Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ لوگوں نے چاند دیکھا‘ میں نے حضور صلی اللہ علیہ وسلم کو بتایا کہ میں نے بھی دیکھا ہے ‘حضور صلی اللہ علیہ وسلم نے خود بھی روزہ رکھا اور روزہ رکھنے کا حکم دیا۔

حضرت ابن عمر رضی اللہ عنہما فرماتے ہیں کہ رات کی نماز دو دورکعت ہے اور سلام ہے۔

اور فرمایا: تم میں سے ہر ایک نگران ہے اور اس سے اس کی رعیت کے بارے میں سوال ہوگا‘ پس امیر لوگوں پر نگران ہے ‘وہ اپنی رعیت کا ذمہ دار ہے ‘عام آدمی اپنے گھر والوں پر نگران ہے ‘وہ ان کے حوالے سے مسئول ہے ‘سو آدمی کی بیوی اپنے شوہر کے گھر کی نگران ہے ‘وہ اس کی ذمہ دار ہے‘ آدمی کا غلام اپنے آقا کے مال پر نگران ہے وہ اس کا مسئول ہے ‘خبردار! ہر ایک داعی ہے اور تم میں سے ہر ایک سے اس کی رعیت کے بارے سوال ہوگا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: رات کی نماز دو رکعت ہے ‘جب صبح ہونے کا خوف ہو تو ایک رکعت ساتھ ملا کر وتر کر لو۔

حضرت ابن عمر رضی اللہ عنہما فرماتے ہیں کہ تم میں سے کوئی بھی اپنے بھائی سے زیادہ حق نہیں رکھتا ہے ایثار میں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس سے علم کے متعلق پوچھا گیا ‘اس نے علم کو چھپایا تو اس کو جہنم کی لگام دی جائے گی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے گوہ کے متعلق پوچھا گیا ‘آپ نے فرمایا: نہ میں اسے کھاتا ہوں اور نہ اس سے منع کرتا ہوں۔

حضرت نافع فرماتے ہیں کہ حضرت ابن عمر رضی اللہ عنہما مکہ اور مدینہ کے درمیان ایک درخت کے پاس آتے ‘اس کے نیچے اُترتے اور خیال کرتے تھے کہ حضور صلی اللہ علیہ وسلم اس کے نیچے آتے تھے۔

نافع ‘حضرت ابن عمر رضی اللہ عنہما سے روایت کرتے ہیں کہ ایک آدمی حضرت ابن عمر رضی اللہ عنہما کے پاس آیا ‘اُس نے مٹکے کی نبیذ کے متعلق پوچھا ‘آپ نے فرمایا: یہ اللہ اور اس کے رسول نے حرام کی ہے۔ وہ حضرت ابن عباس رضی اللہ عنہما کے پاس گیا‘ آپ کو بتایا جو حضرت ابن عمر رضی اللہ عنہما نے کہا تھا ‘تو حضرت ابن عباس رضی اللہ عنہما نے فرمایا: ابن عمر نے سچ کہا۔

حضرت ابن عمر رضی اللہ عنہما حضور صلی اللہ علیہ وسلم سےروایت کرتے ہیں کہ آپ نے فرمایا: جب تم میں سے کوئی جمعہ کیلئے آئے تو غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کیلئے آئے وہ غسل کرے۔