Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے جمعہ کے دن غسل کرنے کا حکم دیا۔

حضرت سعید بن جبیر فرماتے ہیں کہ میں حضرت ابن عمر رضی اللہ عنہا کے ساتھ چل رہا تھا‘ آپ ایسی قوم کے پاس سے گزرے جنہوں نے پرندے کو باندھا ہوا تھا نشانہ بازی کرنے کیلئے ۔ حضرت ابن عمر رضی اللہ عنہما نے فرمایا: جس نے یہ کیا ‘ اُس پر اللہ کی لعنت ہے۔ میں نے رسول اللہ صلی اللہ علیہ وسلم کو اس سے منع کرتے ہوئے سنا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے پاس سونے کا ٹکڑا لایا گیا‘ کان سے لایا ہوا یہ پہلا صدقہ تھا جو لایا گیا ‘ آپ نے فرمایا: یہ کیا ہے؟ اُنہوں نے عرض کی : معدن سے ہمیں صدقہ ملی ہے ‘ آپ نے فرمایا: عنقریب معادن ہوں گے ‘ عنقریب ان میں اللہ کی بدترین مخلوق ہوگی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دو آدمیوں کی نماز ان کے سروں سے تجاوز نہیں کرتی ہیں، ایک وہ غلام جو بھاگا ہوا ہو اور دوسری وہ عورت جس کا شوہر اس سے ناراض ہو اس سے راضی ہونے تک۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کیلئے آئے اُس کو چاہیے کہ وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے جمعہ کی ایک رکعت پالی ‘ اُس نے جمعہ پالیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے سونے یا چاندی کے برتنوں سے پیا ‘ اُس نے اپنے پیٹ میں جہنم کی آگ بھری۔

حضرت عبداللہ بن عمر رضی اللہ عنہما حضور صلی اللہ علیہ وسلم سے روایت کرتے ہیں کہ آپ نے فرمایا: جس عورت کا شوہر بھی ہو اور وہ مالدار بھی ہو اور حج کرنے کیلئے شوہر سے اجازت نہ لے ‘ تو آپ نے فرمایا: عورت کے لیے جائز نہیں ہے کہ وہ اپنے شوہر کی اجازت کے بغیر چلے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: منافق کی مثال بکریوں کے دو ریوڑوں کی طرح ہے ‘ جب اس طرف آتی ہے تو اس کو سینگ مارتا ہے ‘ جب اُس طرف آتی ہے تو اس کو سینگ مارتی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو تکبر سے کپڑا لٹکاتا ہے اللہ اس کی طرف قیامت کے دن نظر رحمت نہیں فرمائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فروح و ریحان پڑھا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم ( مکہ تشریف لائے ) آپ نے طواف کیا اور مقام ابراہیم کے پیچھے دو رکعتیں ادا کیں اور صفا و مروہ کے درمیان سعی کی۔ (حضرت ابن عمر رضی اللہ عنہما فرماتے ہیں : ) تمہارے لیے رسول اللہ صلی اللہ علیہ وسلم کی زندگی بطور نمونہ ہے۔