Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے لا الہ الا اللہ محمد رسول اللہ ، پڑھا تو اسے ایک دن میں ایک زمانے سے زیادہ فائدہ ہو گا ، اگرچہ اسے عذاب پہنچ جانے کے بعد ہو۔

حضرت ابو ہریرہ رضی اللہ عنہ فرماتے ہیں جب بنی کریم صلی اللہ علیہ و الہ وسلم نے علا بن حضرمی کو بحرین کی طرف بھیجا تو میں ان کے پیچھے گیا۔ پس میں نے ان میں تین خاص خوبیاں دیکھیں ، میں فیصلہ نہ کر پایا کہ ان میں سے کونسی سب سے اچھی ہے ۔ ہم سمندر کے کنارے پہنچے تو انہوں نے کہا : اللہ کا نام لیا اور سمندر میں اتر گئے ۔ پس ہم نے عبور کیا تو صرف ہمارے اونٹوں کے پاؤں کے تلوے گیلے ہوئے ۔ پس جب ہم واپس لوٹے تو ہم ان کے ساتھ چٹیل میدان میں تھے جبکہ ہمارے پاس پانی نہیں تھا ۔ پس ہم نے ان کے پاس شکایت کی تو انہوں نے دو رکعت نماز پڑھ کر دعا کی۔ اچانک ڈھال کی مانند بادل امذ آیا پھر اس نے اپنے ڈول ڈھیلے چھوڑ دیئے ۔ پاس اس نے ہمیں خوب سیراب کیا، اور ہم خوب سیراب ہوئے اور ان کا وصال ہو گیا تو ہم نے ان کو ریت میں ہی دفن کر دیا۔ پس ہم زیادہ دور نہ گئے تھے کہ ہم نے کہا : کہیں ایسا نہ ہو درندے آ کر انہیں کھا لیں ۔ پس ہم واپس آئے تو ( تلاش بسیار کے باوجود ) ہم نے انہیں نہ پایا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس سے علم کے متعلق پوچھا گیا اور اس نے چھپایا تو اس کو قیامت کے دن آگ کی لگام ڈالی جائے گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : خراسان سے سیاہ جھنڈے والے نکلیں گے ، انہیں کوئی چیز روک نہ سکے گی ، وہ ایلیاء کے مقام پر اس کو گاڑ کر آئیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک آدمی کو اپنی دو انگلیوں کے ساتھ اشارہ کرتے ہوئے دیکھا تو فرمایا : ایک ، ایک ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت خدیجہ رضی اللہ عنا کیلئے جنت میں ایسے گھر کی خوشخبری دی جس میں شور اور تھکاوٹ نہ ہو گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : حضرت مبرور کی جزاء صرف جنت ہے اور دو عمرے ، درمیان میں ہونے والے گناہوں کا کفارہ ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے وہ بکری خریدی جس کا دودھ تھنوں میں روک لیا گیا ہو تو لینے والے کو اختیار ہے ، اگر چاہے تو دو صاع دے کر واپس کر دے اور اگر چاہے تو رکھ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : کیا تم میں سے کوئی ایک نہیں ڈرتا ہے ، جب وہ امام سے پہلے ( نماز میں) اپنا سر اٹھاتا ہے کہ اس کا سر گدھے کی مانند ہو جائے ؟

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب میری امت کے لوگ تکبر سے چلیں گے اور ان کی خدمت فارس اور روم کے لوگ کریں گے تو اللہ ان کے بعض کو بعض پر مسلط کر دے گا۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : قیامت کے دن ایک آدمی قیامت کے دن اپنے باپ سے ملے گا اور کہے گا : اے میرے باپ ! میں آپ کا کونسا بیٹا ہوں ؟ وہ کہے گا : بہترین بیٹا ۔ کیا آج تو میری بات مانے گا اگر میں تجھے کوئی کام کہوں ؟ پس وہ کہے گا : ہاں ۔ وہ کہے گا : ہاں۔ وہ کہے گا : میرا ہاتھ پکڑو ۔ وہ ہاتھ پکڑ کر چل پڑے گا یہاں تک کہ رب تبارک و تعالیٰ کے پا آئے گا جبکہ وہ مخلوق سے اعراض کر کے فرمائے گا: اے ابن آدم جنت کے دروازوں میں سے جس میں چاہے داخل ہو جا۔ پس وہ عرض کرے گا : اے میرے رب ، میرے ساتھ میرا باپ بھی ہے ، کیونکہ تو نے میرے ساتھ وعدہ کیا تھا کہ تو مجھے رسوا نہیں کرے گا۔ اللہ تعالیٰ اس سے اعراض کرے گا اور اس مخلوق کی طرف متوجہ ہوجائے گا ، جس سے اعراض کر رہا ہوگا۔ پھر اس کی طرف متوجہ ہو کر فرمائے گا : اے ابن آدم ! جنت کے دروازوں میں سے جس میں چاہے ، داخل ہو جا۔ پس وہ عرض کرے گا : اے میرے رب ! میرے ساتھ میرا باپ بھی ہے ، کیونکہ تو نے میرے ساتھ وعدہ کیا تھا کہ تو مجھے رسوا نہیں کرے گا۔ اللہ تعالیٰ اس کے باپ کی شکل مسخر کر دوزخ میں ڈال دے گا۔ پھر اس کے کان سے پکڑ کر اس کے سامنے کر کے کیا یہ تیرا باپ ہے ؟ وہ کہے گا : نہیں ۔ تیری عزت کی قسم ! یہ میرا باپ نہیں ہے ۔ حضرت محمد بن سیرین کا قول ہے کہ ہم آپس میں کہا کرتے تھے کہ شاید وہ حضرت ابراہیم ہوں ۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : جس نے دو گھوڑوں کے درمیان اپنا گھوڑا داخل کیا جبکہ وہ اس بات سے بے خوف ہے کہ کوئی اس سے آگے بڑھ جائے گا تو یہ بھی جوا شمار ہو گا۔