Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کے لیے آئے ‘وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے جمعہ کی ایک رکعت پائی‘ اُس نے جمعہ پالیا‘جو رکعت رہ گئی وہ پڑھ لے۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: جس نے سونے اور چاندی کے برتن میں پیا ‘اس نے اپنے پیٹ میں جہنم کی آگ بھری۔

حضرت ابن عمر رضی اللہ عنہما فرماتے ہیں کہ جس نے شراب پی اور وہ مر گیا‘ تو اس کو آخرت میں شراب نہیں پلائی جائے گی۔

حضرت ابن عمر رضی اللہ عنہما سے مروی ہے کہ آپ رسول کریم صلی اللہ علیہ وسلم سے ایک ایسی عورت کے بارے روایت کرتے ہیں جس کا خاوند تھا‘ اس کا ذاتی مال بھی تھا اور اس کا خاوند اسے حج کرنے کی اجازت نہ دیتا تھا؟ فرمایا: جب تک اس کا خاوند اسے اجازت نہ دے‘ وہ نہ جائے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: منافق کی مثال ‘دو ریوڑوں کے درمیان گھومنے والی بکری کی طرح ہے ‘جب اس ریوڑ کے پاس آتی ہے ‘وہ سینگ مارتے ہیں اور جب دوسرے ریوڑ کے پاس آتی ہے تو وہ سینگ مارتا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کے لیے آئے ‘وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے حضرت زبیر کے لیے ان کے گھوڑے کے لیے ایک زمین دی جس کا نام شریر ہے ‘وہ گھوڑے کے لیے دی‘پھر انہوں نے ڈنڈے کو پھینک دیا ‘اور کہا: جہاں تک ڈنڈا پہنچا ہے ‘اسے وہاں تک دے دو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے اپنے بچے کی نفی کی ‘دنیا میں اس کو رسوا کرنے کے لیے تو اللہ عز و جل قیامت کے دن اس کے بدلہ میں اس کو تمام مخلوق کے سامنے رسوا کرے گا۔

حضرت نافع فرماتے ہیں کہ میں نے حضرت ابن عمر رضی اللہ عنہما کو فرماتے ہوئے سنا: اسی دوران کہ میں نبی کریم صلی اللہ علیہ وسلم کی خدمت میں بیٹھا ہوا تھا ‘ایک آدمی نے آکر سلام کیا پھر پیٹھ پھیر کر جانے لگا ‘پس میں نے عرض کی : اے اللہ کے رسول ! میں اس سے محبت کرتا ہوں‘ قسم بخدا! فرمایا: کیا تُو نے اسے بتایا ہے؟ میں نے عرض کی: نہیں! فرمایا: تُو اپنے بھائی کو یہ بات بتا دے۔ پس میں اس کے پیچھے گیا‘پس میں نے اسے سلام کیا‘ میں نے اس کے دونوں کندھوں سے پکڑ کر کہا: بخدا! میں آپ سے اللہ کی رضا کیلئے محبت کرتا ہوں۔ اُس نے جواب دیا: بخدا! میں بھی اللہ کے لیے آپ سے محبت کرتا ہوں اور میں نے کہا: اگر نبی کریم صلی اللہ علیہ وسلم نے مجھے حکم نہ دیا ہوتا تو میں ایسا نہ کرتا۔

حضرت ابن عمر رضی اللہ عنہما فرماتے ہیں کہ ایک عورت حضور صلی اللہ علیہ وسلم کے زمانہ میں تھی جو زیورات اُدھار لیتی تھی ‘پھر اپنے پاس رکھتی۔ حضور صلی اللہ علیہ وسلم نے عورت کو فرمایا: تُو تو بہ کر ‘اللہ اور اس کے رسول کی بارگاہ میں ۔ جو تیرے پاس لوگوں کے زیورات ہیں وہ واپس کر۔ جبکہ وہ رُک رہی تھی ۔ پھر حضور صلی اللہ علیہ وسلم نے فرمایا: اے فلاں ! اُٹھو! اس کا ہاتھ پکڑو اور کاٹ دو۔

حضرت ابن عمر رضی اللہ عنہما فرماتے ہیں کہ حضرت عمر رضی اللہ عنہ نے نبی کریم صلی اللہ علیہ وسلم کی خدمت میں آکر عرض کی: میں نے خیبر سے ایسی زمین پائی ہے جس کے علاوہ میں نے کوئی ایسا مال نہیں پایا جو مجھے اس سے زیادہ پسند ہو ‘پس آپ کیا حکم دیتے ہیں؟ آپ صلی اللہ علیہ وسلم نے فرمایا: اگر چاہے تو زمین اپنے پاس رکھ کر اس کی آمدن صدقہ کرتے رہو۔ راوی کا بیان ہے: حضرت عمر رضی اللہ عنہ زمین اپنے پاس رکھ کر اس کی پیداوار کو صدقہ کرتے رہے ‘نہ اسے بیچتے ‘نہ ہبہ کرتے ‘نہ اسے بطور وراثت چھوڑتے ‘(صدقہ کرتے )فقیروں‘غلاموں کو آزاد کرنے میں ‘اللہ کی راہ میں‘ مسافروں کیلئے اور مہمانوں کی خاطر ‘کوئی حرج نہیں ہے اس پر جو اس کا والی بنا کہ وہ اس کو نیکی کے ساتھ کھائے اور غیر متمول دوست کو کھلائے ۔