Al Muajam Al Kabir Tibrani

حضرت ابن عمر رضی اللہ عنہما مسندا ًرسول الله صلی اللہ علیہ وسلم سے روایت کرتے ہیں کہ آپ نے فرمایا: جو تم میں سے جمعہ کیلئے آئے ‘ وہ غسل کرے۔

حضرت ابن عمر رضی اللہ عنہما مسند اً رسول الله صلی اللہ علیہ وسلم سے روایت کرتے ہیں کہ آپ نے فرمایا: جو تم میں سے جمعہ کیلئے آئے ‘ وہ غسل کرے۔

حضرت ابن عمر رضی اللہ عنہما مسنداً رسول الله صلی اللہ علیہ وسلم سے روایت کرتے ہیں کہ آپ نے فرمایا: جو تم میں سے جمعہ کیلئے آئے ‘ وہ غسل کرے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم اور حضرت ابوبکر و عمر رضی اللہ عنہما عیدین کی نماز خطبہ سے پہلے ادا کرتے تھے۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم صدقہ فطر جو سے ایک صاع دیتے تھے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جس نے میرے وصال کے بعد میری قبر کی زیارت کی ‘ وہ ایسے ہے جس طرح کہ اُس نے میری زندگی میں زیارت کی۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم ے فرمایا: اللہ عزوجل نے عمر کی زبان اور دل پر حق جاری کر دیا۔

حضرت ابن عمر رضی اللہ عنہما فرماتے ہیں کہ میں حضور صلی اللہ علیہ وسلم کے ساتھ تھا‘ ایک آدمی آپ صلی اللہ علیہ وسلم کے پاس آیا اُس نے آپ سے مصافحہ کیا‘ حضور صلی اللہ علیہ وسلم نے اس سے اپنا ہاتھ نہیں چھڑایا ‘ جب تک اُس آدمی نے اپنا ہاتھ نہ کھینچا‘ پھر اُس نے آپ سے عرض کی : عثمان آیا ہے ‘ آپ نے فرمایا: وہ جنتی آدمی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: قرآن کی مثال جب قرآن پڑھنے والا ہمیشگی کرتا ہے ‘ رات اور دن میں قیام کرنے والے کی طرح ہے ‘ باندھے ہوئے اونٹ کی طرح جب اس کی نگہداشت کرے گا ‘ وہ رُکا رہے گا ‘ جب اس کی مہار کو چھوڑا جائے تو وہ چلا جائے گا ‘ اسی طرح قرآن پڑھنے والے کی مثال ہے۔

حضرت نافع سے حضرت ابن عمر رضی اللہ عنہما کے بارے میں روایت ہے: جب انہوں نے رافع بن خدیج والی حدیث کو سنا کہ رسول کریم صلی اللہ علیہ وسلم نے زمین کو کرایہ پر دینے سے منع کر دیا۔ تو حضرت ابن عمر رضی اللہ عنہا نے فرمایا: ہم زمین کرایہ پر لیا کرتے تھے اور بدلے میں رہٹ کی گھاس وغیرہ اور اس میں سے جو پیداوار بھوسہ وغیرہ ہوتا ‘ دیتے تھے۔

حضرت ابن عمر رضی اللہ عنہما سے روایت ہے کہ حضور صلی اللہ علیہ وسلم نے لوگوں کے جانوروں کا دودھ اُن کی اجازت کے بغیر نکالنے سے منع کیا۔

حضرت ابن عمر رضی اللہ عنہا فرماتے ہیں کہ حضور صلی اللہ علیہ وسلم نے لہسن کھانے سے منع کیا اور فرمایا: جب تک اس کی بدبوختم نہ ہو جائے‘ اُس وقت تک مسجد میں نہیں آنا چاہیے۔