Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کی عادت مبارک تھی کہ جب ٹھنڈی رات یا بارش والی رات ہوتی تو حضور صلی اللہ علیہ وسلم اعلان کرنے والا کو اعلان کرنے کا حکم دیتے کہ گھروں میں نماز پڑھ لو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے کہا: میں عالم ہوں‘وہ جاہل ہے۔

حضرت ابن عمر رضی اللہ عنہما فرماتے ہیں کہ میں نے حضور صلی اللہ علیہ وسلم کے ساتھ نماز پڑھی دو رکعت ظہر سے پہلے اور دو بعد میں ‘دو رکعت مغرب کے بعد اور دو عشاء کے بعد اور دو فجر سے پہلے ۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نعلین مبارک میں نماز پڑھ لیتے تھے۔

حضرت ابن عمر رضی اللہ عنہما موزوں پر مسح کرتے تھے اور مسح کرنے کا حکم دیتے تھے اور فرماتے کہ حضور صلی اللہ علیہ وسلم اس کا حکم دیتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم میں سے ہر کوئی نگہبان ہے ‘اس سے اس کی نگہبانی کے متعلق پوچھا جائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جب تم میں سے کسی کو دعوت دی جائے تو وہ قبول کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جب تم میں سے کوئی جمعہ کے لیے آئے تو وہ غسل کرے۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: کسی مومن کے لیے جائز نہیں ہے کہ اپنے بھائی سے تین دن سے زیادہ لاتعلقی رکھے۔

پس ان مہینوں میں جس پر حج فرض ہوا، حضرت ابن عمر رضی اللہ عنہما فرماتے ہیں: اس سے مراد تلبیہ اور احترام ہے۔ ’’فلا رفث ‘‘ سے مراد وہ عورتوں کے قریب جانا ہے اور ’’ولا فسوق “ سے مراد گالی دینا اور ’’ و لا جدال ‘‘سے مراد جھگڑا کرنا ہے۔

حضرت سعید بن جبیر فرماتے ہیں کہ ایک آدمی نے حضرت ابن عمر سے مٹکے کی نبیذکے متعلق پوچھا تو آپ نے فرمایا: رسول اللہ صلی اللہ علیہ وسلم اس کو نا پسند کرتے تھے۔ حضرت سعید ‘حضرت ابن عباس کے پاس گئے ‘اور بتایا جو ابن عمر نے جواب دیا تھا۔ اور فرمایا: ابن عمر نے سچ کہا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے پاس غزوہ تبوک کے موقع پر بحینہ لائی گئی‘آپ نے چھری پکڑی‘ اس کو کا ٹا اور فرمایا: اللہ کا نام لے کر کھاؤ۔