Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے پوچھا گیا: لوگوں میں اچھی آواز میں قرآن پڑھنے والا کون ہے؟ آپ نے فرمایا : جب تُو اس کو دیکھے کہ وہ اللہ سے ڈرتا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سفر میں سواری پر (نفل) ادا کر لیتے تھے۔

حضرت ابن عمر رضی اللہ عنہما کے غلام حضرت نافع سے مروی ہے کہ ایک آدمی نے حضرت ابن عمر رضی اللہ عنہما سے سوال کیا‘ عرض کی: بے شک میرے خالو نے اپنی بیوی کو جدا کر دیا ہے ‘اس سے اسے غم اور سخت معاملہ لاحق ہوا ہے۔ میرا ارادہ ہوا کہ میں اس عورت سے شادی کروں حالانکہ میرے خالو نے مجھے حکم نہیں دیا اور نہ ہی اسے معلوم ہے؟ حضرت ابن عمر رضی اللہ عنہما نے فرمایا: نہیں ! تُو اس سے پورا نکاح کر ‘اگر وہ تجھے موافق آ جائے تو روک لے اور اگر وہ نا پسند کرے تو اسے جدا کر دے ورنہ ہم اسے رسول کریم صلی اللہ علیہ وسلم کے زمانے میں زنا شمار کیا کرتے تھے۔

حضرت ابن عمر رضی اللہ عنہما فرماتے ہیں: حضور صلی اللہ علیہ وسلم نے مزدلفہ میں نماز مغرب پڑھائی‘ پھر جب سواری سے اُترے تو فرمایا: نماز قائم کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے ایک آدمی سے فرمایا: آپ پر سننا اور اطاعت کرنا لازم ہے ‘آپ پسند کریں ‘یا نا پسند کریں ‘سوائے اس کے کہ جب وہ نافرمانی کا مرتکب ہو ‘تو پھر ماننا ضروری نہیں کیونکہ اللہ کی نافرمانی میں کسی کی اطاعت جائز نہیں ہے۔

حضرت ابن عمر رضی اللہ عنہما فرماتے ہیں: اسلام کی بنیاد پانچ چیزوں پر رکھی گئی ہے لا الہٰ الا اللہ محمد رسول اللہ کی گواہی دے ‘نماز قائم کرنا ‘زکوٰۃ ادا کرنا ‘بیت اللہ کا حج کرنا‘ماہ رمضان کے روزے رکھنا۔ عرض کی گئی: ماہ رمضان کے روزوں کا اور بیت اللہ کا حج کرے۔ آپ نے فرمایا: اس طرح نہ کر۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے بسا اوقات کوئی آدمی ایک ہی مجلس میں یہ کلمات سو بار گن لیا کرتا تھا:’’ اغفر لي وتب على انت التواب الغفور ‘‘۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: سفر میں روزہ رکھنا کوئی نیکی نہیں ہے۔

حضرت ابن عمر رضی اللہ عنہما فرماتے ہیں: ایک آدمی نے حضور صلی اللہ علیہ وسلم کے زمانہ میں اپنی بیوی سے پیچھے سے آگے والے حصے میں جماع کیا ‘لوگوں نے اس پر اعتراض کیا ‘تو اللہ تعالیٰ نے یہ آیت نازل فرمائی: (ترجمہ : ’’ تمہاری بیویاں ‘تمہاری کھیتیاں ہیں‘‘۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ نے حرم کو حرم قرار دیا ہے ‘یہ قیامت کے دن تک حرام ہے‘ اس کا درخت کاٹنا جائز نہیں ہے ‘اس کی گھاس کا ٹنا جائز نہیں‘اس میں گم شدہ شی اُٹھانا جائز نہیں ہے سوائے اعلان کرنے کے ‘اس کا شکار جائز نہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ کی نعمتوں میں غور و فکر کرو ‘اللہ کی ذات میں غور نہ کرو۔

حضرت ابن عمر رضی اللہ عنہما فرماتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: کتوں کو مارو ‘آپ نے اپنی آواز کو اونچا کیا۔