Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور مقامِ عقیق پر نماز عصر کرتے تھے۔

حضرت ابن عمر رضی اللہ عنہما فرماتے ہیں کہ حضرت ابو بکر صدیق رضی اللہ عنہ منیٰ میں اس جگہ نہیں بیٹھے جس جگہ رسول الله صلی اللہ علیہ وسلم تشریف فرما ہوتے وصال تک ‘حضرت عمر رضی اللہ عنہ وصال تک اس جگہ نہیں بیٹھے جس جگہ حضرت ابو بکر رضی اللہ عنہ بیٹھتے تھے ‘حضرت عثمان رضی اللہ عنہ اس جگہ وصال تک نہیں بیٹھے جس جگہ حضرت عمر رضی اللہ عنہ بیٹھتے تھے۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا: جو نر یا مادہ ہوں‘ پس ہر دس میں ایک ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے اپنی ازواج کو اختیار دیا ‘جس نے اپنے آپ کو اختیار کیا وہ بنی ھلال سے ایک عورت تھی ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: عورت کیلئے جائز نہیں ہے ‘جو اللہ اور آخرت کے دن پر ایمان رکھتی ہو کہ وہ تین دن سے زیادہ سفر کرے سوائے اپنے محرم کے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے جب اپنی ازواج کے ساتھ حج کیا‘ پھر آپ نے فرمایا: تم پر اس جگہ ٹھہر ناضروری ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس کے ساتھ گھنگھرو ہوں‘اس کے ساتھ فرشتے نہیں ہوتے ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جب زندہ جانوروں کا گوشت کاٹا جائے ‘اس کو کھانا جائز نہیں ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی حرام ہے ‘ہے نشہ آورشی شراب ہے۔

حضرت ابن عمر رضی اللہ عنہما فرماتے ہیں کہ حدیبیہ کے مقام پر نبی کریم صلی اللہ علیہ وسلم اور اہل ِمکہ کے درمیان معاہدہ چار سال کا تھا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے گھوڑوں کے درمیان دوڑ کروائی ‘ان کے درمیان انعام رکھا ‘فرمایا: دوڑ جائز نہیں ہے سوائے گھوڑے اور اونٹ کے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کی چراگاہ تھی ‘آپ نے فرمایا: نقیع مسلمانوں کے گھوڑوں کیلئے ہے۔