Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : تم میں سے کوئی آدمی اپنی پشت پر لکڑیوں کا گٹھا اٹھا کر فروخت کرے ( اور اپنی زندگی بسر کرے ) تو اس کیلئے بہتر ہے اس سے کہ وہ لوگوں سے مانگے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کیا وہ نہیں ڈرتا جو اپنا سر امام سے پہلے اٹھاتا اور رکھتا ہے کہ اس کا سر گدھے کے سر کی مثل بدل دیا جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : وہ زمانہ قریب ہے کہ ثرید کھانے والے ایک دوسرے کو بلاتے پھریں گے ۔ ( کہ آ جاؤ آج فلاں جگہ ثرید بنا ہوا ( لنگر تیار ) ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے صرف جمعہ کا روزہ رکھنے سے منع فرمایا : ہاں ، اگر اس کے ساتھ دوسرے دن کا بھی رکھا جائے تو جائز ہے ۔

حضور صلی اللہ علیہ و الہ وسلم نے فرمایا : آگ سے پکی ہوئی شی کھانے کے بعد وضو کرو ( یعنی کلی وغیرہ کرو ) ۔

حضرت ابو ہریرہ رضی اللہ عنہ فرماتے ہیں : نبی کریم صلی اللہ علیہ و الہ وسلم مسجد میں داخل ہوئے ۔ پس آپ نے دیکھا لوگ تھوڑے تھے ۔ پس فرمایا : اگر کوئی آدمی لوگوں کو سالن اور جانور کے کھر یعنی اس کے ساتھ روٹی کی طرف بلاتا تو وہ ضرور قبول کرتے، لیکن ( انہیں بلایا جاتا ہے پھر بھی ) وہ نماز سے پیچھے رہ جاتے ہیں ، قسم ہے ، اس ذات کی جس کے قبضے میں میری جان ہے ، میں نے ارادہ کیا کہ چند جوانوں کو حکم دوں تو وہ لکڑیوں کے گٹھے جمع کریں پھر میں ان لوگوں کے گھروں کو جلا کر راکھ کر دون جو مؤذن کو سنتے ہیں اور جواب نہیں دیتے یعنی مسجد میں نماز پڑھنے کے لیے نہیں جاتے ۔

حضرت ابو ہریرہ رضی اللہ عنہ سے مروی ہے کہ ایک آدمی نبی کریم صلی اللہ علیہ و الہ وسلم کے قریب ہیں حضرت ابو بکر کو برا بھلا کہہ رہا تھا اور حضرت ابو بکر خاموش تھے ۔ پس جب وہ آدمی خاموش ہو گیا تو حضرت ابو بکر نے جواب میں ایک کلمہ کہا تو نبی کریم صلی اللہ علیہ و الہ وسلم اٹھ کھڑے ہوئے اور حضرت ابو بکر آپ صلی اللہ علیہ و الہ وسلم کے پیچھے چلے اور عرض کی : اے اللہ کے رسول ! وہ آدمی مجھے برا بھلا کہہ رہا تھا تو آپ تشریف فرما تھے اور جب میں نے جواب دیا یا کہا : میں غالب آ گیا یا اس جیسی کوئی بات کہی تو آپ صلی اللہ علیہ و الہ وسلم اٹھ کھڑے ہوئے ؟ فرمایا : ایک فرشتہ تھا جو اس کو جواب دے رہا تھا اور کہہ رہا تھا : تو نے جھوٹ کہا۔ پس جب آپ نے کلام کیا تو شیطان آ گیا۔ پس میں نے بیٹھنا نا پسند کیا۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم یہ دعا کرتے تھے : " اللھم اصلح لی دینی الذی جعلتہ عصمۃ امری الیٰ آخرہ" ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم جب نماز پڑھتے تو انگلیوں کو کھلا رکھتے تھے ۔

حضرت ابو ہریرہ رضی اللہ عنہ سے مروی ہے کہ حضور صلی اللہ علیہ و الہ وسلم نے فرمایا : جب جنتی جنت میں داخل ہو جائیں گے تو ایک آدمی کھڑا ہو جائے گا اور عرض کرے گا : اے میرے رب ! مجھے کھتی باڑی کرنے کی اجازت دی جائے ۔ پس اسے اجازت دی جائے گی تو وہ بیج بوئے گا۔ پس وہ متوجہ نہیں ہوگا یہاں تک کہ ہر سٹے کی لمبائی بارہ گز ہو چکی ہو گی پھر وہ اپنی جگہ پر ہو گا حتیٰ کہ اس سے پہاڑوں کی مانند انبار ہوں گے پس ایک دیہاتی نے عرض کی : اے اللہ کے رسول ! آپ اس آدمی کو قریشی یا انصاری دیکھتے ہیں ۔ پس نبی کریم صلی اللہ علیہ و الہ وسلم ( یہ سن کر ) ہنس پڑے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : خواب عالم یا خیر خواہ کو بتایا جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو مجھ پر جان بوجھ کر جھوٹ باندھے ، اس کو چاہیے کہ اپنا ٹھکانہ جہنم میں بنائے ۔