Al Muajam Al Kabir Tibrani

حضرت حبیب بن ابو ملیکہ فرماتے ہیں کہ میں حضرت عبد اللہ بن عمر رضی اللہ عنہما کے پہلو میں بیٹھا ہوا تھا ‘پس آپ کے پاس ایک آدمی آیا ‘اس نے عرض کی: اے ابو عبدالرحمٰن ! آپ مجھے حضرت عثمان کے بارے میں بتائیں! کیا وہ بدر میں حاضر ہوئے؟ فرمایا: نہیں ! اس نے کہا: کیا بیعت رضوان میں حاضر ہوئے؟ فرمایا: نہیں ! اس نے کہا: دو لشکروں کے ملنے کے دن ان لوگوں میں تھے جنہوں نے منہ پھیرا؟ فرمایا: ہاں ! پس وہ آدمی پیٹھ پھیر کر جانے لگا تو حضرت عبداللہ بن عمر رضی اللہ عنہما سے ایک آدمی نے عرض کی: یہ آدمی ابھی جائے گا اور لوگوں کو خبر دے گا جو کچھ آپ نے حضرت عثمان کے بارے میں فرمایا ۔ فرمایا: کیا میں نے ایسا کیا ؟ اس نے عرض کی: اس کا اسی طرح گمان ہے۔ آپ رضی اللہ عنہ نے فرمایا: اس آدمی کو واپس بلاؤ! آپ نے فرمایا: کیا تجھے معلوم ہے کہ میں نے تجھ سے کیا کہا؟ اس آدمی نے عرض کی: میں نےآپ سے سوال کیا کہ عثمان غزوہ بدر میں شریک ہوا؟ تو آپ نے فرمایا: نہیں ! اور میں نے عرض کی کہ کیا وہ بیعت رضوان میں تھے؟ تو آپ نے فرمایا: نہیں! اور میں نے آپ سے سوال کیا کہ کیا وہ ان لوگوں میں تھے جنہوں نے دولشکروں کے ملنے کے دن منہ پھیرا؟ تو آپ نے فرمایا: ہاں۔ پس حضرت عبداللہ رضی اللہ عنہ نے فرمایا کہ رسول کریم صلی اللہ علیہ وسلم نے بدر کے دن فرمایا: بے شک حضرت عثمان ‘ اللہ اور اس کے رسول کے کام میں روک دیا گیا‘ پس رسول کریم صلی اللہ علیہ وسلم نے ان کا حصہ بھی نکالا حالانکہ جو دیگر لوگ بدر میں نہیں تھے ان میں سے کسی کا حصہ نہیں نکالا۔ پھر فرمایا: بیعت رضوان کے دن رسول کریم صلی اللہ علیہ وسلم نے حضرت عثمان کو مکے بھیجا تا کہ آپ کفار ِمکہ سے قربانی اور مکہ میں داخلے کے بارے بات کریں۔ رسول کریم صلی اللہ علیہ وسلم نے بیعت رضوان لی اس حال میں کہ آپ صلی اللہ علیہ وسلم مکہ میں داخل ہونا چاہتے تھے ۔ آپ صلی اللہ علیہ وسلم نے فرمایا: بے شک حضرت عثمان ‘اللہ اور اس کا رسول کے کام میں ہیں‘ پس میں ان کی طرف سے بیعت کرتا ہوں‘ پس آپ صلی اللہ علیہ وسلم نے اپنا ایک ہاتھ دوسرے پر رکھا اور فرمایا کہ اللہ کا فرمان ہے : ’’ بے شک جو لوگ تم میں سے دولشکروں کے ملنے کے دن پھر گئے ‘شیطان ہی نے ان کو ایک کوتا ہی سے جو اُنہوں نے کی ان کے پاؤں اکھیڑ دیئے اور بے شک اللہ نے ان سے در گزر کیا ‘‘(اس کے بعد آپ نے اس سے فرمایا : ) اب جا کر اپنا کام کر ۔ پس اِس سند میں اس حدیث کے راویوں میں سے کوئی بھی کلیب بن وائل اور حبیب بن ابو ملیکہ کےدرمیان داخل نہیں ہے ۔ ھانی بن قیس مگر عبد الواحد بن زیاد اور اس کو روایت کیا زائدہ اور ایک جماعت نے کلیب بن وائل سے ‘انہوں نے حبیب بن ابو ملیکہ سے ‘انہوں نے ابن عمر اور حبیب بن ابو ملیکہ سے ‘ان کی کنیت ابو ثور حدانی ہے‘ یہ بنو مراد قبیلہ کی ایک شاخ ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے رمضان کے روزے رکھے اور اس کے بعد شوال کے لگاتار چھ روزے رکھے تو اس کے گناہ اس طرح معاف ہوں گے جس طرح کہ آج ہی اُس کی ماں نے اسے جنا ہے۔

حضرت ابن عمر رضی اللہ عنہما فرماتے ہیں کہ ہم حضور صلی اللہ علیہ وسلم کے اصحاب کے درمیان فضیلت دیتے ‘ہم کہتے کہ حضرت ابو بکر و عمر و عثمان‘ پھر لوگوں کو برابر درجہ کا ٹھہراتے تھے ‘یہ بات رسول اللہ صلی اللہ علیہ وسلم تک پہنچی تو آپ نے ہم سے کوئی بات ارشاد نہیں فرمائی ‘کسی نے نہیں کہا ان لوگوں میں سے جنہوں نے حضرت نافع سے اس حدیث کو روایت کیا سوائے حضرت بکیر کے۔’’ ثم يبلغ ذلك رسول الله صلى الله عليه وآله وسلم الى آخرہ‘‘۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو غلام آزاد کرے اور غلام کے پاس مال ہو تو وہ مال غلام کیلئے ہے ‘ہاں اگر مالک مال کی شرط لگائے تو پھر وہ مالک کا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو کوئی آدمی کسی دوسرے آدمی سے کہے: اے کا فرا تو کفران میں سے ایک کی طرف لوٹ آئے گا۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا : جس نے بارہ سال اذان دی اُس کیلئے جنت واجب ہے اور اس کے اذان دینے کے بدلے ہر روز اس کیلئے ساٹھ نیکیاں لکھی جاتی ہیں اور ہرا قامت کے بدلے تیس نیکیاں لکھی جاتی ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کے لیے آئے وہ غسل کرے۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے فرمایا: اللہ تعالیٰ کا قول ہے کہ میں نے ایک مخلوق ایسی بھی پیدا کی ہے جن کی زبانیں شہد سے زیادہ میٹھی ہیں اور ان کے دل معبر سے زیادہ کڑوے ہیں یہاں تک کہ میں نے قسم کھائی ہے کہ ضرور میں ان کو فتنہ بنا کر لاؤں گا جو حلیم کو ان میں حیران کر چھوڑے گا‘پس وہ لوگ میرا نام لے کر ہی لوگوں کو دھوکہ دیں گے اور میرے خلاف ہی جرات کریں گے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے رمضان کا ایک روزہ نہ رکھا‘ وہ اس کی قضاء کرنے سے پہلے فوت ہو گیا تو اس پر لازم ہے کہ ایک دن ایک مُد کھانا مسکین کو کھلا دے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم دائیں ہاتھ میں انگوٹھی پہنتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو کوئی میری زیارت کیلئے آئے اور اُس کا مقصد میری زیارت کرنا ہی ہو تو مجھ پر حق ہے کہ میں قیامت کے دن اس کی شفاعت کروں ۔

حضرت ابن عمر رضی اللہ عنہما فرماتے ہیں کہ ایک آدمی نبی کریم صلی اللہ علیہ وسلم کی خدمت میں آیا‘عرض کی: کپڑوں میں سے میں کیا پہنوں جب میں احرام باندھنے کا ارادہ کروں؟ فرمایا: قمیص ‘قبا ‘عمامہ‘ پا جامہ اور موزے نہ پہن‘مگر وہ موزے جن کے کنارے کاٹے گئے ہوں‘ پس اگر تیرے پاس نعلین نہ ہوں تو موزے پہن لے اور ایسا کپڑا جس کو زعفران یا ورس (کی خوشبو) لگی ہوئی ہو اسے بھی مت پہن۔