Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے مسجد کے دروازوں میں سے ایک دروازہ کے لیے فرمایا : کاش ! ہم یہ دروازہ عورتوں کیلئے چھوڑ دیتے ( حضور صلی اللہ علیہ وسلم کے اتنا فرمانے کی وجہ سے) حضرت ابن عمر رضی اللہ عنہا تا حیات اس دروازہ سے داخل نہیں ہوئے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے اسلام میں بڑھاپا پایا ‘ وہ اس کے لیے قیامت کے دن نور ہوگا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم جب اپنے صحابہ میں سے کسی آدمی کو الوداع کرتے تو فرماتے: اللہ تمہارے لیے تقویٰ کو زاد راہ کرے اور گناہ معاف کرے جہاں بھی تو جائے ‘ خیر سے ملے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے مجوس کا ذکر کیا اور فرمایا: یہ لوگ مونچھیں بڑھاتے ہیں اور داڑھی مونڈتے ہیں‘ تم ان کی مخالفت کرو۔

حضرت ابن عمر رضی اللہ عنہ فرماتے ہیں کہ حضرت حذیفہ نے نیا لباس پہنا اور یہ دعا کی : تمام تعریفیں اللہ کے لیے ہیں جس نے میری شرمگاہ کو ڈھانپا اور مجھے اپنے بندوں میں خوبصورت کیا۔ پھر فرمایا کہ حضور صلی اللہ علیہ وسلم جب نیا کپڑا پہنتے تو یہ دعا کرتے تھے۔

حضرت نافع فرماتے ہیں کہ حضرت ابن عمر رضی اللہ عنہا اپنے اونٹ پر وتر ادا کرتے تھے اور ذکر کرتے تھے کہ حضور صلی اللہ علیہ وسلم ایسے کرتے تھے ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے ازواج پاک کو حج تمتع کرنے کا حکم دیا اور ان کے لیے گائے قربان کرنے کا حکم دیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے زمانہ میں ہماری قربانی اونٹ اور گائے کی ہوئی تھی۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: جو لوگوں کے ساتھ کھانا کھائے وہ دو کو ملا کر نہ کھائے ‘ اگر کھانا چاہتا ہے تو ان سے اجازت لے لے ‘ اگر اجازت دے دیں تو کھالے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے خشک اور تازہ کھجور ملا کر کھانے سے منع کیا۔

حضرت ابن عمر رضی اللہ عنہما فرماتے ہیں کہ تمہارے نبی صلی اللہ علیہ وسلم کے اصحاب ریشم پہنے کو نا پسند کرتے تھے اور اپنے گھروں میں ریشم لے جانے کو نا پسند کرتے تھے۔

حضرت ابن عمر رضی اللہ عنہما فرماتے ہیں کہ ہم حضور صلی اللہ علیہ وسلم کے پاس تھے کہ آپ صلی اللہ علیہ وسلم نے پانی مانگا ‘ آپ کے پاس ایک پیالہ لایا گیا جس میں نبیذ تھی‘ جب آپ نے اپنے منہ کے قریب کیا تو اس میں سختی دیکھی‘ آپ نے واپس کر دیا۔