Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرما یا : جس اُمت نے اپنے بنی کے بعد اختلاف کیا تو اُن پر باطل لوگ اہلِ لوگ اہلِ حق پر غا لب آ جائیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے ہمیں رمضان المبارک میں ایک صاع کھجور یا جَو سے صدقہ فطر مقرر کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو مسلمان ہو جائے اس پر جزیہ نہیں ہے۔

حضرت ابن عمر رضی اللہ عنہما فرماتے ہیں کہ ہمیں حکم دیا گیا کہ ہم تین دن کے بعد بھی قربانی کا گوشت رکھ لیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : پڑوسی شفعہ کا زیادہ حق رکھتا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: مسلمان پر حقوق میں سے ایک یہ ہے کہ وہ دو راتیں لگا تار اس حال میں نہ گزارے کہ اُس کے پاس وصیت لکھی ہوئی نہ ہو جب اس کی ملکیت میں ایسی چیز ہو جس کی وصیت کی جاسکتی ہو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: نفس اُکتا یا ہوا ہے ‘اگر چہ تم میں سے کسی کو معلوم نہیں ہے کہ اس کے پاس کیا قوت ہے ‘پس اسے دیکھنا چاہیے کہ وہ کتنی نفلی عبادت کر سکتا ہے پھر اس پر ہمیشگی اختیار کرے کیونکہ اللہ کے نزدیک پسندیدہ عمل وہ ہے جس پر ہمیشگی اختیار کی جائے۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم جب مکہ آئے (فتح کے موقع پر ) تو آپ نے اس میں تین سو ساٹھ بت پائے‘ پس آپ صلی اللہ علیہ وسلم نے ہر بت کی طرف اپنے عصا سے اشارہ کیا اور فرمایا: حق آ گیا اور باطل چلا گیا‘ بے شک باطل جانے والا ہے۔ پس بت گر گئے اور آپ صلی اللہ علیہ وسلم نے انہیں چھوا تک نہیں۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے سورج طلوع ہونے کی جگہ کی طرف منہ کر کے فرمایا: اس طرف سے شیطان کا سینگ نکلے گا‘ ادھر سے فتنے اور زلزلے ہوں گے‘ کرخت آوازوں والے اور سخت دلوں والے ہوں گے ۔

حضرت عبد اللہ بن عمر رضی اللہ عنہما فرماتے ہیں کہ نبی کریم صلی اللہ علیہ وسلم نے فرمایا: جب تم جمعہ کیلئے آؤ تو غسل کر کے آؤ۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا: دو بیع کرنے والوں کو ایک دوسرے سے جدا ہونے تک اختیار ہے ‘یا دونوں میں سے ایک دوسرے کو اختیار دے اور وہ اختیار لے لے۔

حضرت نافع سے حضرت ابن عمر رضی اللہ عنہما کےبارے میں مروی ہے کہ جب حضرت ابولبابہ رضی اللہ عنہ نے ان کو رسول کریم صلی اللہ علیہ وسلم کے بارے میں خبر نہ دی تھی جو خبر دی جب ان کو دیکھا ‘وہ وعدہ کرتے اور کھڑے رہتے ‘پس کبھی حضرت نافع کو اس کے اُٹھانے کا حکم دیتے یہاں تک کہ گھروں کی ایک طرف اسے پھینک دیتے۔