Al Muajam Al Kabir Tibrani

حضرت نافع فرماتے ہیں کہ حضرت ابن عمر رضی اللہ عنہما جب مجلس میں بیٹھتے تو اس میں یہ کلمات پڑھتے تھے۔ اُن سے اس کے متعلق پوچھا گیا تو فرمایا: حضور صلی اللہ علیہ وسلم ان کلمات کے ذریعے دعا کرتے تھے : ’’ اللهم اغفر لي ما قدمت الى ٰآخره ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: قریب ہے کہ مسلمانوں کا مدینہ میں محاصرہ کیا جائے یہاں تک کہ ہتھیار باندھنے کی جگہ مقامِ سلاح سے بھی دور ہو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آور شی حرام ہے ‘ ہر شراب حرام ہے۔

حضرت ابن عمر رضی اللہ عنہما فرماتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: جب تم میں سے کوئی مر جائے تو اس پر صبح و شام اس کا ٹھکانہ پیش کیا جاتا ہے ‘ اگر جنتی ہے تو جنت ‘ اگر دوزخی ہو تو دوزخ ‘ اس کو کہا جاتا ہے: یہ تیرا ٹھکانہ ہے یہاں تک کہ اللہ عز وجل قیامت کے دن تجھے دکھائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جب نماز کے لیے اقامت پڑھی جائے اور کھانا حاضر ہو تو کھانا کھالو۔

حضرت ابوالکنود فرماتے ہیں کہ میں نے حضرت ابن عمر رضی اللہ عنہما سے سفر کی نماز کے متعلق سوال کیا تو آپ نے فرمایا: آسمان سے دو رکعت پڑھنے کا حکم ہوا اگر تم چاہو تو واپس کر دو۔

حضرت ابن عمر رضی اللہ عنہما فرماتے ہیں کہ میں حضور صلی اللہ علیہ وسلم کے پاس آیا ‘ دس میں سے دسواں‘ پس ایک انصاری نے اُٹھ کر عرض کی : تمام لوگوں سے زیادہ عقلمند اور محتاط کون ہے؟ پس آپ نے فرمایا: جو اُن میں سے موت کو زیادہ یاد کرنے والا ہے اور موت آنے سے پہلے اس کی زیادہ تیاری کرنے والا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے پاس غزوہ تبوک میں بجبنہ لایا گیا‘ آپ نے چھری پکڑی اور اس کو کاٹا اور فرمایا: اللہ کا نام لے کر کھاؤ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جب نماز کے لیے اقامت کہی جائے اور کھانا بھی موجود ہو تو کھانا کھا لو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: قیامت کے دن تصویر بنانے والوں کو اُٹھایا جائے گا کہا جائے گا: جو تم نے پیدا کیا ہے اس کو زندہ کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : ماں کا ذبح بچہ کا ذبح ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: مغرب کی نماز دن کے وتر ہیں ‘ رات کو وتر ادا کرو۔