Al Muajam Al Kabir Tibrani

حضرت ابو ہریرہ رضی اللہ تعالیٰ عنہ سے روایت ہے : وہ فرماتے ہیں: رسول کریم صلی اللہ علیہ وآلہ وسلم سے جب کوئی نوجوان بوسہ لینے کے بارے میں پوچھتا تو منع فرما دیتے اور جب کوئی بوڑھا آدمی پوچھتا تو اجازت عنایت فرمادیتے اور فرماتے : بے شک نوجوان ، بوڑھے آدمی کی طرح نہیں ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے ایک جنازہ میں (بطور دعا) الحمد للہ رب العالمین پڑھا۔

حضرت ابو ہریر ہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اجازت لینے والے کو اجازت نہ دی جائے یہاں تک کہ پہلے وہ سلام کرے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: امام کی اقتداء ضروری ہے' جب امام اللہ اکبر کہے تو تم بھی اللہ اکبر کہو' جب امام رکوع کرے تو تم بھی رکوع کرو' جب امام سمع اللہ لمن حمدہ کہے تو تم الحمد للہ کہو' جب امام بیٹھ کر نماز پڑھے تو تم تمام بیٹھ کر نماز پڑھو۔

پھر حضور صلی اللہ علیہ وآلہ وسلم نے فرمایا: قبر جنت کے باغوں میں سے ایک باغ ہوتا ہے یا جہنم کے گڑھوں میں سے ایک گڑھا ہوتا ہے۔

حضرت ابو ہریر ہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے منع فرمایا کہ جانور کو تیر مار کر کھا لیا جائے' ہاں اگر زبح کر لیا جائے تو کوئی حرج نہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: یہ اخلاق اللہ تعالیٰ کی طرف سے عطیہ ہیں' جس آدمی سے اللہ تعالیٰ بھلائی کا ارادہ کرتا ہے ، اس کو اچھے اخلاق کی توفیق دیتا ہے اور جس کی قسمت میں بُرائی لکھی ہوتی ہے، اس کے لئے بُرے اخلاق مزین کیے جاتے ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو اپنا دین بدلے ، اس کو قتل کر دو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اولاد اپنے ماں باپ کا حق ادا نہیں کر سکتی' ہاں یہ ہے کہ ماں باپ کو غلام پائے اور ان کو آزاد کروائے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم سے ایک آدمی کے عرض کی: یا رسول اللہ ! کون سا صدقہ افضل ہے؟ آپ صلی اللہ علیہ وآلہ وسلم نے فرمایا: تو دے، اس حال میں کہ تو مال کا لالچ رکھنے والا، کنجوس ہو' زندگی گزارنے کی امید رکھنے والا ہو اور محتاجی سے ڈرنے والا ہو حتیٰ کہ جب تیرے پاس موت آئے تو کہے : فلاں کے لئے اتنا اور فلاں کے لئے اتنا جبکہ وہ اس کے لئے ہو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب تم میں سے کسی نے جمعہ کے دن جمعہ کی ایک رکعت پالی تو اس نے جمعہ کا ثواب پا لیا' جب ایک رکعت پا لی تو اسے چاہیے کہ وہ اس کے ساتھ ایک دوسری رکعت ملائے (اور جمعہ کی نماز مکمل کرے) اور اگر ایک رکعت بھی نہ پا سکے (بلکہ تشہد میں پہنچے ) تو چاہیئے کہ (ظہر کی نماز ) چار رکعت مکمل کر ے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے ذی الیدین کے دن سجدہ نہیں کیا۔