Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم سے ایک آدمی نے عرض کی : یا رسول اللہ ! کیا آدمی ایک کپڑے میں نماز پڑھ سکتا ہے ؟ آپ صلی اللہ علیہ و الہ وسلم نے فرمایا : کیا تم میں سے کوئی دو کپڑے پاتا ہے ؟

حضرت ابو ہریرہ رضی اللہ عنہ روایت ہیں کہ تم میں سے کوئی ایک جوتی پہن کر نہ چلے ، تم میں جعفر بن ابو طالب کی مثل کوئی سوار نہیں ۔

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا : جب تمہارے پاس ایسا آدمی ( نکاح کا پیغام لیکر ) آئے ، جس کے دین اور اخلاق سے تم راضی ہو تو ( اپنی بیٹی کا ) اس سے نکاح کر دو ، اگر تم نے ایسا نہ کیا تو زمین میں فتنہ اور وسیع فساد ہوگا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : برا کھانا وہ ہے جس میں صرف مال داروں کو دعوت دی جائے اور کمزوروں کو نہ بلایا جائے ، جس کو دعوت دی جائے ، وہ قبول نہ کرے تو اس نے اللہ اور اس کے رسول کی نافرمانی کی ، پھر فرمایا : اللہ کی قسم ! میں خود نہیں کہتا ہوں۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ٹھہرو ! صبر سے کام لو ! ( اللہ سے مہلت مانگو ) اگر خشوع کرنے والے جوان نہ ہوتے ، رکوع کرنے والے بوڑھے نہ ہوتے ، دودھ پیتے بچے نہ ہوتے اور چرنے والے چوپائے نہ ہوتے ، دودھ پیتے بچے نہ ہوتے اور چرنے والے چوپائے نہ ہوتے تو تم پر عذاب کا کوڑا برسایا جاتا پھر وہ پیس کے رکھ دیتا۔

حضرت ابو ہریرہ رضی اللہ عنہ فرماتے ہیں : ہم نے عرض کی : اے اللہ کے رسول ! جب ہم آپ کے پاس ہوتے ہیں تو ہمارے دل آخرت کی یاد میں مستغرق ہوتے ہیں ۔ جب ہم آپ کی محفل سے باہر نکلتے ہیں تو یہ ساری کیفیت ہم سے دور ہو جاتی ہے ؟ فرمایا ؛ جب تم لوٹتے ہو اگر اس وقت بھی تمہاری یہی حالت ہوتی ، جو میرے پاس ہوتی ہے تو فرشتے تمہارے گھروں میں تمہاری زیارت کو آتے اور اپنے ہاتھوں کے ساتھ تم سے مصافحہ کرتے اور اگر ( ایسے بن جاتے کہ ) تم سے کبھی کوئی گناہ سرزد نہ ہوتا تو اللہ تعالیٰ دوسری مخلوق لے آتا، جن سے ( نیکیوں کے ساتھ ) کبھی گناہ بھی سرزد ہو جاتا ( اور وہ اپنے گناہ کی معافی طلب کرتے ) تو اللہ تعالیٰ انہیں معاف فرما دیتا ۔

میں نے عرض کی : یا رسول اللہ ! ہمیں جنت اور اس کی عمارت کے متعلق بتائیں؟ آپ صلی اللہ علیہ و الہ وسلم نے فرمایا : اس کی ایک اینٹ سونے کی ، ایک چاندی کی ، اس کا گارا کستوری کا اور اس کی کنکریاں موتی اور یا قوت کی ، اس کی مٹی ورس اور زعفران کی ہے ، جو ا س میں داخل ہو گا، اس میں ہمیشہ رہے گا، مرے گا نہیں اس کی نعمتوں سے اکتائے گا نہیں ، کپڑے نہیں پھٹیں گے ، جوانی ختم نہیں ہو گی۔

تین آدمی ایسے ہیں جن کی دعا رد نہیں ہوتی ہے : عادل بادشاہ ، روزے دار کی افطاری کے وقت کی دعا اور مظلوم کی بد دعا ، اللہ عزوجل قیامت کے دن اسے بادلوں سے اوپر اٹھائے گا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم میں سے کسی کو خوشبو ( بطور تحفہ ) دی جائے تو اس کو لگا لے اور جب کوئی میٹھی شی لائی جائے تو اس سے چکھے ۔

حضرت ابو ہریرہ رضی اللہ عنہ روایت ہیں کہ میرے خلیل ابو القاسم صلی اللہ علیہ و الہ وسلم نے مجھے تین چیزوں کی وصیت کی جنہیں میں مرتے وقت تک نہیں چھوڑوں گا: ہر ماہ تین روزے رکھنے کی ، جمعہ کے دن غسل رکھنے کی اور سونے سے پہلے وتر پڑھنے کی ۔

حضرت ابو ہریرہ رضی اللہ عنہ روایت ہیں کہ جب حضور صلی اللہ علیہ و الہ وسلم کو معراج کروائی گئی تو آپ نے فرمایا : اے جبرائیل علیہ السلام ! میری قوم مجھ پر تہمت لگائے گی ، میری تصدیق نہیں کرے گی ، فرمایا : اگر آپ کی قوم آپ کو متہم کرے گی تو حضرت ابو بکر آپ کی تصدیق کریں گے ۔

حضرت ابو ہریرہ رضی اللہ عنہ روایت ہیں کہ جب حضور صلی اللہ علیہ و الہ وسلم کو معراج کروائی گئی تو آپ نے فرمایا : اے جبرائیل ! میری تصدیق نہیں کرے گی ، فرمایا : اگر آپ کی قوم آپ کی تصدیق نہیں کرے گی تو حضرت ابو بکر آپ کی تصدیق کریں گے اور وہ سچے ہیں ۔