Al Muajam Al Kabir Tibrani

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو میرے صحابی کو گالی دے‘ اس پر اللہ کی لعنت ہو۔

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: نمازِ فجر کے لیے طلوع ِفجر کے بعد صرف فجر کی دو سنتیں جائز ہیں۔

حضرت عبداللہ بن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے حضرت معاذ بن جبل اور حضرت ابو موسیٰ رضی اللہ عنہما کو یمن کی طرف بھیجا تو فرمایا: پرچم کے نیچے چلنا‘فرمانبردار بن کے رہنا (رضا کارانہ کام کرنا) آسانیاں پیدا کرنا اور نفرت نہ پھیلانا۔ پس حضرت معاذ نے لوگوں کو خطبہ دیا ‘ان کا اسلام لانے پر اُبھارا انہیں فقہ اور قرآن کا علم حاصل کرنے کا حکم دیا اور فرمایا: میں تمہیں جنتیوں اور دوزخیوں کی خبر دیتا ہوں‘ پس جب کسی آدمی کا ذکر بھلائی کے ساتھ کیا جائے تو وہ جنتی ہے اور جب کسی کا ذکر شر کے ساتھ کیا جائے تو وہ دوزخی ہے۔

حضرت ابوالزبیر المکی بتاتے ہیں کہ اُنہوں نے حضرت عبداللہ بن عمر رضی اللہ عنہما کو دیکھا ‘جب آپ پہلے سجدہ سے سر اُٹھاتے تو انگلیوں پر بیٹھتے اور فرماتے: یہ سنت ہے۔

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: لوگ ایسے سو اونٹ کی طرح ہیں ‘جن میں تُو سواری نہ پائے گا۔

حضرت سالم بن عبداللہ سے روایت ہے کہ حضرت عبداللہ بن عمر رضی اللہ عنہما جنازے کے آگے چلتے تھے۔ فرمایا: جبکہ رسول کریم صلی اللہ علیہ وسلم‘حضرات ابو بکر‘ عمر اور عثمان رضی اللہ عنہم اس کے سامنے چلا کرتے تھے۔

حضرت مجاہد فرماتے ہیں کہ میں اور میرا ایک ساتھی ایک غزوے کی خاطر نکلے اور ہمیں حضرت عبداللہ نے الوداع فرمایا‘ پس جب انہوں نے ہم سے جدا ہونے کا ارادہ کیا تو فرمایا: میرے پاس مال نہیں ہے ‘جو میں تمہیں دوں لیکن میں نے رسول کریم صلی اللہ علیہ وسلم کو فرماتے ہوئے سنا: جو چیز اللہ کے سپرد کی جائے وہ اس کی حفاظت کرتا ہے ‘تو میں تمہارا دین امانت اور تمہارے اعمال کے خاتمے کو اللہ کے سپرد کرتا ہوں۔

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم ہمارے پاس اس حالت میں آئے کہ لوگ طلوع ِفجر کے بعد نماز پڑھ رہے تھے ‘آپ نے فرمایا: طلوع فجر کے بعد دو ہی رکعت ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو اپنے مال کی حفاظت کرتے ہوئے مارا جائے ‘وہ شہید ہے۔

حضرت عبداللہ بن عمر رضی اللہ عنہما فرماتے ہیں کہ بے شک ہم رسول کریم صلی اللہ علیہ وسلم کی فضاء میں بیٹھے ہوئے تھے ‘جب ایک عورت گزری‘پس قوم میں سے کسی نے کہا: بے شک یہ حضرت محمد صلی اللہ علیہ وسلم کی بیٹی ہے ۔ پس حضرت ابو سفیان نے کہا : حضرت محمد صلی اللہ علیہ وسلم کی مثال اپنی قوم میں پھول کی مانند ہے جو بد بو میں ہوتا ہے ۔ پس وہ رسول کریم صلی اللہ علیہ وسلم کی خدمت میں حاضر ہوئیں تو آپ صلی اللہ علیہ وسلم کو خبر دی۔ پس آپ صلی اللہ علیہ وسلم نکلے جبکہ آپ کے چہرے میں غصے کے آثار تھے۔ پس فرمایا: قوم کو کیا ہے کہ وہ مجھے میرے اہل بیت کے حوالے سے تکلیف دیتے ہیں۔ پھر فرمایا: اللہ نے سات آسمانوں کو پیدا کر کے‘ اس میں سے بلند کو چنا ‘اسے ٹھہرایا اور دیگر تمام آسمانوں میں سے جس کو چاہا ٹھہرایا اور سات زمینوں کو پیدا کر کے ‘ان میں سے بلند کو چن کر ٹھہرایا ‘اپنی مخلوق میں سے جس کو چاہا‘ پس مخلوق میں سے بنو آدمی کو پیدا کیا‘ پس ان میں سے عرب کو چنا ‘عرب سے مضر کو ‘مضر سے قریش کو ‘قریش میں سے بنو ہاشم کو چنا ‘پس میں پسندیدہ سے پسندیدہ کی طرف چنا گیا‘پس جس نے عرب سے محبت کی اُس نے میری وجہ سے ان کا اکرام کیا ‘جس نے ان سے بغض رکھا تو اُس نے میری وجہ سے بغض رکھا۔

حضرت عبداللہ بن عمر رضی اللہ عنہما فرماتے ہیں کہ حضور صلی اللہ علیہ وسلم ذی الحلیفہ کے مقام پر ٹھہرے جب آپ نے احرام باندھنے کا ارادہ کیا اور مسجد میں نفل پڑھے اور سواری پر سیدھا بیٹھ کر احرام باندھا۔

حضرت عبداللہ بن عمر رضی اللہ عنہما سے مروی ہے کہ رسول کریم صلی اللہ علیہ وسلم نے فرمایا: جو میراث زمانہ جاہلیت میں تقسیم کی گئی وہ جاہلیت کے طریقے کے مطابق اور جو میراث اسلام نے پائی تو وہ اسلام کی تقسیم کے مطابق تقسیم ہوگی۔