Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ اگر کوئی حضور صلی اللہ علیہ وآلہ وسلم کا ہاتھ پکڑ لیتا تو آپ اپنا دست مبارک نہیں چھڑا تے تھے جب تک کہ وہ خود نہ چھوڑ دیتا اور آپ کے گھٹنے مبارک اپنے ساتھ بیٹھنے والے کے گھٹنے سے آگے نہیں دیکھے گئے اور آپ سے کسی نے گفتگو نہیں کی مگر آپ صلی اللہ علیہ وآلہ وسلم اس کی طرف پوری طرح متوجہ ہو گئے' پھر اس سے چہرہ ٔ مبارک نہیں پھیرتے تھے جب تک وہ اپنی گفتگو مکمل نہ کر لیتا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: قاتل وارث نہیں بن سکتا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: ایک مسلمان پر ہفتہ میں ایک دن پاکی حاصل کرنا، ضروری ہے اور سر کا دھونا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: زانیہ کی کمائی حرام ہے اور کتے کی قیمت لینا بھی حرام ہے مگر جب وہ شکاری کتا ہو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: میں حق ہی کہتا ہوں۔ عرض کی گئی: یا رسول اللہ ! آپ ہم سے مذاق بھی فرماتے ہیں؟ آپ صلی اللہ علیہ وآلہ وسلم نے فرمایا: میں حق ہی کہتا ہوں۔ (خواہ مذاق میں بات کر رہا ہوں)۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: انسان کا دل رحمٰن کی دو انگلیوں جیسے اس کی شان کے لائق ہے' کے درمیان ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو کوئی مسلمان کا نگہبان ہو تو اس سے قیامت کے دن اس میں اللہ کا حکم قائم کرنے یا ضائع کرنے کے متعلق پوچھا جائے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل فرمائے گا: میں بیمار ہوا تھا تو میرے بندے نے میری عیادت نہیں کی' میں پیاسا ہوا تھا تو میرے بندے نے مجھے پانی نہیں پلایا۔ وہ عرض کرے گا: اے رب ! تو رب ہے! اللہ عزوجل فرمائے گا ؟ کیوں نہیں ! میرا مؤمن بندہ بیمار تھا' اگر تو اس کی عیادت کرتا تو میری عیادت کرنے والا ہوتا' میرا بندہ صحرا میں پیاسا تھا اگر تو اسے پانی پلاتا تو مجھے پلاتا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: دوڑ لگانا جائز نہیں ہے سوائے گھوڑے اور اونٹ میں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: بہترین صدقہ مال داری میں دینا ہے' اس کو دینے سے آغاز اس سے کر جو تیرے زیر کفالت ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: تمہیں علم دینے کے بعد تم سے علم نہیں چھینا جائے گا بلکہ علماء اپنے علم کے ساتھ وصال کر جائیں گے' لوگ جاہل رہ جائیں گے' وہ مسئلے پوچھیں گے اور (بغیر علم کے) انہیں فتوے دئیے جائیں گے ' تو وہ خود بھی گمراہ ہوں گے اور لوگوں کو بھی گمراہ کریں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ ایک انصاری نے رسول کریم صلی اللہ علیہ وآلہ وسلم کی بارگاہ میں آ کر عرض کی: اللہ کے رسول ! میرا سارا مال ، اللہ کی بارگاہ میں صدقہ ہے۔ فرمایا: تیرے والدین محتاج ہو جائیں گے اور مسکینوں کے ساتھ بیٹھیں گے۔ پھر اس کے والدین نے رسول کریم صلی اللہ علیہ وآلہ وسلم کی بارگاہ میں آ کر عرض کی: اے اللہ کے رسول ! ہمارا بیٹا انصار میں سے زیادہ مالدار تھا تو اس نے اپنا مال صدقہ کر دیا اور ہم محتاج ہو گئے یہاں تک کہ ہم مسکینوں کے ساتھ بیٹھنے پر مجبور ہو گئے۔ فرمایا: تمہارے بیٹے کا صدقہ ، تمہیں واپس کیا جاتا ہے پھر وہ فوت ہو ئے تو رسول کریم صلی اللہ علیہ وآلہ وسلم نے ان کے بیٹے کی طرف آدمی بھیج کر صدقہ کا مال واپس کرا دیا ، کیونکہ صدقہ کے مال کا کوئی وارث نہیں بن سکتا اور نہ ہی عمرہ کیا جا سکتا ہے۔