Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم بنی مخزوم کے باب صفاء کی طرف نکلتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : جب رات کا کھانا موجود ہو اور نماز کا وقت ہو تو نماز سے پہلے کھانا کھا لو۔

حضرت ابن عمر رضی اللہ عنہما فرماتے ہیں کہ اس دوران کہ ہم رسول کریم صلی اللہ علیہ وسلم کے پاس تھے جبکہ آپ صلی اللہ علیہ وسلم اور قوم ‘ جمار کھا رہے تھے تو آپ صلی اللہ علیہ وسلم نے فرمایا: درختوں میں سے ایک درخت مسلمان آدمی کی مثل ہے۔ حضرت عبداللہ فرماتے ہیں: پس لوگ خاموش تھے یہاں تک کہ قریب تھا کہ میں رسول کریم صلی اللہ علیہ وسلم سے سوال کروں جبکہ میں تمام لوگوں سے چھوٹا تھا تو آپ صلی اللہ علیہ وسلم نے فرمایا: یہ کھجور ہے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: جس نے سبحان اللہ کہا اُس کے لیے دس نیکیاں لکھی جائیں گی اور جس نے دس بار یہ کلمہ کہا اُس کیلئے سو نیکیاں لکھی جائیں گی ‘ جس نے اللہ سے مغفرت مانگی تو اسے بخش دیا جائے گا ‘ جس نے اعانت کی ظلم میں جھگڑے پر یا بغیر علم کے تو وہ اللہ کی ناراضگی میں ہو گا یہاں تک کہ اس سے جدا ہو جائے‘ جس آدمی نے اللہ کی حدوں میں سے کسی حد کو روکنے میں سفارش کی اُس نے اللہ کی مخالفت کی اور جو آدمی اس حال میں فوت ہوا کہ اس پر ایک دیناریا درہم قرض ہے تو اس کی نیکیوں سے کمی ہوگی کیونکہ وہاں دینار و درہم نہیں ہیں ۔

حضرت ابن عمر رضی اللہ عنہما فرماتے ہیں کہ حضرت بریرہ کے شوہر غلام تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم مقام عقیق پر نماز قصر کرتے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو تکبر سے کپڑا لٹکاتا ہے ‘ قیامت کے دن اللہ اس کی طرف نظر رحمت نہیں کرے گا۔

حضرت ابن عمر رضی اللہ عنہما فرماتے ہیں کہ میں نے آپ کو فرماتے ہوئے سنا: فجر کی سنتوں کو نہ چھوڑو کیونکہ ان میں رغبت ہے۔ اور آپ فرماتے تھے تم میں سے کوئی اس حالت میں نہ مرے کہ اس کے ذمہ قرض ہو کیونکہ نیکیاں اور گناہ ہیں ‘ وہاں دینار اور دراہم نہیں جزا کیلئے ‘ اللہ تعالیٰ کسی پر ظلم نہیں کرتا ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم جمعہ کے دن ہمیں غسل کرنے کا حکم دیتے تھے۔

حضرت ابن عمر رضی اللہ عنہما فرماتے ہیں کہ قبیلہ مخزومیہ کی ایک عورت سامان عاریتا ً لیتی تھی پھر دینے سے انکار کرتی ‘ حضور صلی اللہ علیہ وسلم نے اس کے ہاتھ کاٹنے کا حکم دیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: مؤمن ایک آنت میں کھاتا ہے اور کا فرسات آنتوں میں کھاتا ہے۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے فرمایا: اسلام میں (نکاح ) شغار نہیں ہے۔