Al Muajam Al Kabir Tibrani

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے نماز کی امامت کرواتے وقت ” الذين كفروا وصدوا عن سبیل اللہ ‘‘ کی تلاوت فرمائی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم کھجوریں ملا کر کھانے سے منع کرتے ‘ ہاں اگر تمہارے بھائی اجازت دیں۔

حضرت ابن عمر رضی اللہ عنہما فرماتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: جو جمعہ کے لیے آئے وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے قزع سے منع فرمایا۔ (نوٹ: قزعہ کا مطلب یہ ہے کہ سر کے بال نیچے سے کم کروا ئیں اور اوپر رکھ لیے)۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ولاء نسب کا حصہ ہے ‘ نہ بیچا جا سکتا ہے اور نہ ہبہ کیا جا سکتاہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے والاء کی بیع سے منع فرمایا اور اس کے ہبہ سے منع کیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ عز وجل قیامت کے دن زمین کو اپنے بائیں دست قدرت اور آسمانوں کو اپنے دائیں دست قدرت میں لے گا ‘ پھر فرمائے گا: میں بادشاہ ہوں ۔

حضرت نافع فرماتے ہیں کہ حضرت ابن عمر رضی اللہ عنہ اپنی داڑھی شریف اور انگلیوں کا خلال کرتے اور بتاتے تھے کہ حضور صلی اللہ علیہ وسلم ایسے کرتے تھے۔

حضرت ابن عمر رضی اللہ عنہما فرماتے ہیں کہ مجھے معلوم نہیں ہے کہ حضور صلی اللہ علیہ وسلم کو چوشی دی گئی ‘ یا وہ کسی کونہیں دی گئی ‘ وہ جماع کی قدرت ہے۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے فرمایا: آدمی اپنے دین کی وسعت اور کشادگی میں رہتا ہے جب تک حرام خون نہ بہائے ۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو کا ہن کے پاس آئے ‘ اس کی چالیس دن تک نماز قبول نہیں ہوتی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے مزدلفہ کی رات میں مغرب اور عشاء ایک اقامت کے ساتھ ادا کی۔