Al Muajam Al Kabir Tibrani

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: ایک آدمی نے دوسرے سے کہا: اے کا فر! تو کفران میں سے ایک کی طرف لوٹ آئے گا۔

حضرت ابن عمر رضی اللہ عنہما فرماتے ہیں کہ ایک آدمی کا دوسرے آدمی پر حق لازم ہے ‘ اس سے اپنا حق لے۔ حضور صلی اللہ علیہ وسلم نے فرمایا: جو اپنا حق طلب کرے تو اچھا طریقہ اپنائے خواہ وہ پورا کرنے والا ہو یا پورا کرنے والا نہ ہو۔

حضرت ابن عمر رضی اللہ عنہما سے مروی ہے کہ رسول کریم صلی اللہ علیہ وسلم نے فرمایا: جامع مسجد میں نماز پڑھنا ‘ فرض نماز پڑھنے کا حج مبرور کے برابر اور نفل نماز کا حج مقبول کے برابر ثواب ہے ‘ جامع مسجد میں نماز پڑھنے کی فضیلت دوسری مسجدوں میں نماز پڑھنے پر پانچ سو نماز کے برابر ہے۔

حضرت ابن عمر رضی اللہ عنہما فرماتے ہیں کہ رسول کریم صلی اللہ علیہ وسلم نے فرمایا: سورۃ اخلاص قرآن کے تہائی اور قل یاایها الکافرون چوتھائی قرآن کے برابر ہے۔ آپ صلی اللہ علیہ وسلم ان دونوں کو فجر کی دو رکعت (سنت) میں پڑھا کرتے تھے اور فرمایا: ان دو رکعتوں میں پورے زمانے کو لچسپی ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے حکم دیا: ہر دیوار مسجد کا صحن ہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: چاندی چاندی کے بدلے برابر برابر جائز ہے ‘ اس میں زیادتی جائز نہیں ہے۔

حضرت ابن عمر رضی اللہ عنہما فرماتے ہیں کہ میں نے رسول الله صلی اللہ علیہ وسلم کو فرماتے ہوئے سنا: جو اس حالت میں مرا کہ اس نے بیعت نہ کی تو وہ زمانہ جاہلیت کی موت مرا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو وراثت جاہلیت میں تقسیم کی گئی ‘ وہ اسی طرح تقسیم کی جائے گی ‘ جو مال حالت اسلام میں کمایا ‘ وہ اسلام کے قوانین کے مطابق تقسیم کی جائے گی۔

حضرت عبدالرحمٰن بن افلح فرماتے ہیں کہ صحابہ کی ایک جماعت نے مجھے حضرت ابن عمر رضی اللہ عنہ کی طرف بھیجا ‘ نماز وسطیٰ کے متعلق پوچھنے کیلئے ۔ حضرت ابن عمر رضی اللہ عنہما نے فرمایا: یہ بیان کرتے تھے کہ یہ وہ نماز ہے جس میں آپ نے اپنا رخ انور قبلہ کی طرف پھیرا ‘ وہ نماز ظہرہے۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: اللہ عزوجل نے عمر کی زبان اور دل پر حق جاری کر دیا۔

حضرت ابن عمر رضی اللہ عنہما فرماتے ہیں کہ حضور صلی اللہ علیہ وسلم نے فرمایا: جو کوئی تم میں سے اپنے بھائی سے دن میں کئی مرتبہ ملے ‘ وہ اس کو سلام کرے۔

حضرت اسحاق بن عبد الله الطفاوی فرماتے ہیں: حضرت ابن عمر رضی اللہ عنہما جب بھی رسول اللہ صلی اللہ علیہ وسلم کا ذکر کرتے تو روتے تھے۔