Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کی صاحبزادی بیمار تھیں‘ حضور صلی اللہ علیہ وسلم نے حضرت عثمان رضی اللہ عنہ سے فرمایا: اس کے پاس رہو کیونکہ ہم دونوں میں سے ایک آدمی کا ان کے پاس رہنا ضروری ہے اور تم ان کے پاس ٹھہرنے کے زیادہ حقدار ہو۔ حضور صلی اللہ علیہ وسلم نے ان کو خود پیچھے رکھا جب اللہ نے فتح دی تو حضور صلی اللہ علیہ وسلم نے خوشخبری دینے کے لیے بھیجا کہ اللہ نے ان کے ساتھ کیا وعدہ پورا کر دیا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم اپنے مردوں کو اچھائی سے یاد کرو اور ان کی بُرائیوں سے درگزر کرو۔

حضرت ابن عمر رضی اللہ عنہما فرماتے ہیں کہ ایک بزرگ آدمی حضور صلی اللہ علیہ وسلم کے پاس آیا‘اس نے عرض کی: یا رسول اللہ ! مجھے ایسا عمل بتائیے جس کی وجہ سے میں اللہ کا قرب حاصل کروں ۔ آپ نے فرمایا: تم پر لازم ہے اللہ کی راہ میں جہاد کرنا۔ اُس نے عرض کی: اس کی میں طاقت نہیں رکھتا‘میں بزرگ ہو گیا ہوں اور بوڑھا ہو گیا ہوں ‘آپ نے فرمایا: اذان دینے والا بن جا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم پر یہ آیت نازل ہوئی: ’’تمہاری عورتیں تمہاری کھیتی ہیں ‘پیچھے والی طرف سے آگے والے حصے میں وطی کرنے کی اجازت دی گئی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے مجھے قاضی بنانے کا ارادہ کیا تو میں نےانکار کیا ‘عرض کی :میں نے رسول اللہ صلی اللہ علیہ وسلم کو فرماتے ہوئے سنا: قاضی تین طرح کے ہیں ‘ایک نجات پانے والا ‘دو جہنم میں ہیں‘جس نے ظلماً اور اپنی خواہش سے فیصلہ کیا وہ ہلاک ہو گیا‘ جس نے درست فیصلہ کیا وہ نجات پا گیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے لا الٰہ الا اللہ مرتے وقت پڑھ لیا ‘وہ جنتی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس کا غلام میں حصہ اور وہ اسے آزاد کر دے ‘وہ دوسرے حصے داروں کیلئے ضامن ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے جنوں کو قتل کرنے سے منع کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: تم لشکر ہو۔ ایک آدمی نے عرض کی: یا رسول اللہ ! میرے لیے کوئی جگہ پسند کریں۔ آپ نے فرمایا: تم پر لازم ہے کہ ملک شام میں رہو کیونکہ وہ اللہ کا چنا ہوا علاقہ ہے۔ اس میں اللہ کے پسندیدہ بندے ہیں ‘جو وہاں نہ جائے وہ یمن میں چلا جائے اور وہاں سے سیراب ہو کیونکہ اللہ تعالی ٰنے میری خاطر شام اور شام والوں کی ضمانت دی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جوشی زیادہ نشہ دے وہ تھوڑی بھی حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے آخری گفتگو جو فرمائی تھی ‘وہ یہ تھی کہ میرے گھر والوں کا خیال کرنا۔

حضرت حسان الہذلی فرماتے ہیں کہ ہم حضرت عبد اللہ بن عمر رضی اللہ عنہما کے پاس تھے تو لوگوں نے اہل یمن کے حاجیوں کا ذکر کیا حالانکہ وہ اس میں کام نہیں کرتے تھے۔ پس کسی نے ان کو گالی دی تو حضرت ابن عمر رضی اللہ عنہما نے فرمایا: اہل یمن کو گالی نہ دو کیونکہ میں نے رسول کریم صلی اللہ علیہ وسلم کو فرماتے ہوئے سنا: حاجیوں کی زینت ‘ اہلِ یمن ہیں ۔