Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ہم انبیاء علیہم السلام کے گروہ کو تین چیزوں کا حکم دیا گیا: (۱) افطاری جلدی کرنے کا (۲) سحری دیر سے کرنے کا (۳) اور نماز میں دائیں ہاتھ کو بائیں ہاتھ پر رکھنے کا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جوشی شک میں ڈالے ‘ اس کو چھوڑ دو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ایک آدمی نماز ‘ زکوۃ اور حج وعمرہ اور جہاد اور آپ نے بھلائی کی باتیں ذکر کیں کہ یہ سب کرے گا تو اس کا ثواب قیامت کے دن اس کی عقل کے مطابق دیا جائے گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دھوکہ باز کے لیے قیامت کے دن جھنڈا لگایا جائے گا ‘ جس سے اس کا دھوکہ باز ہونا معلوم ہو گا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: رات کی نماز دو دو رکعت ہے ‘ جب صبح ہونے کا خوف ہو تو وتر کر لیا کرو۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم سے پوچھا گیا: رات کے کسی حصے میں دعا جلدی قبول ہوتی ہے ‘ آپ نے فرمایا: رات کے (آخری) حصے میں ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے حج اور عمرہ کو ملا دیا ‘ دونوں کیلئے ایک ہی طواف کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: یہ ان کے لیے ہے ‘ یہ ان کے لیے ہے ‘ لوگ علیحدہ ہوئے ‘ وہ تقدیر میں اختلاف نہیں کریں گے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جمعہ کے دن غسل کرنے کا حکم دیا۔

حضرت سعید بن جبیر فرماتے ہیں کہ میں حضرت ابن عمر رضی اللہ عنہا کے ساتھ چل رہا تھا‘ آپ ایسی قوم کے پاس سے گزرے جنہوں نے پرندے کو باندھا ہوا تھا نشانہ بازی کرنے کیلئے۔ حضرت ابن عمر رضی اللہ عنہما نے فرمایا: جس نے یہ کیا ‘ اُس پر اللہ کی لعنت ہے۔ میں نے رسول الله صلی اللہ علیہ وسلم کو اس سے منع کرتے ہوئے سنا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کے پاس سونے کا ٹکڑالا یا گیا‘ یہ وہ پہلا صدقہ تھا جو معدن سے لایا گیا ‘ آپ نے فرمایا: یہ کیا ہے؟ انہوں نے عرض کی : معدن سے ہمارے لیے صدقہ ہے ‘ آپ نے فرمایا: عنقریب معادن ہوں گے ‘ عنقریب اس میں اللہ کی بدترین مخلوق ہوگی ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: دو آدمیوں کی نمازیں ان کے سروں سے تجاوز نہیں کرتی ہیں‘ ایک وہ غلام جو بھاگا ہوا ہو ‘ اور دوسری وہ عورت جس کا شوہر اس سے ناراض ہو ‘ اس سے راضی ہونے تک۔