Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ نبی کریم صلی اللہ علیہ وسلم کی خدمت میں ایک سونے کا ٹکڑالا یا گیا اور یہ پہلا صدقہ تھا جو معدن (یعنی کان ) سے آیا تو آپ صلی اللہ علیہ وسلم نے فرمایا: یہ کیا ہے؟ صحابہ نے عرض کی: ہماری کان سے صدقہ ہے۔ تو آپ صلی اللہ علیہ وسلم نے فرمایا: بے شک عنقریب کانیں ہوں گی اور میں اللہ کی شریر ترین مخلوق ہو گی۔

حضرت ابن عمر رضی اللہ عنہما فرماتے ہیں کہ میں نے رسول کریم صلی اللہ علیہ وسلم کے سامنے پڑھا: ’’الله الذي خلقكم من ضعف ‘‘تو آ پ صلی اللہ علیہ وسلم نے فرمایا: ’’من ضعف ثم جعل من بعد ضعف قوةً “پس فرمایا: ”ثم جعل من بعد ضعف قوة ثم جعل من بعد قوة ضعفًا ‘‘اس کے بعد فرمایا: ’’ من بعد قوة ضعفًا‘‘۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے یہ دعا کی: اے اللہ ! میری اُمت کے صبح کے کاموں میں برکت دے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے عورت اور اس کی خالہ یا پھوپھی سے نکاح کرنے سے منع فرمایا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم اپنے مردوں کو اچھائی سے یاد کرو اور ان کے گناہوں سے درگزر کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی شراب ہے اور ہر نشہ آورشی حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے شراب پی اور وہ اس حالت میں مرا تو اس پر آخرت میں شراب حرام ہوگی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم گم شد ہ شی کے متعلق یہ دعا کرتے : ’’اللهم راد الضالة الى آخره ‘‘ ۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: بے شک اہل جنت کی بیویاں خوبصورت آواز میں اپنے خاوندوں کو گانے سنائیں گی‘ جتنی خوبصورت آواز انہوں نے کبھی نہ سنی ہوگی اور وہ اس طرح گائیں گی :ہم خوبصورت چہروں والی بھلائی اور احسان کرنے والی ہیں‘ ایسے لوگوں کی بیویاں ہیں جو عزت والے ہیں‘جو دیکھتے ہیں تو ان کی آنکھیں ٹھنڈی ہوتی ہیں۔ نیز وہ جو گائیں گی‘ یہ ہوگا: ہم ہمیشہ رہنے والی ہیں‘ ہم نہیں مریں گی‘ ہم امن والی ہیں‘ ہمیں کوئی خوف نہیں ہے ‘ہم رہنے والی ہیں ‘سفر کرنے والی نہیں ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم اپنے مردوں کو اچھائی سے یاد کرو اور ان کے گناہوں سے در گزر کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی شراب ہے اور ہر نشہ آورشی حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے شراب پی اور وہ اسن حالت میں مرا تو اس پر آخرت میں شراب حرام ہوگی۔