سیدہ عائشہ صدیقہ رضی اللہ عنہ بیان کرتی ہیں حضرت جبرائیل مجھے (یعنی میری تصویر کو ) لے کر نبی اکرم ﷺ کی خدمت میں آئے ( وہ تصویر ) ایک ریشمی کپڑے میں تھی حضرت جبرائیل نے کہا : یہ دنیا اور آخرت میں آپ کی زوجہ محترمہ ہیں۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7094
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7095
سیدہ عائشہ صدیقہ رضی اللہ عنہ بیان کرتی ہیں نبی اکرمﷺ نے سیدہ فاطمہ رضی اللہ عنہ کا ذکر کیا ۔ سیدہ عائشہ رضی اللہ عنہ بیان کرتی ہیں میں نے گفتگو کرنا شروع کی' تو نبی اکرم ﷺ نے فرمایا : کیا تم ا س بات سے راضی نہیں ہو کہ تم دنیا اور آخر ت میں میری زوجہ ہو ۔ میں نے عرض ی : جی ہاں اللہ کی قسم ( میں اس بات سے راضی ہوں ) تو نبی اکرمﷺ نے ارشاد فرمایا : تم دنیا اور آخرت میں میری زوجہ ہو ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7095
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7096
سیدہ عائشہ صدیقہ رضی اللہ عنہ بیا ن کرتی ہیں انہوں نے عرض کی: یا رسول اللہ ﷺ آپ کی کون سی ازواج جنت میں ہوں گی؟ نبی اکرمﷺ نے فرمایا : جہاں تک تمہارا تعلق ہے تو تم ان میں سے ہو ( جو جنت میں ہوں گی)
سیدہ عائشہ رضی اللہ عنہ بیان کرتی ہیں مجھے اس بات کا علم تھا کہ اسی وجہ سے نبی اکرمﷺ نے میرے علاوہ کسی اور کنواری خاتون کے ساتھ شادی نہیں کی۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7096
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7097
سیدہ عائشہ صدیقہ رضی اللہ عنہ بیان کرتی ہیں نبی اکرم ﷺ نے جب میرے ساتھ شادی کی تو میری عمر چھ سال تھی جب میری رخصت ہوئی تو میری عمر نو سال تھی جب نبی اکرمﷺ مدینہ منورہ تشریف لائے تو مجھے بخار ہو گیا جس کے نتیجے میں میرے بال جھڑ گئے ۔ سیدہ ام رومان میرے پاس آئیں میں اس وقت کھلونوں کے ساتھ کھیل رہی تھی میرے ساتھ میری سہیلیاں بھی تھیں سیدہ ام رومان رضی اللہ عنہ نے بلند آواز میں مجھےبلایا میں ان کے پا س آئی مجھے معلوم نہیں تھا کہ وہ کیا چاہتی ہیں انہوں نے میرا ہاتھ پکڑا مجھے دروازے پر لا کر کھڑا کیا میں نے کہا : ٹھہر جائیں یو ں جیسے سانس پھولا ہو ا ہو پھر انہوں نے مجھے گھر کے اندر داخل کیا تو وہاں کچھ انصاری خواتین موجود تھیں انہوں نے کہا : بھلائی اور برکت کے ساتھ اور انے والی بھلائی کے ساتھ(آپ کی شادی ہو) پھر سیدہ ام رومان رضی اللہ عنہ نے مجھے ان خواتین کے سپرد کر دیا انہوں نے میرے سر کو دھویا اور مجھے تیار کیا پھر چاشت کے وقت نبی اکرم ﷺ تشریف لے آئے ا ن خواتین نے مجھے نبی اکرم ﷺ کے حوالے کر دیا ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7097
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7098
سیدہ عائشہ رضی اللہ عنہ بیان کرتی ہیں نبی اکرم ﷺ نے فرمایا : یہ جبرائیل تمہیں سلام کہہ رہا ہے میں نے کہا : ان پر سلام ہو اللہ تعالی کی
رحمتیں اور اس کی برکتیں ناز ل ہوں ' یا رسول اللہ ﷺ ! آپ جو دیکھتے ہیں ہم وہ نہیں دیکھ سکتے ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7098
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7099
عروہ بن زبیر ، سعید بن مسیب ، علقمہ بن وقاص، عبید اللہ بن عبداللہ نے سیدہ عائشہ رضی اللہ عنہ کے حوالے سے واقعہ افک کے بارےمیں روایت نقل کی ہے جس سے اللہ تعالی نے سیدہ عائشہ رضی اللہ عنہ کو بری قرار دیا تھا ۔
زہری بیان کرتے ہیں : اس گروہ نے سیدہ عائشہ رضی اللہ عنہ کے حوالے سے منقول روایت مجھے بیا ن کی ہے ان میں بعض نے اس واقعہ کو زیادہ بہتر طور پر یاد رکھا لیکن میں اسے ایک واقعہ ے طور پر نقل کروں گا میں ان میں سے ہر ایک کے الفاط کو یاد رکھا جو اس نے مجھے سیدہ عائشہ رضی اللہ عنہ کے حوالے سے بیان کئے ان میں سے بعض کی روایت ' بعض کی تصدیق کرتی ہے ان تمام حضرات نے یہ بات بیان کی سیدہ عائشہ رضی اللہ عنہ نے یہ بات بیان کی۔
نبی اکرمﷺ جب کسی سفر پر روانہ ہونے لگتے تو آپ اپنی ازواج کے درمیان قرعہ اندازی کرتے تھے ان میں سے جس کا نام قرعہ نکل آتا تھا اسے اپنے ساتھ لے جاتے تھے ایک مرتبہ نبی اکرم ﷺ نے ایک جنگ پر جانے سے پہلے ہمارے درمیان قرعہ اندازی کی تو میرے نام کا قرعہ نکل آیا تو میں آپ کے ساتھ روانہ ہو گئی یہ حجاب کا حکم نازل ہونے کے بعد کی بات ہے مجھے میرے ہودج میں سوار کیا جاتا تھا میں اسی میں پڑاؤ کرتی تھی ہم لوگ سفر کررہے تھے یہاں تک کے نبی اکرم ﷺ اس غزوہ سے فارغ ہو کر واپسی کے لئے روانہ ہوگئے جب ہم مدینہ منورہ کے قریب پہنچے ( تو پڑاؤ کے دوران ) نبی اکرم ﷺ نے رات کے وقت روانگی کا اعلان کر دیا میں اٹھی اور چلتی ہوئی لشکر سے دور چلی گئی میں نے اپنی ضرورت کو پورا کیا پھر میں اپنے پالان کی طرف واپس آئی میں نے اپنے سینہ پر ہاتھ پھیرا تو وہاں میرا پتھروں کا ہار موجود نہیں تھا میں واپس آئی اور اپنا ہا ر تلاش کرنے لگی اس کی تلاش نے مجھے روک لیا وہ لوگ آئے جو میرے ہودج کو اٹھا کر اونٹ پر رکھتے تے انہوں نے میرے ہودج کو اٹھایا اور اونٹ کے اوپر رکھ دیا جس پر میں سوار ہوتی تھی وہ یہ سمجھے کہ میں ہودج کےاندر ہوں گی اس زمانے میں خواتین ہلکی پھلکی ہوتی تھیں وہ بھاری بھرکم نہیں ہوتی تھیں ان پر گوشت نہیں چڑھا ہوتا تھا وہ تھوڑا سا کھانا کھایا کرتی تھیں اس لیے جب ان لوگوں نے ہودج کو اٹھا یا تو انہیں ا سکے وزن میں کوئی تبدیلی محسوس نہیں ہوئی ان لوگوں نے اسے اٹھا لیا میں ایک لڑکی تھی جس کی عمر کم تھی ان لوگوں نے اونٹ کو اٹھایا اور روانہ ہو گئے ۔ لشکر کے روانہ ہونے کے بعد مجھے اپنا ہار مل گیا میں پڑاؤ کی جگہ پر آئی تو وہاں کوئی موجود نہیں تھا میں اپنے پڑاؤ کی جگہ پر ہی ٹھہر گئی جہاں میں پہلے تھی میں نے یہ گمان کیا کہ عنقریب وہ مجھے غیر موجو پائیں گے تو میری طرف واپس آجائیں گے ۔ا بھی میں وہاں بیٹھی ہوئی تھی کہ میری آنکھ لگ گئی اور میں سو گئی صفوان بن معطل سلمی لشکر کے پیچھے آرہے تھے جب وہ صبح کے وقت میری رہائشی جگہ کے قریب پہنچے انہوں نے کسی سوئے ہوئے شخص کا ہیولیٰ دیکھا وی حجاب سے پہلے مجھےدیکھ چکے تھےانہوں نے مجھے پہچان کر انا للہ وانا الیہ راجعون پڑھا تو میں بیدار ہو گئی میں نے اپنی چادر کے ذریعے اپنے چہرے کو ڈھانپ لیا اللہ کی قسم نہ تو انہو ں نے کوئی بات کی اور نہ ہی میں ان کے انا للہ ونا الیہ راجعون پڑھنے کے علاوہ کوئی اور کلمہ ان کی زبانی سنا ۔ انہوں نے اپنی سواری کو بٹھایا اور میں اس پر سوار ہو گئی وہ میری سواری کو لے کر روانہ ہو گئے یہاں تک کہ ہم لشکر کے پا س پہنچ گئے جنہوں نے دوپہر کے وقت پڑاؤ کیا ہوا تھا '' ت ( اس واقعہ کے حوالے سے ) جس نے ہلاکت کا شکار ہونا تھا وہ ہلاکت کا شکار ہوا اور اس جھوٹے الزام میں جس نے بڑھ چڑھ کر حصہ لیاوہ عبداللہ بن ابی بن سلول تھا ۔
ہم لوگ مدینہ منورہ آئے میں ایک ماہ تک بیمار رہی۔ لوگوں کے درمیان جھوٹا الزام لگانے والوں میں بات پھیل چکی تھی میری اس بیماری کے دوران ایک چیز مجھے شک میں مبتلا کرتی تھی وہ یہ کہ مجھے نبی اکرمﷺ کی طرف وہ مہربانی محسوس نہیں ہو رہی تھی جو پہلے میری بیماری کے دوران مجھے آپ کی طرف سےنظر آتی تھی۔ نبی اکرم ﷺ گھر تشریف لاتے سلام کرتے پھر دریافت کرتے تمہارا کیا حال ہے؟ لیکن مجھے اس جھوٹے الزام کے بارے میں کچھ پتہ نہیں تھا میں کمزور ہو چکی تھی ایک دن میں اور ام مسطح ''مناصع'' کی طرف (قضائے حاجت کے لئے ) نکلیں وہ ہماری قضائے حاجت کرنے کی جگہ تھی ہم صرف رات کے وقت اس طرف جایا کرتی تھیں اس زمانے میں گھروں کے قریب بیت الخلا نہیں ہوتے تھے یہ اس سے پہلے کی بات ہے ہمارا معاملہ پہلے زمانے کے عربوں کی طرح تھا (یعنی ہم کھلی جگہ پر قضائے حاجت کرتے تھے) میں اور ام مسطح چلتے ہوئے آرہے تھے اس کا پاؤں اپنی چادر میں الجھا تو اس نے کہا : مسطح برباد ہو جائے میں نے اس سے کہا : تم نے بہت بری بات کہی ہے تم نے ایک ایسے شخص کو برا کہا ہے جو غزوہ بدر میں شریک ہو چکا ہے۔ اس نے کہا: اے بھولی عورت کیا تم نے وہ بات نہیں سنی جو لوگوں نے بیان کی ہے پھر اس عور نے مجھے بتایا: جھوٹا الزام لگانے والوں نے کیا بات کہی ہے اس کے نتیجے میں میری بیماری میں اضافہ ہو گیا جب میں اپنے گھر واپس آئی تو نبی اکرم ﷺ میرے ہاں تشریف لائے آپ نے دریافت کیا: تمہارا کیا حال ہے۔ میں نے عرض کی: آپ مجھے اجازت دیجئے کہ میں اپنے ماں باپ کے گھر چلی جاؤں ۔
سیدہ عائشہ رضی اللہ عنہ بیان کرتی ہیں اس وقت میں دونوں کی طرف سے یقینی خبر حاصل کرنا چاہتی تھی۔ نبی اکرمﷺنے مجھے اجازت دے دی میں ماں باپ کے گھر آئی اور اپنی والدہ سے کہا : لوگ کیا بات چیت کر رہے ہیں ۔ انہوں نے کہا : اے میری بیٹی تم پر سکون رہو! اللہ کی قسم جو عورت اپنے شوہر اس سے محبت کرتا ہو اوع اس کی سوکنیں بھی ہوں ' تو وہ اس سے زیادہ زیادتی کیا کرتی ہیں : میں نے کہا : سبحان اللہ کیا لوگ یہ بات کر رہے ہیں انہوں نے جواب دیا : جی ہاں وہ ساری رات میں یوں گزاری میرے آنسو تھمتے ہی نہیں تھے اور مجھے ذرا سئ دیر کے لئے نیند نہیں آئی پھر صبح ہوئی
جب (چند تک اس بارے میں) وحی کا سلسلہ منقطع ہوا ' تو نبی اکرم ﷺنے حضرت علی بن ابو طالب رضی اللہ عنہ اور تو اس بات کی طرف اشارہ کیا جو وہ جانتے تھے کہ نبی اکرم ﷺ اپنی اہلیہ سے کتنی محبت کرتے ہیں انہوں نے عرض کی: یا رسول اللہ ﷺ آپ کی اہلیہ کے بارے میں اللہ کی قسم ہمیں صرف بھلائی کا علم ہے البتہ علی نے یہ کہا : یا رسول اللہ ﷺ اللہ تعالیٰ نے آپ کو کسی تنگی کا شکار نہیں کیا ان کے علاوہ بھی بہت سی خواتین ہیں تا ہم آپ کنیز سے سوال کریں و ہ آپ کے ساتھ سچ بیانی کرے گی تو نبی اکرم ﷺ نے بریرہ کو بلوایا ۔ آپ نےفرمایا: اے بریرہ کیا تم نے اس میں کوئی ایسی چیز دیکھی جو تمہیں شک کا شکار کرے تو اس نے کہا : جی نہیں اس ذات کی قسم جس نے آپ کو حق کے ہمراہ مبعوث کیا ہے میں ان میں اگر کوئی چیز دیکھی ہے جس کے حوالے سے مجھے ان پر اعتراض ہو تو وہ یہ ہے کہ وہ لڑکی ہیں ان کی عمر کم ہے آٹا گوندھ کر سو جاتی ہیں بکری آتی ہے اور اسے کھا لیتی ہے۔
اس دن نبی اکرمﷺ ( لوگوں کے درمیان خطبہ دینے کے لئے ) کھڑے ہوئے آپ نے عبداللہ بن ابی کی شکاہت کرتے ہوئے کہا اس حوالے سے کون مجھے معذور قرار دے گا ' جس کی پہنچائی ہوئی اذیت میری بیوی تک پہنچ گئی ہے اللہ کی قسم مجھے اپنی بیوی کے بارے میں صرف بھلائی کا علم ہے اور ا ن لوگوں نے جس شخص کا ذکر کیا ہے اس کے بارے میں بھی مجھے صرف بھلائی کا علم ہے وہ میری بیوی کے گھر میں صرف میرے ساتھ ہی داخل ہوا اس پر حضرت سعد بن معاذ رضی اللہ عنہ کھڑے ہوئے انہوں نے عرض کی : یارسول اللہ ﷺ اللہ کی قسم میں آپ کو اس کی طرف سے بدلہ دلاؤں گا اگر وہ شخص اوس قبیلے سے تعلق رکھتا ہے' تو ہم اس کی گردن اڑا دیں دیں گے اگر وہ ہمارے بھائی خزرج قبیلے سے تعلق رکھتا ہے تو آپ ہمیں حکم دیں ہم اس بارے میں اپ کے حکم کی فرمانبردار کریں گے ' تو حضرت سعد بن عبادہ رضی اللہ عنہ کھڑے ہوئے وہ ایک نیک آدمی تھے لیکن اس وقت قبائلی حمیت ان پر غالب آگئی انہوں نے کہا: اللہ کی قسم تم غلط کہہ رہے ہو تم اسے قتل نہیں کرو گے اور نہ ہی تم ایسا کر سکتے ہو ۔ اس پر اسید بن حضیر کھڑے ہوئے : اور بولے تم جھوٹ کہہ رہے ہو اللہ کی قسم ہم اس شخص کو ضرور قتل کریں گے تم ایک منافق ہوا اور منافقوں کی طرف سے جھگڑا کرہے ہو تو اوس اور خزرج قبیلے کے درمیان جھگڑا ہو گیا ' یہاں تک کہ انہوں نے (ہاتھاپائی ) کا ارادہ کیا ۔ نبی اکرم ﷺ اس وقت منبر پر موجود تھے اپ نے ان کو خاموش کروانے کی کوشش کی یہاں تک کہ وہ لوگ خاموش ہو گئے ۔
میں نے وہ دن اس طرح گزارا کہ میرے آنسو تھمتے نہیں تھے مجھے ذرا سی دیر کے لئے نیند نہیں آئی صبح کے وقت میں اپنے ماں باپ کے ہاں موجود تھی مں رات بھر اور اس کے بعد اگلا پورا دن روتی رہی ' یہاں تک کہ مجھے یوں لگتاتھا جیسے رونا میرے جگر کو چیر دے گا ۔ سیدہ عائشہ رضی اللہ عنہ بیان کرتی ہیں میرے والدین میرے والدین میرے پاس بیٹھے ہوئے تھے میں رو رہی تھی کہ اسی دوران ایک انصاری خاتون نے اندر آنے کی اجازت مانگی میں اسے اجازت دی ' تو وہ بھی بیٹھ کر میرے ساتھ رونے لگی ابھی ہم اسی حالت میں تھے کہ نبی اکرم ﷺ گھر تشریف لائے آپ تشریف فرما ہوئے جب سے میرے بارے میں یہ بات کی گئی اس کے بعد سے آپ اس دن سے پہلے کبھی میرے پاس اس طرح نہیں بیٹھے تھے ایک مہینہ گزر چکا تھا اس دوران میرے معاملے میں آپ کی طرف کوئی وحی نازل نہیں ہوئی تھی ۔ سیدہ عائشہ رضی اللہ عنہ بیان کرتی ہیں نبی اکرم ﷺ نے کلمہ شہادت پڑھا اور فرمایا: اے عائشہ امابعد تمہارے بارے میں مجھ تک اس اس طرح کی بات پہنچی ہے اگر تم بری ذمہ ہو تو اللہ تعالی تمہاری برأت کا اظہار کر دے گا اور اگر تم نے برائی کا ارادہ کیا تھا تو تم اللہ تعالی سے مغفرت کرواس کی بارگاہ میں توبہ کرو کیونکہ جب بندہ اپنے گنا ہ کا اعتراف کر لے اور تو بہ کے لے ' تو اللہ تعالیٰ اس کی توبہ کو قبول کرتا ہے 'جب نبی اکرم ﷺ نے اپنی بات مکمل کی ' تو میرے آنسو تھم گئے یہاں تک کہ مجھے آنسوؤں میں سے ایک قطرہ بھی محسوس نہیں ہوا میں نے اپنے والد سے کہا : میری طرف سے نبی اکرم ﷺ کو جواب دیجئے انہوں نے کہا : اللہ کی قسم مجھے نہیں آرہی کہ میں نبی اکرمﷺ سے کہا کہوں ۔ میں نے اپنی والدہ سے کہا: میری طرف سے نبی اکرم ﷺ کو جواب دیجئےانہوں نے کہا :اللہ کی قسم مجھے سمجھ نہیں آرہی کہ میں نبی اکرم ﷺ سےکیا کہوں ' تو سیدہ عائشہ رضی اللہ عنہ نے کہا : میں ایک لڑکی ہوں میری عمر زیادہ نہیں ہے مجھے قرآ ن بہت زیادہ نہیں آتا لیکن میں یہ کہتی ہوں کہ اللہ کی قسم مجھے اس بات کا پتہ ہے کہ آپ لوگوں نے وہ بات سنی جو لوگ کرتے ہیں اور وہ بات آپ کے ذہن میں پختہ ہو گئی ہے اور آپ نے اس کی تصدیق کر دی ہے میں آپ سے یہ کہوں کہ میں اس سے بری ذمہ ہوں اور اللہ جانتا ہے کہ میں بری ہوں تو آپ میری اس بات کو سچ نہیں سمجھیں گے اور اگر میں آپ کے سامنے ایک ایسی چیز کے بارے میں اعتراف کو لوں ' جو بات اللہ تعالی جانتا ہے کہ میں اس سے بری ہوں تو آپ اس بارے میں سچا سمجھیں گے اللہ کی قسم اس بارے میں مجھے اپنے اور آپ کے بارے میں اس کے علاوہ اور کوئی مثال نہیں سوجھ رہی جو حضڑت یوسف ؑ کے والد نے کہا تھا :
'' اب صبر ہی بہتر ہے اور اللہ تعالی سے ہی مدد مانگی جا سکتی ہے اس چیز کے بارے میں ' جو تم بیان کررہے ہو''۔
پھر میں اپنے بستر پر لیٹ گئی مجھے یہ امید تھی کہ اللہ تعالیٰ میری مدد کے بارے میں (حکم) نازل کر دے گا لیکن اللہ تعالیٰ کی قسم اس بات کا گما ن نہیں تھا کہ میرے معاملے کے بارے میں وحی نازل ہو گی میرے خیال میں میں اس بارے میں بہت حقیر ہوں کہ قرآن میں میرے معاملے میں کلام کیا جائے مجھے صرف یہ امید تھی کہ نبی اکرم ﷺ خواب میں کوئی ایسی چیز دیکھیں ' جق میری برأت کا اظہار کر دے گی اللہ کی قسم ابھی نبی اکرم ﷺ پر وحی نازل ہونا شروع ہوئی اس وقت آپ پر وہی کیفیت طاری ہوئی جو وحی کے نزول کے وقت ہوتی ہے' یہاں تک کہ سخت سردی کے دن بھی آپ کی پیشانی سے موتیوں کی طرح (پسینے کے قطرے) پھوٹ پڑتے تھے جب نبی اکرم ﷺ کی یہ کیفیت ختم ہوئی تو آپ مسکرارہے تھے ۔ سب سے پہلی بات آپ نے یہ کہی اے عائشہ تم اللہ تعالی کی حمدبیان کرو کیونکہ اس نے تمہیں بری قرار دے دیا ہے ۔ میری والدہ نے مجھ سے کہا : ت اٹھ کر نبی اکرم ﷺ کے پاس جاؤ میں نے کہا : نہیں اللہ کی قسم میں اٹھ کر ان کی طرف نہیں جاؤں گی اور میں صرف اللہ تعالیٰ کی حمدبیان کروں گی' تو اللہ تعالی نے یہ آیت نازل کی۔
''بے شک تم میں سے ایک گروہ نے جو جھوٹا الزام لگایا ''۔
جب اللہ تعالی نے میری برات کے بارے میں یہ حکم نازل کر دیا ' تو حضرت ابو بکر صدیق رضی اللہ عنہ جو مسطح کے ساتھ اپنی رشتے داری کی وجہ سے اسے خرچ دیا کرتے تھے انہوں نے یہ کہا: اللہ کی قسم ! مسطح نے عائشہ کے بارے میں جو کچھ کہا ہے اس کے بعد اب میں کبھی اس پر کچھ خرچ نہیں کروں گا تو اللہ تعالہٰ نے اس بارے میں یہ آیت نازل کی۔
''تم میں سے فضیلت اور گنجائش رکھنے والے لوگ یہ قسم نہ اٹھائیں ''۔
یہ آیت ' یہاں تک ہے ''اللہ تعالیٰ مغفرت کرنے والا اوررحم کرنے والا ہے''۔
تو حضرت ابو بکر رضی اللہ عنہ نے کہا : اللہ کی قسم میں اس بات کو پسند کرتا ہو ں کہ اللہ تعالی میری مغفرت کرے ' تو پھر حضرت ابو بکر رضی اللہ عنہ نے دوبارہ مسطح کی اسی طرح مدد کرنا شروع کر دی جس طرح پہلے کیا کرتے تھے ۔
نبی اکرم ﷺ نے سیدہ زینب بنت حجش رضی اللہ عنہ سے میرے بارے میں دریافت کیا : تو انہوں نے کہا : یا رسول اللہ ﷺ میں اپنی سماعت اور بصارت کو مخفوظ قرار دیتی ہوں ۔
سیدہ عائشہ رضی اللہ عنہ بیان کرتی ہیں : وہ میر ے مقابلے کی وعوے دار تھیں ' لیکن اللہ تعالی نے ان کی پرہیز گاری کی وجہ سے انہیں (جھوٹا الزام لگانے سے ) محفوظ رکھا ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7099
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7100
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7100
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7101
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7101
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7102
سیدہ عائشہ صدیقہ رضی اللہ عنہ بیان کرتی ہیں میرے بری ذمہ ہونے کے بارے میں آسمان سے حکم نازل ہوا' تو نبی اکرمﷺ نے فرمایا : تمہارے لیے خوشخبری ہے اللہ تعالی نے تمہارے بری ذمہ ہونے کے بارے میں حکم نازل کر دیا ہے' تو میں نے کہا: میں اللہ کی حمد بیان کرتی ہو ں آپ کی حمد بیان نہیں کرتی۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7102
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7103
مسروق بیان کرتے ہیں : میں نے سیدہ ام رومان رضی اللہ عنہ سے دریافت کیا : جو سیدہ عائشہ رضی اللہ عنہ کی والدہ تھیں (راوی کو شک ہے شاید یہ الفاظ ہیں : ) اس خاتون سے دریافت کیا گیا : اللہ تعالی نے ان کے یعنی سید عائشہ رضی اللہ عنہ کے بری ذمہ ہونے کے بارے میں کیا نازل کیا ' تو سیدہ ام رومان رضی اللہ عنہ نے بتایا : میں عائشہ کے پاس بیٹھی ہوئی تھی اسی دوران ایک انصاری عورت ہمارے پاس آئی وہ کہہ رہی تھی : اللہ تعالیٰ فلاں کے ساتھ اس طرح کرے (یعنی اس کو بددعا دے رہی تھی ) تو سیدہ عائشہ رضی اللہ عنہ نے دریافت کیا : تم نے یہ کیوں کہا ہے' اس نے جواب دیا اس کی وجہ یہ ہے اس نے وہ بات کہی ہے۔ سیدہ عائشہ رضی اللہ عنہ نے دریافت کیا : کون سی بات تومیں نے عائشہ کو اس بارے میں بتایا اس نے دریافت کیا : کیا نبی اکرم ﷺ اور حضرت ابوبکر رضی اللہ عنہ نے یہ بات سنی ہے؟ سیدہ ام رومان رضی اللہ عنہ نے جواب دیا : جی ہاں تو عائشہ گر پڑی اور اس پر بے ہوشی طاری ہو گئی جب اسے ہوش آیا تو اسے انتہائی تیز بخار تھا سیدہ ام رومان رضی اللہ عنہ بیان کرتی ہیں نبی اکرمﷺ تشریف لائے آپ نے دریافر کیا : اسے کیا ہوا ہے؟ ہم نے عرض کی : اسے بخار ہو گیا ہے ۔ نبی اکرم ﷺ نے فرمایا : شاید یہ اس بات کی وجہ سے ہوا ہے جو اس کے بارے میں کی جارہی ہے سیدہ ام رومان رضی اللہ عنہ بیان کرتی ہیں تو عائشہ بیٹھ گئی اس نے کہا : اللہ کی قسم اگر میں قسم اٹھا لوں ( کہ میں بری ذمہ ہوں ) تو آپ مجھے سچا قرار نہیں دیں گےوراگر میں بری ذمہ ہونے کا اظہار کروں تو آپ میرا عذر قبول نہیں کریں گے میری اور آپ کی مثال اسی طرح ہے جو حضرت یعقوب ؑ اور ان کے بیٹوں کی تھی ۔
''اللہ تعالی سے ہی مدد لی جا سکتی ہے' اس بارے میں جو تم بیان کر رہے ہو''۔
سیدہ عائشہ رضی اللہ عنہ بیان کرتی ہیں تو اللہ تعالی نے نبی اکرم ﷺ پر جو کچھ نازل کرنا تھا نازل کیا نبی اکرم ﷺ نے سیدہ عائشہ رضی اللہ عنہ کو اس بارے میں بتایا تو سیدہ عائشہ رضی اللہ عنہ نے کہا : میں اللہ کی حمد بیان کروں گی کسی دوسرے کی حمد بیان نہیں کروں گی۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7103
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7104
سیدہ عائشہ رضی اللہ عنہ بیان کرتی ہیں گیارہ عورتیں بیٹھیں انہوں نے آپس میں یہ طے کیا کہ وہ اپنے شوہر وں کی باتوں کے بارے میں کچھ نہیں چھپائیں گی۔
''پہلی عورت نے کہا: میرا شوہر دشورار گزار پہاڑ کی چوٹی پر رکھا ہوا اونٹ کا گوشت ہے نہ' تو وہ پہاڑ اتنا آسان ہے کہ اس پر چڑھا جا سکے اور نہ گوشت اتناموٹا تازہ ہے کہ است منتقل کرنے کی کوشش کی جا سکے۔ دوسری عورت نے کہا: میرا شوہر ایسا ہے کہ میں اس کے بارے میں اطلاع کو پھیلا نہیں سکتی کیو نکہ مجھے یہ اندیشہ ہے کہ اگر میں اس کا ذکر کروں گی ' تو اس کی کوئی بھی بات نہیں چھوڑوں گی اس کی ہر خوبی خامی بیان کروں گی ۔ تیسری عورت نے کہا: میرا شوہر بیوقوف ہے' اگر میں بات کروں تو مجھے طلاق دے دی جائے اور اگر خاموش رہوں تو میں لٹکی رہوں ۔ چوتھی نے کہا: میرا شوہر تمہامہ کی رات کی طرح ہے نہ گرم ہے نہ ہی ٹھنڈا ہے نہ ہی خوف زدہ کرنے والا ہے اور نہ ہی افسو کرنے والا ہے۔ پانچویں نے کہا : میرا شوہر اگر اندر آئے تو چیتا ہے اگر باہر جائے تو شیر ہے وہ اس چیز کے بارے میں سوال نہیں کرتا جو اس نے عہد لیا (یعنی جو ہدایت کی تھی یا کام کہا تھا ) چھٹی نے کہا : میرا شوہر ایسا ہے اگر کھائے تو سب کھا جاتا ہے ' اگر پئے تو سب پی جاتا ہت اگر لیٹے تو سویا رہتا ہے اور وہ اپنا ہاتھ (لحاف کے اند ر ) داخل نہیں کرتا تاکہ اسےمیری بے چینی کا احسا س ہو۔ ساتویں نے کہا : میرا شوہر صحبت نہیں کر سکتا اور بے وقوف ہے ہر طرح کی بیماری اسے لاحق ہے وہ تمہیں زخمی بھی کر سکتا ہے اور تمہارا (کوئی عضو) توڑ بھی سکتا ہے اور تمہیں دونوں طرح سے تکلیف بھی پہنچا سکتا ہے۔آٹھویں نے کہا : میرا شوہر چھوے میں (خرگوش کی طرح نرم
ہے) اور اس کی خوشبو زرنب کی طرح عمد ہ ہے ۔ نویں عورت نے کہا میرا شوہر بلند ستونوں والا ہے طویل محفل والا ہے زیادہ راگ والا ہے اس کا گھر چوپال کے قریب ہے ۔ دسویں عورت نے ہا: میرہر مالک ہے مالک کی کیا بات کروں مالک اس ست زیادہ بہتر ہے (یعنی اس کے بارے میں جو بھی کہوں اس سے زیادہ بہتر ہے) اس کے پاس بہت سے اونٹ ہیں ' جو باڑے میں بیٹھے رہتے ہیں وہ چراہ گاہ کی طرف کم جاتے ہیں جب وہ باجوں کی آواز سنتے ہیں تو انہیں یقین ہو جاتا ہے اب ان کی موت کا وقت آگیا ہے۔
گیارہوں عورت نے کہا: میرا شوہر ابو زرع ہے ابو زرع کی کیا بات کہوں اس نے زیورات سے میرے کام لٹکا دئیے ہیں اور میرے بازو چربی ے بھر دئیے ہیں اس نے مجھے اتنا خوش کیا اور اتنی خوشیاں دیں کہ میں یہ بھول گئی کہ اس نے مجھے چند بکریوں والوں کے پاس پایا تھا اور پھر مجھے ایک ایسے گھر میں لے آیا جہاں گھوڑے، اونٹ ، بیل اور کسان موجود تھے اس کے گھر میں اگر میں کچھ کہتی تو مجھے برا نہیں کپا جاتا اگر میں سوتی تو صبح کر دیتی اور اگر پیتی تو سیر ہا جاتی۔ ابو زرع کی ماں ' ابو زرع کی ماں کے کیا کہنے اس کے بڑے برتن بھرے رہتے ہیں اور اس کا گھر کشادہ ہے ابو زرع کا بیٹا ابو زرع کے بیٹے کے کہا کہنے اس کا بستر نرم اور نازک ہے اور وہ دبلا پتلا سا ہے بکری کے بچے کی دستی اس کا پیٹ بھر دیتی ہے ابو زرع کی بیٹی ابو زرع کی بیٹی کے کیا کہنے اپنے باپ کی فرمابنردار اپنی ماں کی فرمانبردار بھاری بھرکم جسم کی مالک اور اپنی پڑوسن کے لئے تاؤ دلانے والی شخصیت ۔ ابو زرع کی کنیز ابو زرع کی کنیز کےکیا کہنے وہ ہماری باتیں بیان نہیں کرتی اور ہماری اجازت کے بغیر کھانے کی کوئی چیز نہیں کھاتی اور ہمارے گھر میں گندگی کی اکٹھی نہیں ہونے دیتی۔
اس عورت نے بتایا : ایک دن ابو زرع باہر نکلا اس وقت برتنوں میں دودھ دوہا جا رہا تھا ابو زرع کی ملاقات ایک عورت سے ہوئی جس کے ساتھ اس کے دو بچے بھی تھے جو دو چیتوں کی مانند تھے وہ اس پہلو کے نیچے دواناروں کے ساتھ کھیل رہے تھے تو ابو زرع نے مجھے طلاق دے دی اور اس عورت کے ساتھ شادی کر لی۔
ابو زرع کے بعد میں نے ایک ایسے شخص کے ساتھ شادی کی جو سردار تھا ۔ شہسوار تھا ' سپاہی تھا اس نے مجھ بہت سی نعمتیں عطا کیں اس نے مجھے ہر طرح کی نعمت کا جوڑا دیا اور کہا : ام زرع تم کھاؤ اور اپنے میکے والوں کو بھی بھیجو اس نے مجھے جو کچھ دیا اگر میں اس سب کو جمع کروں تو پھر بھی یہ ابو زرع کے چھوٹے برتن تک نہیں پہنچتا ۔سیدہ عائشہ رضی اللہ عنہ بیان کرتی ہیں نبی اکرم ﷺ نے مجھ سے فرمایا : میں تمہارے لیے اسی طرح ہوں ' جس طرح ابو زرع ام زرع کے لئے تھا ۔
ہشام بن عمار کہتے ہیں : میں نے عیسیٰ بن یونس سے دریافت کیا: ( اس روایت میں استعمال ہونے والے لفظ ) أس سے کیا مراد ہے انہوں نے کہا : ''وائش''سے مراد ''اندر'' ہے اور ''منق'' سے مراد چھلنی ہے۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7104
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7105
سیدہ عائشہ صدیقہ رضی اللہ عنہ بیان ن کرتی ہیں نبی اکرم ﷺ کی ازواج اکٹھی ہوئیں اور انہوں نے سیدہ فاطمہ کو نبی اکرم ﷺ کی خدمت میں بھیجا ان خواتین نے سیدہ فاطمہ سے یہ کہا: تم نبی اکرم ﷺ کا یہ کہنا : آپ کی بیویاں میرے پاس اکٹھی ہو کر آئیں وہ آپ سے یہ مطالبہ کر رہی تھیں کہ آپ ابو قحافہ کی صاحب زادی (یعنی سیدہ عائشہ رضی اللہ عنہ) کے بارے میں انصاف سے کا م لیجئے ۔ سیدہ عائشہ رضی اللہ عنہ بیان کرتی ہیں جب سیدہ فاطمہ رضی اللہ عنہ نبی اکرم ﷺ کی خدمت میں حاضر ہوئیں نبی اکرم ﷺ میرے ساتھ لحاف میں موجود تھے سیدہ فاطمہ رضی اللہ عنہ نے آپ کو یہ گزارش کی کہ آپ کی ازواج نے مجھے آپ کے پاس بھیجا ہے وہ اکٹھی ہوئی تھیں اور انہوں نے آپ کو یہ واسطہ دیا ہے کہ آپ ابو قحافہ کی صاحب زادی کے بارے میں انصاف سے کام لیجئے ۔ نبی اکرم ﷺ نے فرمایا : کیا تم مجھ سے محبت کرتی ہو؟ انہوں نے عرض کی : جی ہاں ۔ نبی اکرمﷺ نے فرمایا : پھر تم اس سے(یعنی عائشہ سے) محبت کرو' تو سیدہ فاطمہ رضی اللہ عنہ ان خواتین کے پاس واپس گئیں نبی اکرمﷺ نے ان سے جو فرمایا تھا اس کے بارے میں انہیں بتایا تو ان خواتین نے کہا: آپ نے کچھ نہیں کیا آپ دوبارہ نبی اکرمﷺ کے پاس جائیں تو سیدہ فاطمہ رضی اللہ عنہ نے کہا: جی نہیں اللہ کی قسم اب میں اس بارے میں کبھی نبی اکرمﷺ کے پاس نہیں جاؤں گی۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7105
