Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے دو مینڈھے ذبح کیے ، ان میں سے ایک اپنی طرف سے اور اپنے گھر والوں کی طرف سے اور دوسرا اپنی امت کے ان لوگوں کی طرف سے جو قربانی نہیں کر سکتے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جنت میں موتیوں کا محل ہے ،جس میں سر درد اور تھکاوٹ نہ ہو گی، وہ محل اللہ نے اپنے دوست حضرت ابراہیم علیہ السلام کیلئے تیار کیا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس سے کسی جگہ بیٹھنے پر غلطیاں کثرت سے ہوں تو وہ کھڑا ہونے سے پہلے " سبحانک ربنا و بحمدک الیٰ آخرہ " پڑھے تو یہ اس مجلس میں ہونے والی غلطیوں کا کفارہ ہو جائے گا۔

حضور صلی اللہ علیہ و الہ وسلم نے فرمایا : جس نے لا حول ولا قوۃ الا باللہ العلی العظیم پڑھا ، تو اللہ عزوجل فرماتا ہے ۔ : میرا بندہ سلامتی و امن میں داخل ہوا، وہ صحیح راستے پر چلا اور سر تسلیم خم کر دیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عاص کے دو بیٹے مؤمن تھے اور عمرو بن عاص جنتی ہے ۔

حضرت ابن عمر سے مروی ہے : انہوں نے رسول کریم صلی اللہ علیہ و الہ وسلم سے روایت کیا کہ جب آپ صلی اللہ علیہ و الہ وسلم نے زکوٰۃ اکٹھی کرنے والوں کو بھیجا تو انہیں حکم دیا کہ وہ جو صدقات وصول کریں تو پہلے اپنے زیادہ قریبی رشتہ داروں کو دیں پھر اس کے بعد جو قریبی رشتہ دار ہے ۔ اگر اس کا کوئی قریبی رشتہ دار نہ ہو تو پھر قبیلے والوں کو پھر پڑوسیوں وغیرہ سے جو حاجتمند ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے خفیہ (چوری چوری ) نکاح کرنے سے منع فرمایا ۔

اے ابو بکر ! تین چیزیں حق ہیں ، نہیں ہے کوئی آدمی جس پر ظلم کیا جائے اور وہ اللہ کی رضا کے لیے اسے پوشیدہ رکھے تو اللہ تعالیٰ اس ظلم کے بدلے اس کی مدد فرمائے گا ۔ وہ آدمی جو اللہ کی رضا کے لیے عطیہ کا دروازہ کھولتا ہے یا صلہ رحمی کرتا ہے تو اللہ تعالیٰ اس کو کثرت عطا فرمائے گا اور جو آدمی ، زیادہ کی خواہش میں گداگری کا دروازہ کھولے گا تو اللہ تعالیٰ اس کے بدلے اس کی قلت میں اضافہ کرے گا۔

حضرت بریدہ فرماتے ہیں : عورتوں میں سے حضرت فاطمہ اور مردوں میں سے حضرت علی ، رسول کریم صلی اللہ علیہ و الہ وسلم کو سب سے زیادہ پسند تھے ۔

حضرت ابو ہریرہ سے ہے کہ رسول کریم صلی اللہ علیہ و الہ وسلم نے فرمایا : جب لونڈی زنا کرے پھر زنا کرے پھر زنا کرے تو اسے بیچ ڈالو اگرچہ ڈھنگے والی رسی کے بدلے بکے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دو مسلمان جب ملتے ہیں اور مصافحہ کرتے ہیں ، ایک دوسرے سے حال احوال پوچھتے ہیں ، اللہ عزوجل سو رحمتیں نازل کرتا ہے اور ننانوے ان میں سے اس آدمی کو عطا فرماتا ہے ، اور ننانوے ان میں سے اس آدمی کو عطا فرماتا ہے جو اپنے بھائی سے حال احوال پوچھنے میں زیادہ خوشی ، کھلے چہرے، نیکی اور خوش اخلاقی سے پیش آتا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : چار پہاڑ جنتی ہیں اور چار نہریں جنتی ہیں ، جنتی پہاڑ، طور، لبنان ، طور سیناء، طور زیتا، اور جنتی نہریں : فرات نیل ،سیحان اور جیحان ہیں ۔