Al Muajam Al Kabir Tibrani

اس حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اگر اللہ جنت والوں کو تجارت کی اجازت دے تو وہ کپڑے اور خوشبو کی تجارت کریں گے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سفر میں (نفل نماز) سواری پر ادا کرتے تھے اور اشارہ سے پڑھتے تھے اور سجدہ میں رکوع سے زیادہ جھکتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: میں بھی مذاق کرتا ہوں‘ لیکن بات حق کرتا ہوں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دو آدمی آپس میں سرگوشی نہ کریں تیسرے کو چھوڑ کر۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: با جماعت نماز پڑھنا زیادہ افضل ہے ‘ ستائیس درجے اکیلے نماز پڑھنے سے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دو بیع کرنے والوں کو اختیار ہے یہاں تک کہ دونوں جدا ہوں‘ سوائے بیع خیار کے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم مقام عقیق پر نماز قصر کرتے ہیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: بندہ جب جھوٹ بولتا ہے تو جھوٹ کی بدبو سے فرشتہ میل کی مسافت دور چلا جاتا ہے جو اس سے آتی ہے۔

حضرت نافع فرماتے ہیں کہ حضرت ابن عمر رضی اللہ عنہما جب مجلس میں بیٹھتے تو اس میں یہ کلمات پڑھتے تھے۔ اُن سے اس کے متعلق پوچھا گیا تو فرمایا: حضور صلی اللہ علیہ وسلم ان کلمات کے ذریعے دعا کرتے تھے: ’’ اللهم اغفر لي ما قدمت الى ٰآخره ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: قریب ہے کہ مسلمان مدینہ میں محصور ہو جائیں یہاں تک کہ ان کی ہتھیاروں سے لیس سیاہیوں کی چوکیوں میں سے دور والی چوکی سلاح کے مقام پر ہو ( یا ہتھیار خانہ یا ہتھیار باندھنے کی جگہ )۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آورشی حرام ہے‘ ہر شراب حرام ہے۔

حضرت ابن عمر رضی اللہ عنہما فرماتے ہیں کہ میں نے رسول الله صلی اللہ علیہ وسلم کو فرماتے ہوئے سنا: جب تم میں سے کوئی مرجائے تو اس پر صبح و شام اس کا ٹھکانہ پیش کیا جاتا ہے ‘ اگر جنتی ہے تو جنت ‘ اگر دوزخی ہو تو دوزخ ‘ اس کو کہا جاتا ہے: یہ تیرا ٹھکانہ ہے یہاں تک کہ اللہ عز وجل قیامت کے دن تجھے دکھائے گا۔