Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم وتروں میں سبح اسم ربک الاعلیٰ اور قل یا ایا ھا الکافرون اور قل ھواللہ احد پڑھتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: بے شک بندہ جب نماز میں کھڑا ہوتا ہے تو اس کے گناہ اس کے سر پر اکٹھے ہو جاتے ہیں ‘پس جب وہ رکوع کرتا ہے تو وہ بکھر جاتے ہیں۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم کی بیویوں نے پلّو کے بارے سوال کیا ‘آپ صلی اللہ علیہ وسلم نے فرمایا: ایک بالشت ۔ انہوں نے عرض کی: ایک بالشت کپڑا شرمگاہ کو نہیں ڈھانپ سکتا۔ فرمایا: اسے ایک ہاتھ بنالو لیکن اس سے زیادہ نہ کرو۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا: میں بھی مزاح کرتا ہوں لیکن جو کہتا ہوں وہ حق اور سچ ہوتا ہے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: بے شک میں خیال کرتا ہوں کہ تمہیں متواتر آخری عشرے کے خواب آ رہے ہیں‘ پس تم اسے (شبِ قدر کو ) آخری عشرے میں تلاش کرو۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: جب تم اپنے مُردوں کو قبروں میں رکھو تو کہو: ’’بسم الله وعلى ملة رسول الله صلى الله عليه وآله وسلم ‘‘۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے منادی کو حکم دیا‘ پس اس نے بارش والی رات میں اعلان کیا کہ گھروں میں نمازیں پڑھنے کی اجازت ہے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: جس آدمی نے غلام میں اس کا ایک حصہ آزاد کیا جبکہ اس کی ملکیت میں مال ہے تو اس نے اس کا کل آزاد کیا اور نہ اس نے وہی آزاد کیا جو آزاد کیا۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: درختوں میں سے کون سا درخت لوگوں میں مسلمان آدمی کی طرح ہے؟ حضرت ابن عمر رضی اللہ عنہما فرماتے ہیں: مجھے سوال کرنے سے صرف اسی بات نے روکا کہ میں قوم میں سب سے چھوٹا تھا‘ پھر نبی کریم صلی اللہ علیہ وسلم نے فرمایا: وہ کھجور ہے۔

حضرت ابن عمر رضی اللہ عنہما فرماتے ہیں کہ حضورصلی اللہ علیہ وسلم نے فرمایا: طواف نماز کی طرح ہے ‘اس میں گفتگو کم کرو۔

حضرت ابن عمر رضی اللہ عنہما فرماتے ہیں کہ کعب بن مالک نے رسول الله صلی اللہ علیہ وسلم سے اس لونڈی کے متعلق پوچھا جو لکڑی سے ذبح کرتی ہے ‘آپ نے فرمایا: اس کو کھاؤ۔

حضرت عبداللہ رضی اللہ عنہ فرماتے ہیں کہ رسول کریم صلی اللہ علیہ وسلم نے فرمایا: جس نے کتا پالا اس کے عمل سے ہر روز ایک قیراط کم ہو جاتا ہے۔