Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کو فرماتے ہوئے سنا : قریب ہے کہ مسلمانوں کی دور ترین ہتھیار رکھنے کی جگہ ( مورچہ یا ناکہ ) مقام سلاح ہو گااور سلاح خیبر کے قریب ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو کوئی " سبحان اللہ و الحمد للہ و لا الہ الا اللہ الیٰ آخرہ " پڑھتا ہے تو ایک فرشتہ ان کو اپنے پروں پر لیتا ہے اور کسی شی کو واپس نہیں کرتا ہے یہاں تک کہ انہیں لے کر عرش پر پہنچ جاتا ہے اور جس چیز کے پاس سے گزرتا ہے وہ چیز ان کلمات اور ان کے کہنے والے پر درود پڑھتی ہے اور تسبیح کا مطلب : اللہ تعالیٰ کو ہر قسم کی کمزوری سے پاک کہنا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کوئی شی کو بیماری نہیں لگاتی۔ ایک دیہاتی نے عرض کی : یا رسول اللہ ! ایک اونٹ ہرنوں کی طرح رمال ( ریت کے ٹیلوں ) میں تھا۔ پس ان میں دوسرا اونٹ واقع ہوا جبکہ اس کے ہونٹ یا دم کی جڑ میں خارش کا ابتدائی پھوڑا تھا۔ پس وہ اونٹ ان میں رہا اور اس نے دوسروں کو خارش زدہ کر دیا۔ حضور صلی اللہ علیہ و الہ وسلم نے فرمایا : عاھہ ( مرض جو مویشیوں پر آئے) اور تقدیر ہے ۔

حضرت سعید بن عبدالعزیز نے حدیث بیان کی کہ ہشام بن عبدالمالک نے جناب زہری کو سات ہزار دینار پورے کر دیئے پھر ہشام نے امام زہری سے کہا : پھر ایسا نہ کرنا تو امام زہری نے کہا : اے مومنوں کے امیر ! مجھے سعید بن مسیب نے حدیث سنائی انہوں نے حضرت ابو ہریرہ رضی اللہ عنہ روایت کیا کہ رسول کریم صلی اللہ علیہ و الہ وسلم نے فرمایا : مومن ایک سوراخ سے دو مرتبہ نہیں ڈسا جاتا ہے ۔پھر امام زہری نے وہی کام کیا، تو ہشام نے آپ سے اس بارے میں بات کی تو کہا : اے امیر المومنین ! سخی کو تجربے نفع نہیں دیتے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : تم میں سے جو کوئی کھائے تو دائیں ہاتھ سے کھائے اور دائیں ہی سے پیئے کیونکہ شیطان بائیں ہاتھ سے کھاتا ہے اور اسی سے پکڑتا اور بائیں ہاتھ سے دیتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم ہر رات سورۃ آل عمران کی آخری آیتیں تلاوت کرتے تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم لوگوں کی طرف متوجہ ہوئے اور فرمایا : ایک آدمی اپنی گائے ہانک رہا تھا ، ا س نے گائے پر سوار ہونے کا ارادہ کیا تو گائے نے اس کی طرف متوجہ ہو کر کہا : ہم سواری کے لیے پیدا نہیں ہوئیں، ہم تو صرف کھیتی کیلئے پیدا کی گئی ہیں ، جو اس کے اردگرد تھے ، وہ کہنے لگے : اللہ پاک ہے ! ہے گائے گفتگو کر رہی ہے ۔ حضور صلی اللہ علیہ و الہ وسلم نے فرمایا : مجھے اس پریقین ہے اور ابو بکر وعمر کو اس پر ایمان لائے ۔

پھر حضور صلی اللہ علیہ و الہ وسلم نے فرمایا : ایک آدمی نے کہا : ہم بکریاں چرا رہے تھے ، ایک بھیڑیا آیا اور اس نے بکری پکڑی ، میں اس بھیڑیے کو تلاش کرنے لگا، میں نے اس کو پکڑا تو اس نے کہا : درندوں کے دن تیرا کیا حال ہو گا، جب میرے ولاوہ کوئی چرواہا نہیں ہو گا۔ لوگوں نے کہا : اللہ پاک ہے ( سبحان اللہ ) ! بھڑیا گفتگو کر رہا ہے ۔ حضور صلی اللہ علیہ و الہ وسلم نے فرمایا : میں اور ابو بکر و عمر یقین کرتے ہیں ، حالانکہ وہ دونوں وہاں پر موجود نہ تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ( تم میں سے جو کوئی اونٹ کی زکوٰۃ نہیں دیتا ہے ) قیامت کے دن وہ اونٹ کو اپنی گردن پر اٹھا کر میرے پاس آئے گا، اس حال میں کہ وہ اونٹ بول رہا ہوگا۔ پس وہ پکارے گا ! اے محمد ! میں کہوں گا : میں تیری کوئی سفارش نہیں کروں گا۔ ( اس کے متعلق احکام ) تجھے پہنچا دیئے گئے تھے ۔ ( تم میں سے جو کوئی بکری زکوٰۃ نہیں دیتا ہے ) قیامت کے دن وہ بکری کی زکوٰۃ نہیں دیتا ہے ) قیامت کے دن وہ بکری کو اپنی گردن پر اٹھا کر میرے پاس آئے گا ، اس حال میں کہ وہ بکری بول رہی ہو گی ۔ پس وہ پکارے گا : اے محمد ! میں کہوں گا : میں تیری کوئی سفارش نہیں کروں گا ۔ ( اس کے متعلق احکام ) تجھے پہنچا دیئے گئے تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : انڈہ صدقہ دینے میں ایک دن کے روزے یا ایک مسکین یعنی احرام والے کو کھانا کھلانے کا ثواب ہے ۔

حضرت ابو ہریرہ رضی اللہ عنہ فرماتے ہیں : میں نے عرض کی : اے اللہ کے رسول ! میں جوان آدمی ہوں اور مجھے اپنے نفس پر سر کشی کا خوف ہے جبکہ میں شادی کرنے کی طاقت نہیں رکھتا ، کیا مجھے اجازت ہے کہ میں خصی ہو جاؤں ؟ فرماتے ہیں : آپ خاموش رہے ۔ پھر میں نے عرض کی : اے اللہ کے رسول ! میں جوان آدمی ہوں اور میں شادی کرنے کی طاقت نہیں رکھتا ، کیا مجھے اجازت ہے کہ میں خصی ہو جاؤں ( فرماتے ہیں : ) میں تیسری بار بھی یہی عرض کی تو رسول کریم صلی اللہ علیہ و الہ وسلم نے فرمایا : اے ابو ہریرہ ! جس سے تو ملنے والا ہے ، وہ لکھ کر قلم خشک ہو گیا ہے خواہ تو خصی ہو جا یا اس کو چھوڑ دے ۔

حضرت ابو ہریرہ رضی اللہ عنہ روایت کرتے ہیں کہ پیالے کی ٹوٹی ہوئی طرف سے پینے سے منع کیا گیا ہے ۔