Al Muajam Al Kabir Tibrani

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا: ہم انبیاء کے گروہ کو تین چیزوں کا حکم دیا گیا ‘ وقت ہو جانے پر روزہ جلدی افطار کرنے کا ‘ سحری تاخیر سے کرنے کا ‘ نماز میں دایاں ہاتھ بائیں پر رکھنے کا۔

حضرت ابن عمر رضی اللہ عنہما فرماتے ہیں کہ میں نوجوان تھا‘ میں رات مسجد میں گزارتا تھا ‘ ان میں سے کوئی آدمی خواب دیکھتا تو رسول اللہ صلی اللہ علیہ وسلم کے پاس آتا‘ آپ اس کو تعبیر بتاتے تھے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: جس نے تکبر سے کپڑے کو گھسیٹا ‘ قیامت کے دن اللہ تعالی ٰاس کی طرف نظر رحمت نہ فرمائے گا۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے فرمایا: یہ وہ ہے جس کے لیے عرش نے حرکت کی ‘ اس کیلئے آسمانوں کے دروازے کھولے گئے اور ستر ہزار فرشتے حاضر ہوئے‘ قبر نے اسے تھوڑا سا دبایا پھر کھل گئی۔

حضرت ابن عمر رضی اللہ عنہا سے روایت ہے کہ رسول کریم صلی اللہ علیہ وسلم نے خیبر والوں سے کھیتی اور کھجور کی آمدن کے ایک حصے پر معاملہ کیا‘ آپ صلی اللہ علیہ وسلم ہر سال اپنی ازواج کو سو وسق عنایت فرمایا کرتے تھے ‘ اسی وسق کھجور اور بیس وسق جو۔

حضرت ابن عمر رضی اللہ عنہما سے روایت ہے کہ رسول کریم صلی اللہ علیہ وسلم نے فرمایا: کا فرسات آنتوں سے اور مؤمن ایک آنت سے کھاتا ہے۔

حضرت ابن عمر رضی اللہ عنہا سے روایت ہے کہ رسول کریم صلی اللہ علیہ وسلم نے مغرب کی نماز میں ’’ الذین کفروا وصدوا عن سبيل الله ‘‘ پڑھی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : جس نے اپنی زبان کی خاموشی کے ساتھ رمضان کا ایک روزہ رکھا‘ اُس کے لیے جنت میں زبر جد ‘ یاقوت ‘ حمراء کا گھر بنایا جائے گا۔

حضرت ابن عمر رضی اللہ عنہما سے روایت ہے کہ رسول کریم صلی اللہ علیہ وسلم نے فرمایا: کا فرسات آنتوں سے اور مؤمن ایک آنت سے کھاتا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے صبح کی اس کا بدن تندرست تھا اور امن ہے ‘ اس دن کا اس کے پاس رزق ہے ‘ گویا اس کو دنیا عطا کی گئی ہے۔

حضرت ابن عمر رضی اللہ عنہا فرماتے ہیں کہ رسول کریم صلی اللہ علیہ وسلم نے فرمایا: ہر امت کے کچھ جنت میں اور کچھ دوزخ میں جائیں گے ‘ صرف میری اُمت ساری کی ساری جنت میں جائے گی۔

حضرت ابن عمر رضی اللہ عنہما سے اللہ تعالیٰ کے اس قول کے بارے مروی ہے کہ ’’ مشکوۃ ‘‘ سے مراد حضرت محمد صلی اللہ علیہ وسلم کا پیٹ ہے ۔ ’’ زجاجہ ‘‘ سے مراد آپ صلی اللہ علیہ وسلم کا دل ہے۔ ’’ مصباح ‘‘ سے وہ نور مراد ہے جو آپ صلی اللہ علیہ وسلم کے دل میں ہے۔ ’’ توقد من شجرة مباركة “ میں شجرہ سے ’’ ابراهيم زيتونة لا شرقية ولا غربية لا يهودى ولا نصرانی ‘‘ مراد ہے پھر پڑھا: ’’ ما كان ابراهيم يهوديًا ولا نصرانيا الى ٰآخره ‘‘ ۔