Al Muajam Al Kabir Tibrani

حضرت ابن عمر رضی اللہ عنہما فرماتے ہیں: مؤمن کا قاتل جب فوت ہوتا تھا تو ہم اس کیلئے کہتے تھے کہ یہ دوزخ میں ہے ‘ گناہ کبیرہ کرنے والا جب فوت ہوتا تھا تو اس کیلئے بھی کہتے کہ وہ دوزخی ہے یہاں تک کہ یہ آیت نازل ہوئی : ’’ ان الله لا يغفر الى ٰآخره ‘‘ ۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: نماز پڑھنے والے ‘ زکوۃ دینے والے ‘ حج کرنے والے ‘ عمرہ کرنے والے ‘ جہاد کرنے والے آدمی کو یہاں تک کہ آپ صلی اللہ علیہ وسلم نے بہت سارے بھلائی کے کاموں کا ذکر کیا ‘ ( فرمایا : ) اور قیامت کے دن انکو بدلہ ان کی عقل کے مطابق دیا جائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو جمعہ کے لیے آئے وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے قسم اُٹھائی پھر ان شاء اللہ کہا‘ پھر قسم توڑ دی تو اس کے ذمہ کفارہ نہیں ہو گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کو تین سفید سحولیہ کپڑوں میں کفن دیا گیا۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: تم پر مسواک کرنا لازم ہے کیونکہ مسواک رب کی رضا اور منہ کی پاکی کا ذریعہ ہے۔

حضرت موسیٰ بن طلحہ فرماتے ہیں کہ حضرت عائشہ رضی اللہ عنہا کو خبر معلوم ہوئی کہ حضرت ابن عمر رضی اللہ عنہما فرماتے ہیں کہ اچانک موت ‘ مومن کے لیے ناراضگی کا سبب ہے۔ حضرت عائشہ رضی اللہ عنہا نے فرمایا: ابن عمر کو اللہ معاف کرے ! حضور صلی اللہ علیہ وسلم نے فرمایا: اچانک موت ‘ مؤمن کے لیے آسانی ہے اور کافر کیلئے ناراضگی کا سبب ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آور شراب حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر نشہ آور شراب حرام ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: حضرت جبریل نے مجھے عرض کی سے تکبیر کہنے کی ‘ یا فرمایا : عرض کی : تکبیر کو مقدم کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے نماز فجر اور نماز عشاء میں عورتوں کو نکلنے کی اجازت دی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: لوگ سو اونٹ کی طرح ہوں گے‘ اس میں کوئی سواری نہ پاؤ گے۔