Al Muajam Al Kabir Tibrani

حضرت ابوہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے رمضان کے روزے رکھے اور (عید کی صبح) صبح کے وقت غسل کر کے مسجد کی طرف گیا اور رمضان کے آخر میں صدقۂ فطر دیا' تو وہ اس حالت میں (عید گاہ سے) واپس لوٹے گا کہ اس کے گناہ بخش دئیے گئے ہوں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب تم میں سے کوئی سجدہ کرے تو وہ اپنی ہتھیلیاں زمین سے لگائے' یقیناً اللہ تعالیٰ قیامت کے دن اس کو زنجیروں سے آزاد کر ے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ رسول کریم صلی اللہ علیہ وآلہ وسلم مغرب کی نماز پڑھ کر تشریف فرما تھے اور آپ کے ساتھ آپ کے صحابہ کرام بھی موجود تھے تو اچانک ایک چلتا ہوا قافلہ آپ صلی اللہ علیہ وآلہ وسلم کے پاس سے گزرا، جس کو پیچھے سے ہانکنے والا قرآن کی تلاوت کر رہا تھا اور آگے سے چلانے ولا حُدی خوانی (شعر و شاعری) کر رہا تھا۔ پس جب رسول کریم صلی اللہ علیہ وآلہ وسلم نے انہیں دیکھا تو اوپر کی چادر سنبھالے بغیر ان کی طرف جلدی جلدی چلنے لگے۔ لوگوں نے عرض کی: اے اللہ کے رسول ! ہم آپ کے لئے کافی ہیں۔ آپ صلی اللہ علیہ وآلہ وسلم نے فرمایا: مجھے چھوڑو! تاکہ میں انہیں وہ حکم پہنچاؤں جو ان کے بارے میں میری طرف وحی کی گئی ہے۔ پس آپ پیچھے سے جا کر ان سے ملے اور فرمایا: اس گھڑی میں تمہارا کہاں کا ارادہ ہے؟ انہوں نے جوب دیا: ہم یمن جا رہے ہیں۔ فرمایا: اس گھڑی تمہاری کیا چال ہے؟ بے شک اللہ تعالیٰ کے لئے آسمان میں عظیم دیل ہے، جس کو وہ زمین کی طرف متوجہ کرتاہے۔ پس تم مت چلو۔ نہیں کوئی قدم مگر وہی جو آدمی اپنے پیٹ اور مثانہ میں پیشاب پاتا ہے پھر اور کوئی قدم نہیں ہے۔ بہر حال تو اے قوم کو ہانکنے والے ! تیرے اوپر لازم ہے کہ تجھے عرب کلام سے چند رجز یاد ہوں اور جب تو اپنی سواری پر سوار تو پڑھے اور تم پر ساری رات (یارات کے ابتدائی حصے میں ) سفر کرنا لازم ہے، کیونکہ اللہ تعالیٰ نے فرشتے مقرر کر رکھے ہیں جو مسافر کے لئے زمین کو لپیٹ دیتے ہیں جیسے کاغذات کو لپیٹ دیا جاتا ہے اور صبح کے بعد قوم آہستہ حمد کرتی ہے۔ ان کے ساتھ شاعر، کا ہن اور گمراہ نہیں ہو تا ہے۔ اگر تمہارا ارادہ ہو کہ تمہیں نفع ، سلامتی اور ساتھیوں کا اچھا سلوک حاصل ہو تو سوالی کو خالی نہ لوٹاؤ۔ پس میرے لئے حیران کن بات ہے: میں کیسے سو جاؤں، جب ساری آنکھیں سو جائیں، کیونکہ اللہ عزوجل اور اس کا رسول تمہیں اس وقت سفر کرنے سے منع کرتے ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب تم میں سے کسی کے پاس زکوٰۃ لینے والا آئے تو واپس تم سے راضی ہو کر جائے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: نیک بندے کا خواب اللہ کی طرف سے خوشخبری ہے' یہ نبوت کے اجزاء میں سے چالیسواں جزء ہے۔ میں نے یہ حدیث حضرت ابن عباس رضی اللہ تعالیٰ عنہما کو سنائی تو آپ نے فرمایا کہ حضرت عباس بن عبدالمطلب نے فرمایا: کہ حضور صلی اللہ علیہ وآلہ وسلم نے فرمایا: نبوت کے اجزاء میں سے پچاسواں حصہ ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے میت کی طرف سے حج کیا تو حج کرنے والے کو حج کا ثواب ملے گا ' جس نے کسی کو روزہ افطار کروایا اس کو روزہ رکھنے والے کے برابر ثواب ملے گا' جس نے نیکی کی دعوت دی تو اس کو عمل کرنے والے کے برابر ثواب ملے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: مجھے حضرت جبریل علیہ السلام نے عرض کی: زمین پر مجھے سب سے زیادہ نا پسند فرعون تھا' جب وہ منہ سے ایمان لانے والا تھا تو میں سڑی ہوئی کالی مٹی اس کے منہ میں ڈال دی' اس ڈر سے کہ رحمت اس کو نہ مل جائے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: قل ھواللہ احد کا ثواب تہائی قرآن پڑھنے کے برابر ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو دنیا میں لوگوں کی غیبت کرتا ہے' اس کو کہا جائے گا: اپنے مردہ بھائی کا گوشت کھا جس طرح زندہ کا کھاتا تھا' راوی کا بیان ہے: شان یہ ہے کہ وہ ضرور کھائے گا اور چیخے گا ، اس حال میں کہ وہ سخت تیوری چڑھائے ہوئے وہ گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ رسول کریم صلی اللہ علیہ وآلہ وسلم نے فرمایا: دو قسم کے دوزخیوں کو میں نے اس کے بعد نہیں دیکھا۔ ایسے لوگ جن کے پاس گائے کے کانوں کی طرح کوڑے ہوں گے، جن کے ساتھ وہ لوگوں کو ماریں گے، ایسی عورتیں ، جن کے بظاہر تو لباس ہوں گے، لیکن حقیقت میں ننگی ہوں گی، مائل ہونے والی اور مائل کرنے والی، ان کے سروں پر بختی اونٹوں کے کوہانوں کی مانند (بال اکٹھے) ہوں ۔ یہ جنت میں داخل نہ ہو سکیں گے اور نہ ہی اس کی خوشبو پا سکیں گی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: آدمی آدمی کے ساتھ اور عورت عورت کے ساتھ نہ لپٹے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: میری امت کی عمریں ساٹھ سے ستر سال کے درمیان ہوں گی' حضور صلی اللہ علیہ وآلہ وسلم نے فرمایا: میری امت کے لوگ کم سے کم ستر سال کے ہوں گے۔