔۔۔۔۔۔۔۔۔