Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے خیبر کی زمین اور کھجور کی پیداوار کو نصف پر دیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: مجھ پر سورہ انعام مکمل نازل ہوئی ایک دفعہ ‘ اس کے ساتھ ستر ہزار فرشتے تسبیح اور تحمید پڑھ رہے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم تلبیہ ایسے پڑھتے تھے: ’’ لبيك اللهم لبيك ‘ لبيك لا شريك لك لبيك إن الحمد والنعمة لك والملك لا شريك لك ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے جمعہ کے دن غسل کرنے کا حکم دیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہم انبیاء علیہم السلام کے گروہ کو تین چیزوں کا حکم دیا گیا: (1) افطاری جلدی کرنے کا (۲) سحری دیر سے کرنے کا (۳) اور نماز میں دائیں ہاتھ کو بائیں ہاتھ پر رکھنے کا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو شے شک میں ڈالے ‘ اس کو چھوڑ دو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ایک آدمی نماز ‘ زکوۃ اور حج و عمرہ اور جہاد اور آپ نے بھلائی کی باتیں ذکر کیں کہ یہ سب کرے گا تو اس کا ثواب قیامت کے دن اس کی عقل کے مطابق دیا جائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دھوکہ باز کے لیے قیامت کے دن جھنڈا لگایا جائے گا ‘ جس سے اس کا دھوکہ باز ہوتا معلوم ہو گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: رات کی نماز دو دو رکعت ہے ‘ جب صبح ہونے کا خوف ہو تو وتر کر لیا کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے پوچھا گیا: رات کے کس حصے میں دعا جلدی قبول ہوتی ہے ‘ آپ نے فرمایا: رات کے (آخری) حصے میں ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے حج اور عمرہ کو ملا دیا ‘ دونوں کیلئے ایک ہی طواف کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: یہ ان کے لیے ہے ‘ یہ ان کے لیے ہے ‘ لوگ علیحدہ ہوئے ‘ وہ تقدیر میں اختلاف نہیں کریں گے۔