Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے مسجد کے قبلہ کی جانب تھوک دیکھا تو اسے صاف کیا، پھر فرمایا : جب تم میں سے کوئی تھوکے تو قبلہ کی طرف نہ تھوکے بلکہ بائیں جانب تھوکے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : افضل دن جس دن سورج طلوع ہوتا ہے ، وہ جمعہ کا دن ہے ، اس دن حضرت آدم علیہ السلام پیدا ہوئے اس دن جنت میں داخل ہوئے ، اس دن جنت سے نکالے گئے ، قیامت بھی جمعہ کے دن آئے گی۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : معدہ بدن کا حوض ہے ، رگیں اس میں داخل ہونے والی ہیں ، جب معدہ ٹھیک ہو گا تو رگیں صحیح چلیں گی اور اگر معدہ خراب ہو گا تو رگیں بیماری کے ساتھ چلیں گی ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کا تلبیہ اس طرح ہوتا تھا " لبیک الہ الحق " ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : عورت سے اس کی پھوپھی اور اس کی خالہ پر نکاح نہ کیا جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : امام ضامن اور مؤذن امانت والا ہے ، اے اللہ ! اذان دینے والوں کو بخش دے اور اماموں کو ہدایت دے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے ایک آدمی کو سنا جو دوسرے سے کہہ رہا تھا : اے شہنشاہ ! حضور صلی اللہ علیہ و الہ وسلم نے فرمایا : تمام بادشاہوں کا بادشاہ اللہ ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : تم اپنی عیدوں کو تکبیروں کے ساتھ مزین کرو۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : اللہ عزوجل نے فرمایا : جب میرا بندہ برائی کا ارادہ کرتا ہے تو اس کا گناہ لکھا نہیں جاتا جب وہ برائی کرتا ہے تو ایک گناہ لکھا جاتا ہے ، اگر بندہ میرے خوف سے وہ برائی چھوڑ دے تو اس کیلئے ایک نیکی لکھی جاتی ہے ۔ اگر نیکی کا ارادہ کرے لیکن وہ نیکی نہ کرے تو اس کیلئے پھر بھی ایک نیکی لکھی جاتی ہے اور اگر نیکی کر لے تو دس نیکیوں سے سات سو نیکیوں تک کا ثواب لکھا جاتا ہے ۔

حضرت ابو ہریرہ رضی اللہ عنہ نبی کریم صلی اللہ علیہ و الہ وسلم سے روایت کرتے ہیں : آپ صلی اللہ علیہ و الہ وسلم نے فرمایا : جب مؤذن اذان دیتا ہے تو شیطان دم دبا کر بھاگ جاتا ہے ، اس حال میں کہ گورنر کر رہا ہوتا ہے ۔ پس جب مؤذن خاموش ہوتا ہے تو وہ واپس آ جاتا ہے حتیٰ کہ نمازی کو وہ کچھ یاد دلاتا ہے ، جو اسے یاد نہیں ہوتا ہے یہاں تک کہ وہ اس کی نماز میں ہم ڈال دیتا ہے تو اسے اندازہ نہیں رہتا ہے کہ اس نے کتنی رکعتیں پڑھی ہیں ۔ پس جب تم میں سے کسی کو ایسی صورت حال پیش آئے کہ اسے معلوم نہ ہو کہ اس نے کتنی رکعتیں ، زیادہ یا کم ؟ تو اسے سلام پھیرنے کے بعد سہو کے دو سجدے کر لینے چاہیں ، کیونکہ یہ دونوں ( شیطان ) کو ذلیل کرنے والے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : چور چوری نہیں کرتا ہے ، جب وہ چوری کرتا ہے ، اس حال میں کہ وہ مؤمن ہو۔ شراب پینے والا شراب نہیں پیتا ہے ، جب وہ شراب پیتا ہے اس حال میں کہ وہ مؤمن ہو اور زنا نہیں کرتا ہے ۔ اس حال میں کہ وہ مومن ہو لیکن توبہ کے دروازے کھلے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم سے صحابہ نے عرض کی : ہم اپنے دلوں میں ایسی باتیں پاتے ہیں جنہیں ہم اپنی زبان پر لانا پسند نہیں کرتے اور ہمارے لیے وہ چیز نہ ہو، جس پر سورج طلوع ہو تو نبی کریم صلی اللہ علیہ و الہ وسلم نے فرمایا : واقعی تم لوگ یہ چیز پاتے ہو ؟ صحابہ نے عرض کی : ہاں ۔ فرمایا : یہ واضح ایمان کی علامت ہے ۔