Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کسی کے گھر بغیر اجازت کے جھانکے تو اس کی دونوں آنکھیں پھوڑنا ، جائز ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دینار اور ہم درہم کی حرص والا ہلاک ہوا، عبدالخمیصہ کیلےافسوس ہے ، اگر اس کو دیا جائے تو خوش نما ہوتا ہے اور اگر نہ دیا جائے تو ناراض ہوتا ہے ۔ ہلاک ہو جائے اور لوٹ جائے اور جب اسے چیک دیا جائے تو پورا کر کے لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل نے ارشاد فرمایا : ہر انسان کے عمل کا بدلہ دس نیکیوں سے سات سو گنا تک ثواب ہے ، سوائے روزے کے کہ وہ میرے لیے ہے اور میں خود اس کی جزاء دوں گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے منع فرمایا کہ آدمی نماز میں ایک پاؤں کو دوسرے پاؤں پر رکھے ۔

حضرت ابو ہریرہ رضی اللہ عنہ فرماتے ہیں کہ آل محمد نے کبھی گندم کی روٹی پیٹ بھر کر نہ کھائی یہاں تک کہ حضور صلی اللہ علیہ و الہ وسلم کا وصال ہوا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب قیامت کا دن ہو گا تو اللہ عزوجل حکم دےگا، اعلان کرے گا : میں نے نسب بنایا تھا ، ہم نے بھی نسب بنایا تھا ، میں نے تم میں سے پرہیز گار کو عزت والا بنایا تھا ، تم نے انکار کیا، تم کہتے تھے کہ فلاں بن فلاں، فلاں بن فلان سے بہتر ہے ، میں آج کے دن اپنا نسب اونچا کروں گا اور تمہارا نسب نیچے کروں گا، پرہیز گار کہاں ہیں ؟ ( تاکہ میں ان کو بلند درجے عطا کروں ۔ )

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : اللہ عزوجل اس بندہ پر رحم کرے گاجس نے اپنے بھائی پر مال یا عزت کے لحاظ سے زیادتی کی ہو وہ اس سے معافی مانگ لے مرنے ( مؤاخذہ ) سے پہلے ، جس دن اس کے پاس دینار اور درہم نہیں ہوں گے ، اس کی نیکیاں ہوں گی تو اس کی نیکیاں لی جائیں گی، اگر نیکیاں نہیں ہوں گی تو اس کے گناہ لے کر اس کے نامہ اعمال میں ڈالے جائیں گے ۔

حضرت ابو ہریرہ رضی اللہ عنہ فرماتے ہیں کہ ہم نے عرض کی : یا رسول اللہ صلی اللہ علیہ و الہ وسلم ! ہم اپنے رب کی زیارت کریں گے ؟ آپ صلی اللہ علیہ و الہ وسلم نے فرمایا : کیا تم سورج کو دیکھتے ہو جس دن بادل نہ ہوں ؟ ہم نے عرض کی : جی ہاں ! فرمایا : تم رات کو چاند دیکھتے ہو، جس رات بادل نہ ہوں ؟ ہم نے عرض کی : جی ہاں ! آپ صلی اللہ علیہ و الہ وسلم نے فرمایا : بے شک تم اپنے رب کو دیکھو گے ، تم میں سے کوئی اپنے رب روبرو ہو کر باہم گفتگو کرے گا، اللہ تعالیٰ اس سے فرمائے گا : میرے بندے یاد کر ! تو نے فلاں فلاں گناہ کیا، بندہ عرض کرے گا : اے میرے رب ! تو نے مجھے بخش نہیں دیا تھا، اللہ عزوجل فرمائے گا : میری بخشش اس سے زیادہ ہو گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی جنازہ کے ساتھ چلے تو وہ نہ بیٹھے جب تک جنازہ زمین پر نہ رکھ دیا جائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : حج مبرور کی جزاء جنت ہے اور ایک عمرہ ، دوسرے عمرہ تک کے درمیان کیے جانے والے گناہوں کا کفارہ ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے مٹکے کی نبیذ سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ہر نبی کی دعا قبول ہوتی ہے ، میں نے اپنی دعا اپنی امت کی شفاعت کیلئے اختیار کی ۔