Al Muajam Al Kabir Tibrani

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم میں سے بہتر وہ ہے جو نماز میں کندھے ملاتا ہے ‘سب سے زیادہ ثواب اس قدم کے اُٹھانے کا ہے جو صف کے درمیان فاصلہ ختم کرنے کیلئے اُٹھتا ہے۔

حضرت عامر الشعبی فرماتے ہیں کہ حضرت عبداللہ بن عمر رضی اللہ عنہما نے فرمایا: جب تم اپنے بادشاہوں کے پاس جاتے ہو تو کیا کہتے ہو؟ انہوں نے کہا: ہم ان کے لیے وہی کہتے ہیں جو وہ چاہتے ہیں۔ آپ نے فرمایا: جب تم ان کے پاس سے نکلتے ہو تو کیا کہتے ہو؟ اُنہوں نے کہا: ہم ان کو وہ کہتے ہیں وہ جو وہ نہیں چاہتے ہیں۔ حضرت ابن عمر رضی اللہ عنہما نے فرمایا: ہم اس کو رسول اللہ صلی اللہ علیہ وسلم کے زمانہ مبارک میں منافقت شمار کرتے تھے۔

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: مجھے لوگوں کے ساتھ جہاد کرنے کا حکم دیا گیا ہے ‘لا الہ الا اللہ محمد رسول اللہ پڑھنے تک اور نماز قائم کرنے اور زکوٰۃ کی ادائیگی تک جب وہ ایسا کریں گے تو اُنہوں نے اپنا خون اور مال محفوظ کر لیا اور ان کا حساب اللہ کے سپرد ہے۔