Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ نے حق عمر کی زبان اور دل میں رکھا ہے۔

حضرت ازرق بن قیس فرماتے ہیں کہ میں نے حضرت ابن عمر رضی اللہ عنہما کو نماز میں سہارا لیتے ہوئے دیکھا ‘ جب آپ کھڑے ہوئے تو میں نے عرض کی : یہ کیا ہے؟ فرمایا: میں نے رسول اللہ صلی اللہ علیہ وسلم کو ایسے کرتے ہوئے دیکھا ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے حج کیا اور میری قبر کی زیارت کی میرے وصال کے بعد وہ ایسے ہے جس طرح کہ اُس نے میری زیارت کی میری زندگی میں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دھوکہ باز کی پشت پر قیامت کے دن جھنڈا لگایا جائے گا جس کی وجہ سے اس کا دھوکہ باز ہونا معلوم ہو جائے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کے لیے آئے وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: رات کی نماز دو دو رکعت ہے ‘ جب صبح ہونے کا خوف ہو تو ایک رکعت ساتھ ملا کر وتر کر لیا کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ کی لونڈیوں کو اللہ کی مسجد میں آنے سے نہ روکو اور انہیں چاہیے کہ بھاری چادر کر کے نکلیں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے پوچھا گیا: رات کے کس حصے میں دعا جلدی قبول ہوتی ہے؟ فرمایا: رات کے آخری حصے میں۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے حج و عمرہ کو اکٹھا کیا اور دونوں کا ایک ہی طواف کیا۔

حضرت ابن عمر رضی اللہ عنہما فرماتے ہیں کہ لوگوں کو لیلۃ القدر رمضان کے ستائیس روزہ کو دکھائی گئی ‘ حضور صلی اللہ علیہ وسلم سے اس کے متعلق پوچھا گیا تو آپ نے فرمایا : لوگوں کو ستائیسویں رات کو دکھایا گیا ‘ لہذا ستائیس کو تلاش کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم اور آپ کی ازواج ایک ہی برتن میں غسل کرتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: سوائے شہد کی مکھی کے ساری مکھیاں جہنم میں جائیں گی۔