Al Muajam Al Kabir Tibrani

حضرت ابن عمر رضی اللہ عنہما فرماتے ہیں : جو تم میں سے سجدہ کرنے کی طاقت رکھے وہ سجدہ کرے ‘جو طاقت نہیں رکھتا وہ سجدہ کرنے کے لیے کوئی شی نہ اُٹھائے ‘ہاں رکوع وسجدہ سر کے اشارہ سے کرے۔

حضرت ابن عمر رضی اللہ عنہما فرماتے ہیں کہ حضرت عمر رضی اللہ عنہ ‘حضرت معاذ بن جبل رضی اللہ عنہ کے پاس سے اس حال میں گزرے کہ وہ رسول کریم صلی اللہ علیہ وسلم کے مزار کے پاس بیٹھے رور ہے تھے ‘فرمایا : اے معاذ! کس چیز نے تجھے رُلایا ہے؟ شاید تجھے اپنا بھائی یاد آیا ہے ‘بے شک ان کا ذکر اس کی صلاحیت رکھتا ہے ‘عرض کی : نہیں ! بلکہ مجھے ایک ایسی شی نے رُلایا ہے جو ان سے میں نے اسی مجلس میں ‘یا فرمایا: اسی جگہ پر سنی تھی ۔ آپ صلی اللہ علیہ وسلم فرما رہے تھے: ریاء بھی شرک ہے ‘بے شک اللہ تعالیٰ پسند کرتا ہے متقی اور مخفی رہنے والے ان لوگوں کو جو غائب ہوں تو انہیں غائب نہ سمجھا جائے اور جب حاضر ہوں تو انہیں کوئی پہچانے نہیں، ان کے دل ہدایت کے چراغ ‘(اللہ کے فضل سے ) وہ تاریک وسیاہ فتنے سے بھی محفوظ رہتے ہیں۔

حضرت عمر بن دینار سے روایت ہے کہ وہ ایک سفر میں حضرت ابن عمر رضی اللہ عنہما کے ساتھ تھے ‘پس جب سہیل طلوع ہوا تو فرمایا: اللہ کی لعنت ہو سہیل پر! کیونکہ میں نے رسول کریم صلی اللہ علیہ وسلم کو فرماتے ہوئے سنا: وہ عشار تھا اور لوگوں کے مال غصب کیا کرتا تھا‘ پس اللہ تعالیٰ نے اسے شہاب بنا دیا ‘پس اس کو اسی طرح بنا دیا جس طرح تم دیکھتے ہو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ابن آدم کے لیے دو ہیں‘ ان میں سے ایک بھی تیرے لیے نہیں ہیں۔

حضرت ابن عمر رضی اللہ عنہما فرماتے ہیں کہ : حضور صلی اللہ علیہ وسلم نے فرمایا: محرم عورت نہ بال کٹوائے گی ‘نہ برقع پہنے گی‘ نہ دستانے پہنے گی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے لیے ایک دھاگہ تھا‘ اس پر ذکر کرتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو لیلۃ القدر تلاش کرنا چاہے‘ وہ آخری عشرہ میں تلاش کرے۔

حضرت ابن عمر رضی اللہ عنہما فرماتے ہیں کہ میں نے رسول الله صلی اللہ علیہ وسلم کو منبر پر فرماتے ہوئے سنا: جو تم میں سے جمعہ کے لیے آئے وہ غسل کرے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: میرے صحابہ سمیت میری حفاظت کر دیا مجھے یاد کرو‘ میرے صحابہ میں پھر وہ لوگ جو ان سے ملیں (یعنی تابعین) پھر وہ جو ان سے ملیں (یعنی تبع تابعین ) پھر جھوٹ ظاہر ہوگا یا غالب ہو گا‘ حتی ٰ کہ ایک آدمی گواہی دے گا‘ اس سے پہلے کہ اس سے گواہی مانگی جائے ‘ایک آدمی حلف اُٹھائے گا اس سے پہلے کہ اس سے حلف مانگا جائے‘ جھوٹے خطبوں میں اپنا آپ گھلا دے گا ‘پس جس آدمی کو جنت کی خوشبو پسند ہو تو وہ جماعت کو لازم پکڑے ‘بے شک شیطان ایک کے ساتھ ہوتا ہے ‘وہ دو سے دور ہوتا ہے اور جو آدمی کسی عورت کے ساتھ خلوت میں ہوتا ہے تو تیسرا شیطان ہوتا ہے اور جس آدمی کو اس کی بُرائی تکلیف دے اور نیکی خوش کرے‘ وہ مومن ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سواری پر نفل نماز پڑھتے تھے جس طرف بھی اُس کا منہ ہوتا تھا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ کے ہاں سب سے بڑا ثواب اس گھونٹ کے پینے کا ہے ‘جو مسلمان اللہ کی رضا کے لیے غصہ پی لیتا ہے۔

حضرت ابن عمر رضی اللہ عنہما فرماتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: جس نے کسی شی کا مثلہ کیا اور تو بہ نہیں کی تو قیامت کے دن اس کا مثلہ بنایا جائے گا۔