Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو مجھ پر جان بوجھ کر جھوٹ باند ھے گا اُس کا ٹھکانہ جہنم ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم چٹائی پر نماز پڑھتے تھے۔

حضرت ابن عمر رضی اللہ عنہما فرماتے ہیں کہ احرام باندھنا اور مکہ میں داخل ہو کر غسل کرنا سنت ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم جب اعتکاف کرنے کا ارادہ کرتے تو آپ کے لیے اسطوانہ تو بہ کے پاس بستر بچھایا جاتا اور چار پائی ڈالی جاتی جو قبلہ والی طرف ہے ‘پھر آپ اس سے ٹیک لگاتے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم ٍنے پھل کو پکنے سے پہلے فروخت کرنے سے منع کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم عیدین کو باہر نکلے‘ آپ کے ساتھ نیزہ اور ڈھال ہوتے تھے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: تم میں سے کوئی بھی کسی ایک کی گائے وغیرہ کا دودھ اس کی اجازت کے بغیر نہ نکالے‘ کیا تم میں سے کوئی پسند کرتا ہے کہ اس کے پینے کی چیز لا کر اس کا دروازہ توڑ دیا جائے‘ پس جو کچھ اس میں ہے ‘بہہ جائے؟ بے شک لوگوں کے مویشیوں کے تھنوں میں ان کا طعام (کھانا) ہے۔

حضرت ابن عمر رضی اللہ عنہما فرماتے ہیں کہ نبی کریم صلی اللہ علیہ وسلم کی خدمت میں ایک آدمی نے آکر عرض کی: میں رمضان شریف کا روزہ توڑ بیٹھا ہوں۔ فرمایا: بغیر عذرو سفر کے؟ عرض کی : ہاں ! فرمایا : تُو نے کتنا بُرا کام کیا ہے۔اس نے عرض کی : ہاں! آپ مجھے کیا حکم دیتے ہیں؟ فرمایا: ایک غلام آزاد کر ۔ عرض کی قسم ہے کہ میں کسی غلام کا مالک نہیں ہوں۔ فرمایا: دو ماہ کے لگا تار روزے رکھ ۔ عرض کی: اس کی مجھے طاقت نہیں ہے۔ فرمایا: ساٹھ مسکینوں کو پیٹ بھر کھانا کھلا۔ عرض کی: میر نے اپنے بچے بھوکے ہیں ‘قسم ہے۔ راوی کا بیان ہے کہ نبی کریم صلی اللہ علیہ وسلم ایک ٹوکرا اُٹھا کر لائے جس میں کھجوریں تھیں‘ فرمایا: ان کو ساٹھ مسکینوں پر صدقہ کر دے۔ عرض کی: اے اللہ کے رسول! کس کو دوں؟ فرمایا: جس کو تُو سب سے زیادہ فقیر جانتا ہے۔ عرض کی: میرے گھر والوں سے زیادہ محتاج کوئی نہیں ہے۔ فرمایا: پس ان کو اپنے گھر والوں کو صدقہ کر دے ( تیرا کفارہ ادا ہو جائے گا)۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : ماں کا ذبح بچہ کا ذبح ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : جس نے اپنے بھائی کی طرف محبت کی نظر سے دیکھا‘ اس حالت میں کہ اُس کے دل میں اس کے متعلق کوئی کینہ نہیں تھا‘ وہ اس سے جدا ہو گا یہاں تک کہ اس کے گناہ معاف ہو جائیں گے۔

حضرت ابن عمر رضی اللہ عنہما فرماتے ہیں کہ میں نے رسول الله صلی اللہ علیہ وسلم کو منبر پر فرماتے ہوئے سنا: جو جمعہ کے لیے آئے وہ غسل کرے۔

حضرت ابوبکر رضی اللہ عنہ فرماتے ہیں کہ میں نے عرض کی: یا رسول اللہ ! آپ پر بڑھا یا جلدی آ رہا ہے۔ آپ نے فرمایا: مجھے سورہ واقعہ اور عم یتساء لون اور اذا الشمس کورت نے بوڑھا کر دیا ہے۔