Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہر دھوکہ باز کی پشت پر جھنڈا لگایا جائے گا‘ جس کی وجہ سے اس کا دھوکہ باز ہونا معلوم ہو جائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے سونے کی انگوٹھی پہنی تین دن تک ‘ سونے کی انگوٹھی عام ہو گئی تو آپ نے اس کو پھینک دیا اور آپ نے چاندی کی انگوٹھی بنائی ‘ اس میں لکھا تھا: محمد رسول الله صلی اللہ علیہ وسلم ۔

حضرت ابن عباس رضی اللہ عنہما فرماتے ہیں کہ عورت کو جب حیض آئے تو اس کو رخصت دو نکلنے کی اور ہم نے حضرت ابن عمر رضی اللہ عنہما سے سنا‘ آپ نے فرمایا: نہ نکلے۔ پھر فرمایا: نکلے کہ حضور صلی اللہ علیہ وسلم نے نکلنے کی رخصت دی۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: رات کی نماز دو دو رکعت ہے‘ جب تم میں سے کسی کو صبح ہونے کا خدشہ ہو تو ایک رکعت ساتھ ملا کرو تر کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم جب تلبیہ پڑھتے تھے تو ان الفاظ میں پڑھتے تھے : ’’ لبيك اللهم لبيك الى آخره ‘‘ ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے پالتو گدھوں کے گوشت کھانے سے منع کیا۔

حضرت ابن عمر رضی اللہ عنہما فرماتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: جو کوئی تکبر سے کپڑا لٹکائے تو اس کی طرف اللہ عز و جل نظر رحمت نہیں کرے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا : تم میں سے کوئی نفع والے پانی میں پیشاب نہ کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سواری پر نماز پڑھتے تھے ‘ سواری کا منہ مشرق اور مغرب کی طرف ہوتا اور اس پر وتر ادا کرتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو تہبند ٹخنوں سے نیچے ہو ‘ وہ جہنم میں جلے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم جبان کی طرف پیدل چل کر جاتے اور پیدل چل کر واپس آتے تھے اور حضرت ابوبکر و عمر رضی اللہ عنہا بھی ( ایسا کرتے تھے)۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: حلال و حرام واضح ہیں‘ ان دونوں کے درمیان شبہ ہے ‘ جو شبہ سے بچ گیا اُس نے اپنے دین اور عزت کو بچالیا اور جو شبہات میں پڑ گیا وہ حرام میں پڑ گیا جس طرح کہ چراگاہ کے اردگرد چرنے والے جانور ‘ وہ ضرور چراگاہ میں چلا جائے گا اور اسے معلوم ہی نہ ہوگا۔