Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تمہاری عمر اور تم سے پہلے لوگوں کی عمروں کی مدت اتنی ہے جتنی نماز عصر سے لے کر سورج کے غروب ہونے تک۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے خیبر والوں سے معاملہ کیا کھیتی یا کھجور کی پیداوار کے ایک حصہ پر ۔ اور آپ صلی اللہ علیہ وسلم اپنی ازواج کو ہر سال سو وسق دیا کرتے تھے ‘ اسی وسق کھجور کے اور بیس وسق جو کے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: قریش سے دس افراد جنتی ہیں ‘ ابوبکر‘ عمر‘ عثمان‘ طلحہ‘ علی ‘ زبیر ‘ سعد ‘ سعید بن زید ‘ عبدالرحمن ٰبن عوف ‘ ابو عبیدہ بن جراح رضی اللہ عنہم اجمعین جنتی ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے میرے جسم کا حصہ پکڑا ‘ فر مایا: اے عبد اللہ ! دنیا میں مسافر کی طرح رہ اور اپنے آپ کو قبر والوں میں شمار کر۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اپنے گھر والوں سے عصا نہ اُٹھا ‘ اللہ کے معاملہ میں انہیں خوف دلاتا رہ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے نماز مغرب میں یہ قرآت کی : ’’ الذین كفروا الى ٰآخره ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس کی آنکھ کی بینائی اللہ لے لے ‘ وہ صبر کرے اور ثواب حاصل کرنے تو اللہ پر حق ہے کہ اس کی آنکھوں کو آگ نہ دکھائے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: میری اُمت کی ہلاکت طعن اور طاعون میں ہے ‘ ہم نے عرض کی : ہمیں طعن کی پہچان ہے ‘ طاعون سے مراد کیا ہے؟ آپ نے فرمایا: تمہارے جن دشمنوں کی طرف سے ہلاکت ہے ہر ایک میں شہادت ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم تلبیہ ایسے پڑھتے تھے : ’’ لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی شراب ہے ‘ ہر شراب حرام ہے۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: جس میں امانت نہیں‘ اُس میں ایمان نہیں اور نماز بغیر وضو کے نہیں‘ جس کا دین نہیں اُس کی نماز نہیں‘ نماز کا تعلق دین سے ایسے ہے جس طرح سرکا تعلق جسم سے۔

حضرت ابن عمر رضی اللہ عنہما فرماتے ہیں کہ کپڑے پر پیشاب لگے تو سات مرتبہ دھویا جائے گا‘ حضور صلی اللہ علیہ وسلم مسلسل معاف کراتے رہے یہاں تک کہ کپڑے پر لگنے والے پیشاب کو ایک مرتبہ دھونے کا حکم دیا۔