Kitab Al Aasaar Al Shabani

22 - مُحَمَّدٌ قَالَ: أَخْبَرَنَا أَبُو حَنِيفَةَ، عَنْ حَمَّادٍ، عَنْ إِبْرَاهِيمَ، عَنْ عَلِيِّ بْنِ أَبِي طَالِبٍ رَضِيَ اللَّهُ عَنْهُ فِي مَسِّ الذَّكَرِ أَنَّهُ قَالَ: «مَا أُبَالِي أَمَسِسْتُهُ أَمْ طَرَفَ أَنْفِي» قَالَ مُحَمَّدٌ: وَهُوَ قَوْلُ أَبِي حَنِيفَةَ، وَبِهِ نَأْخُذُ

حضرت امام محمد رحمتہ اللہ علیہ نے فرمایا ! حضرت امام ابوحنیفہ رحمتہ اللہ علیہ نے ہمیں خبر دی ‘ وہ حضرت حماد رحمتہ اللہ علیہ سے وہ حضرت ابراہیم رحمتہ اللہ علیہ سے اور وہ حضرت علی بن ابی طالب رضی اللہ عنہ سے روایت کرتے ہیں کہ آپ نے شرمگاہ کو چھونے والے کے بارے میں فرمایا کہ مجھے کوئی پرواہ نہیں وہ اسے (شرمگاہ) چھوئے یا ناک کے کنارہ کو ( چھونے میں دونوں برابر ہیں ) حضرت امام محمد رحمتہ اللہ علیہ فرماتے ہیں ! حضرت امام ابوحنیفہ رحمتہ اللہ علیہ کا بھی یہی قول ہے اور ہم بھی اسے اہی اختیار کر تے ہیں ۔

مُحَمَّدٌ: وَهُوَ قَوْلُ أَبِي حَنِيفَةَ، وَبِهِ نَأْخُذُ ← «مَا أُبَالِي أَمَسِسْتُهُ أَمْ طَرَفَ أَنْفِي» ← عَلِيِّ بْنِ أَبِي طَالِبٍ فِي مَسِّ الذَّكَرِ أَنَّهُ ← إِبْرَاهِيمَ، ← حَمَّادٌ، ← أبو حنيفة ← مُحَمَّدٍ

23 - مُحَمَّدٌ قَالَ: أَخْبَرَنَا أَبُو حَنِيفَةَ، عَنْ حَمَّادٍ، عَنْ إِبْرَاهِيمَ، أَنَّ ابْنَ مَسْعُودٍ رَضِيَ اللَّهُ عَنْهُ سُئِلَ عَنِ الْوُضُوءِ مِنْ مَسِّ الذَّكَرِ، فَقَالَ: «إِنْ كَانَ نَجِسًا فَاقْطَعْهُ، يَعْنِي أَنَّهُ لَا بَأْسَ بِهِ»

حضرت امام محمد رحمتہ اللہ علیہ نے فرمایا ! حضرت امام ابوحنیفہ رحمتہ اللہ علیہ نے ہمیں خبر دی ‘ وہ حضرت حماد رحمتہ اللہ علیہ سے اور وہ حضرت ابراہیم رحمتہ اللہ علیہ سے روایت کرتے ہیں کہ حضرت عبداللہ بن مسعود رضی اللہ عنہ سے شرمگاہ کو ہاتھ لگا نے کے بارے میں پوچھا گیا تو انہوں نے فرمایا اگر وہ نا پاک ہے تو اسے کاٹ دو یعنی کوئی حرج نہیں۔ ‘‘

"الْوُضُوءُ مِنْ مَسِّ الذَّكَرِ" ← إِبْرَاهِيمَ، أَنَّ ابْنَ مَسْعُودٍ سُئِلَ ← حَمَّادٌ، ← أبو حنيفة ← مُحَمَّدٍ

24 - مُحَمَّدٌ قَالَ: أَخْبَرَنَا أَبُو حَنِيفَةَ، عَنْ حَمَّادٍ، عَنْ إِبْرَاهِيمَ، أَنَّ سَعْدَ بْنَ أَبِي وَقَّاصٍ رَضِيَ اللَّهُ عَنْهُ مَرَّ بِرَجُلٍ يَغْسِلُ ذَكَرَهُ فَقَالَ: «مَا تَصْنَعُ وَيْحَكَ إِنَّ هَذَا لَمْ يُكْتَبْ عَلَيْكَ» قَالَ مُحَمَّدٌ: وَغَسْلُهُ أَحَبُّ إِلَيْنَا إِذَا بَالَ، وَهُوَ قَوْلُ أَبِي حَنِيفَةَ رَضِيَ اللَّهُ عَنْهُ

حضرت امام محمد رحمتہ اللہ علیہ فرماتے ہیں !حضرت امام ابوحنیفہ رحمتہ اللہ علیہ نے ہمیں خبر دی ‘ وہ حضرت حماد رحمتہ اللہ علیہ سے اور وہ حضرت ابراہیم رحمتہ اللہ علیہ سے روایت کرتے ہیں ! کہ حضرت سعد بن ابی وقاص رضی اللہ عنہ ایک آدمی کے پاس سے گزرے اور وہ اپنی شرمگاہ کو دھو رہا تھا آپ نے پوچھا کیا کر رہے ہو؟ یہ تم پر فرض نہیں کیا گیا ‘ (دہونے میں مبالغہ فرض نہیں استنجاء کرنے کی نفی نہیں کی ) ۔ ‘‘ حضرت امام محمد رحمتہ اللہ علیہ فرماتے ہیں شرمگاہ کو دھونا (استنجاء کرنا ) ہمارے نزدیک مستحب ہے جب پیشاب کرے اور حضرت امام اعظم ابوحنیفہ رحمتہ اللہ علیہ کا بھی یہی قول ہے (یعنی استنجا فرض نہیں ہاں نجاست مخرج سے تجاوز کرے تو فرض ہے ) ۔ ‘‘

«مَا تَصْنَعُ وَيْحَكَ إِنَّ هَذَا لَمْ يُكْتَبْ عَلَيْكَ» ← إِبْرَاهِيمَ، أَنَّ سَعْدَ بْنَ أَبِي وَقَّاصٍ مَرَّ بِرَجُلٍ يَغْسِلُ ذَكَرَهُ ← حَمَّادٌ، ← أبو حنيفة ← مُحَمَّدٍ