حضرت عبداللہ بن عباسؓ بیان کرتے ہیں : ایک مرتبہ نبی اکرمﷺ نے ہمارے سامنے زمین پر چار لکیریں کھینچیں ۔ آپ نے دریافت کیا : کیا تم یہ بات جانتے ہو یہ کیا ہے ۔ لوگوں نے عرض کی: اللہ اور اس کے رسول زیادہ جانتے ہیں ۔ نبی اکرمﷺ نے ارشاد فرمایا: اہل جنت کی خواتین میں سب سے افضل خدیجہ بنت خویلد ، فاطمہ بنت محمد ، مریم بنت عمران اور آسیہ بنت مزاحم ہیں جو فرعون کی اہلیہ تھی ۔
( امام ابن حبان ؒ فرماتے ہیں :) سیدہ خدیجہ ؓ کا انتقال مکہ میں ہی ، ( نبی اکرمﷺ کے ) مدینہ منورہ کی طرف ہجرت کر نے سے تین سال پہلے ہوا تھا ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7010
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7011
معبد بن کعب اپنے بھائی عبداللہ بن کعب کے حوالے سے اپنے والد اور دیگر حضرات کے حوالے سے یہ بات نقل کرتے ہیں : ان لوگوں نے نبی اکرمﷺ سے یہ وعدہ کیا کہ وہ اگلے سال مکہ میں اپنی قوم سے تعلق رکھنے والے اپنے ساتھیوں کے ساتھ نبی اکرمﷺ سے ملیں گے پھر اگلے سال وہ "ستر" افراد نکلے جو شرک کی سر زمین سے نکلے تھے ۔ حضرت کعب بن مالک ؓ بیان کرتے ہیں ؛ یہاں تک کہ جب ہم بیدا ء کے مقام پر پہنچے تو حضرت براء بن معرور ؓ جو ہمارے بڑے اور ہمارے سردار تھے انہوں نے کہا: میری ایک رائے ہے اللہ کی قسم! مجھے نہیں معلوم کیا تم اس کے بارے میں میری موافقت کرو گے یا نہیں میری یہ رائے ہے کہ میں اس عمارت کی طر ف اپنی پیٹھ نہ کروں ، ان کی مراد خانہ کعبہ تھا اور یہ کہ میں اس کی طرف رخ کر کے نماز ادا کروں ۔ ہم نے کہا: آپ ایسا نہ کریں ، کیونکہ ہم تک جو اطلاعات پہنچی ہیں اس کے مطابق نبی اکرمﷺ ( شام کی طرف یعنی بیت المقدس کی طرف) رخ کر کے نماز ادا کرتے ہیں : تو ہم نبی اکرمﷺ کے قبلہ کے علاوہ کسی اور طرف رخ کر کے نماز ادا نہیں کرسکتے ۔ ہم نے ان کی بات کا انکار کیا ۔ انہوں نے بھی ہماری بات نہیں مانی پھر ہم آگے روانہ ہوگئے ، یہاں تک کہ جب نماز کا وقت ہوا تو انہوں نے خانہ کعبہ کی طرف رخ کر کے نماز ادا کی اور ہم نے شام کی طرف رخ کر کے نماز ادا کی ہم مکہ آئے ۔
حضرت کعب بن مالک ؓ نے کہا: حضرت براء بن معرور ؓ نے مجھ سے کہا: اللہ کی قسم! اے میرے بھتیجے میں نے اپنے اس سفر کےدوران جو کچھ کیا تھا وہ میرے ذہن میں آگیا تھا ۔ راوی کہتے ہیں : ہم نبی اکرمﷺ کو ( چہرے سے ) پہچانتے نہیں تھے ہم حضرت عباس بن عبدالمطلب ؓ کے چہرے سے وقف تھے ، کیونکہ وہ تجارت کے سلسلے میں ہمارے ہاں آتے جاتے رہتے تھے اور ہم انہیں دیکھ لیتے تھے ، تو ہم مکہ میں نبی اکرمﷺ کے بارے میں دریافت کرنےکےلئے نکلے ، یہاں تک کہ جب ہم بطحا ء میں پہنچے تو ہماری ملاقات ایک شخص سے ہوئی ہم نے اس سے نبی اکرمﷺ کے بارے میں دریافت کیا : تو اس نے دریافت کیا: کیا تم لو گ نہیں جانتے ہو ۔ ہم نے کہا: نہیں اللہ کی قسم! نہیں ۔ اس نے کہا: تم لوگ اند رجاؤ ان صاحب کو دیکھو ، جو حضرت عباسؓ کے ساتھ بیٹھے ہوئے ہیں وہی نبی اکرمﷺ ہیں میں انہیں ابھی بیٹھا ہوا چھوڑ کا آیا ہوں ۔ راوی کہتےہیں : ہم وہاں سے روانہ ہوئے ، یہاں تک کہ نبی اکرمﷺ کی خدمت میں حاضر ہوئے ، تو آپﷺحضرت عباسؓ کے ساتھ تھے ہم نے ان دونوں صاحبان کو سلام کیا اور ان کے پاس بیٹھ گئے ۔ نبی اکرمﷺ نے دریافت کیا: اے عباس آپ ان دونوں کو جانتے ہیں ؟ انہوں نے جواب دیا : جی ہاں یہ دونوں صاحبان خزرج قبیلے سے تعلق رکھتےہیں ( راوی کہتے ہیں :) اس زمانے میں انصار کو ان کے قبیلے اوس اور خزرج کے حوالے سے پہچانا جاتا تھا۔
(حضرت عباسؓ نے بتایا:) یہ براء بن معرو ر ہے ، جو اپنی قوم کا ایک بڑا فرد ہے اور یہ کعب بن مالک ہے ( حضرت کعب بن مالک ؓ بیان کرتےہیں ) اللہ کی قسم! میں نبی اکرمﷺ کا یہ فرمان نہیں بھولا آپ نے دریافت کیا : وہ جو شاعر ہے ۔ انہوں نے عرض کی: جی ہاں ۔ حضرت براء بن معرور ؓ نے عرض کی: یا رسول اللہ! میں نے اپنے سفر کے دوران ایک کام کیا ہے میں یہ چاہتا ہوں آپﷺمجھے اس کے بارے میں کچھ بتائیں میرے ذہن میں اس کے حوالے سے ایک الجھن ہے مجھے یہ لگا کہ مجھے اس عمارت کی طرف اپنی پشت نہیں کرنی چاہئے اور مجھے اس کی طرف رخ کر کے نماز پڑھنی چاہئے ، تو اس بات پر میرے ساتھی مجھ سے ناراض ہوگئے انہوں نے میری مخالفت بھی کی ، یہاں تک کہ میرے ذہن میں اس بارے میں یہ چیز آئی جو آئی تھی ، تو نبی اکرمﷺ نے ارشاد فرمایا: تم ایک قبلہ پر ہوا اگر تم اس پر صبر سے کام لو ( تو یہ مناسب ہوگا ) نبی اکرمﷺ نے اس کے علاوہ مزید کچھ ارشا د ںۃین فرمایا۔ راوی بیان کرتے ہیں : پھر ہم لوگ وہان سے نکل کر منیٰ کی طرف آئے ہم نے اپنا حج مکمل کیا ، یہاں تک کہ ایام تشریق کے درمیان میں ، ہم نے اور نبی اکرمﷺ نےیہ طے کیا کہ ہم عقبہ میں ملاقات کریں گے تو ہم رات کے وقت اپنی رہائش گاہوں سے کھسک کر وہاں گئے ہم اپنی قوم کے مشرکین سے اس چیز کو خفیہ رکھنا چاہتے تھے ، یہاں تک کہ ہمارا اجتماع گھاٹی کے پاس ہوا ۔ نبی اکرمﷺ تشریف لائے آپﷺ کے ساتھ آپﷺکے چچا حضرت عباس بن عبدالمطلب ؓ بھی تھے ۔ نبی اکرمﷺ نے ہمارے سامنے قرآنبی اکرمﷺ کی تلاوت کی ہم نے آپﷺ کی دعوت کو قبول کیا اور آپﷺ کی تصدیق کی اور آپﷺ پر ایمان لے آئے جو کچھ آپﷺنے بیان کیا تھا اس پر راضی ہوئے پھر حضرت عباس بن عبدالمطلبؓ نے گفتگو شروع کی انہوں نے کہا:اے خزرج کے گروہ حضرت محمد ﷺ کی ہمارے درمیان کیا حیثیت ہے ، یہ تم جانتے ہو، ہم نے انہیں ان لوگون سے بچا کر رکھا ہے ، جو ہمارے ( یعنی اہل مکہ ) کے دین پر کار بند ہے ، اور حضرت محمد ؓ اپنے خاندان اور اپنی قوم میں محفوظ ہیں ، پھر حضرت برا ء بن معرور ؓ نے گفتگو شروع کی کہ انہوں نے نبی اکرمﷺ کا دست مبارک پکڑااور بولے آپﷺہم سے بیعت لیجئے ۔ نبی اکرمﷺ نے فرمایا: میں تم لوگوں سے اس بات پر بیعت لیتا ہوں کہ تم مجھ سے بھی اس چیز کو روکو گے ، جس سے تم اپنے آپ کو اپنی عورتوں کو اور اپنے بچوں کو روکتے ہو( یعنی دشمن سے بچاؤ کرو گے ) انہوں نے کہا: جی ہاں اس ذات کی قسم! جس نے آپﷺکو حق کے ہمراہ مبعوث کیا ہے ہم اللہ کی قسم! جنگ کرنے والے لوگ ہیں اور یہ چیز ہمیں ورثے میں ملی ہے ۔
( امام ابن حبان ؒ فرماتے ہیں :) حضرت براء بن معرور ؓ کا انتقال نبی اکرمﷺ کے مدینہ منورہ تشریف لانے سے چند ماہ پہلے ہوگیا تھا ۔ انہوں نے یہ وصیت کی تھی کہ ان کی قبر میں ان کا رخ خانہ کعبہ کی طرف کیا جائے ، تو ان کے ساتھ ایسا ہی کیا گیا ، جہاں تک اس چیزکا تعلق ہے کہ نبی اکرمﷺ نے انہیں ان نمازوں کے دوہرانے کا حکم نہیں دیا ، جو انہوں نے خانہ کعبہ کی طرف رخ کر کے ادا کی تھیں ، حالانکہ اس وقت ان لوگوں پر بیت المقدس کی طرف رخ کر کے نماز پڑھنا فرض تھا تو اس کی وجہ یہ ہے : حضرت براءؓ نے اسلام اس وقت قبول کیا تھا ، جب انہوں نے نبی اکرمﷺ کی زیارت کی تھی۔ اسی لیے نبی اکرمﷺ نے انہیں وہ نمازیں دہرانے کی ہدایت نہیں کی۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7011
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7012
حضرت جابر بن عبداللہ ؓ بیان کرتے ہیں : نبی اکرمﷺ دس سال تک حج کے موقع پر مجنہ اور عکانہ کے بازاروں میں لوگوں کی رہائش گاہوں میں ان کے پاس جا کر اور منیٰ میں ان کی رہائشی جگہ پر جا کر یہ کہتے رہے کون شخص مجھے پناہ دے گا ، اور میری مدد کرے گا ، تاکہ میں اپنے پروردگار کے پیغام کی تبلیغ کر سکوں اس شخص کو جنت ملے گی ، لیکن نبی اکرمﷺ کو کوئی ایسا شخص نہیں ملا ، جو آپ کی مدد کر تا اور آپ کو پناہ دیتا ، یہاں تک کہ ایک شخص مصر سے ( راوی کو شک ہے شاید یہ الفاظ ہیں :) یمن سے اپنے کسی رشتے دار سے ملنے کےلئے آیا اس کی قوم کے افراد اس کے پاس آئے انہوں نے اس سے کہا: قریش کے اس نوجوان سے بچ کے رہنا کہیں یہ تمہیں آزمائش کا شکار نہ کر دے یہ لوگوں کی رہائش گاہوں پر آتا جاتا ہے اللہ تعالیٰ کی طرف دعوت دیتا ہے ۔ ان لوگوں نے نبی اکرمﷺ کی طرف انگلی سے اشارہ کر کے کہا ( کہ تم اس سے بچ کے رہنا)
( حضرت جابر ؓ بیان کرتے ہیں :) یہاں تک کہ اللہ تعالیٰ نے ہمیں یثرب سے نبی اکرمﷺ کےلئے بھیجا، تو ایک شخص آپ کے پاس آتا اور آپ پر ایمان لے آتا آپ اسے قرآن کی تلاوت سکھاتے وہ شخص اپنے گھر واپس جاتا اس کے اسلام قبول کرنے کی وجہ سے کچھ اور لوگ بھی مسلمان ہو جاتے ، یہاں تک کہ یثرب کے ہر محلے میں کچھ نہ کچھ مسلمان ہو گئے ، جو اسلام کا اظہار کرتے تھے ایک مرتبہ ہم نے آپس میں مل کر یہ سوچا کہ ہم کب تک نبی اکرمﷺ کو مکہ کے پہاڑوں میں رہنے دیں گے اور آ پ خوف کے عالم میں وہاں رہیں گے ، تو ہم لوگ وہاں سے روانہ ہوئے ، یہاں تک کہ حج کے موقع پر نبی اکرمﷺ کی خدمت میں حاضر ہوئے ہم نے عقبہ کی گھاٹی میں آپ سے ملاقات طے کی ۔ نبی اکرمﷺ کے چچا حضرت عباسؓ نے کہا: اے میرے بھتیجے! مجھے نہیں معلوم یہ کون لوگ ہیں ، جو تمہارے پاس آئے ہیں ، میں اہل یثرت میں بخوبی واقف ہوں ، تو ہم لوگ ایک ، ایک کر کے آپ کے پاس اکٹھے ہوگئے جب انہوں نے ہمارے چہروں کا جائز ہ لیا ، تو بولے ان لوگوں سے میں واقف نہیں ہوں یہ نئے لوگ ہیں ۔ ہم نے عرض کی: یا رسول اللہﷺ ہم کس بات پر آپ کی بیعت کریں ۔ نبی اکرمﷺ نے ارشاد فرمایا: تم میری بیعت اس بات پر کرو کہ تم خوشی اور کسلمندی میں اطاعت وفرمانبرداری کرو گے اور تنگی اور خوشحالی میں خرچ کرو گے اور نیکی کا حکم دو گے اور برائی سے منع کرو گے اور اللہ تعالیٰ کے بارے میں بات کرو گے اور اللہ تعالیٰ کی ذات کے بارے میں کسی ملامت کرنے والے کی ملامت کا اثر قبول نہیں کرو گے اور اس بات پر بیعت کرو کہ جب میں آگیا ، تو تم میری مدد کرو گے اور تم مجھ سے ہر اس چیز کو روکو گے جس سے تم اپنے آپ کو اپنی بیویوں کو اور اپنے بچوں کو روکتے ہو ( یعنی دشمنوں کے حملے سے بچاؤ کرو گے) تو حضرت اسعد بن زرارہ ؓ جو میرے علاوہ ان باقی تمام ستر افراد میں کم سن تھے انہوں نے نبی اکرمﷺ کا دست مبارک پکڑا اور بولے : اے اہل یثرب ٹھہر جاؤ ہم نے ان کی طرف سفر صرف اس لیے کیا ہے کیونکہ ہم یہ بات جانتے ہیں ، کہ یہ اللہ کے رسول ہیں اور آج ( ان کا مکہ سے نکلنا ) تمام عربوں سے لا تعلقی کے برابر ہو گا ( یعنی عرب ہمارے بھی مخالف ہو جائیں گے ) اور اس صورت میں تمہارے بہترین لوگ مارے جائین گے تلواریں تم پر حملہ آور ہوں گی اگر ، تو تم ایسے لوگ ہو کہ اس صور ت حال پر صبر کرو گے اگر یہ تمہیں درپیش آئی ، تو ٹھیک ہے ، اگر تمہارے بہترین لوگ مارے جاتے ہیں اور تم تمام عوربوں سے لاتعلق ہو جاتے ہو( اور اسے برداشت کر سکتے ہو) تو تم نبی اکرمﷺ کے ساتھ دو تمہارا اجر اللہ کے ذمے ہوگا لیکن اگر تمہیں اپنی ذات کے حوالے سے کوئی اندیشہ ہو تو پھر نبی اکرمﷺ کو چھوڑ د و اللہ تعالیٰ کی بارگاہ میں یہ زیادہ مناسب عذر ہوگا ،تو لوگوں نے کہا: اے اسعد اپنا ہاتھ ہم سے دور کر لو اللہ کی قسم ہم اس بیعت کو چھوڑیں گے نہیں اور اسے واپس نہیں کریں گے ۔ راوی کہتے ہیں ، تو ہم ایک ، ایک کر کے نبی اکرمﷺ کے سامنے کھڑے ہونا شروع ہوئے اور نبی اکرمﷺ نے ہم پر وہی شرائط عائد کیں ، جو حضرت عباسؓ نے بیان کی تھیں اور آپ نے ایسا کرنے کی صورت میں جنت کی ضمانت دی ۔
( امام ابن حبان ؒ فرماتے ہیں :) حضرت اسعد ؓ کا انتقال نبی اکرمﷺ کے مدینہ منورہ تشریف لانے کے کچھ دن بعد ہوگیا تھا اس وقت مسلمان مسجد تعمیر کر رہے تھے ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7012
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7013
عبداللہ بن کعب بیان کرتے ہیں : میں اپنے والد ( حضرت کعب بن مالکؓ ) کی بینائی رخصت ہو جانے کے بعدا نہیں ساتھ لے کر جایا کرتا تھا وہ جب بھی جمعہ کے لئے اذان کی آواز سنتے تھے ، تو یہ کہتے تھے اللہ تعالیٰ حضرت اسعد بن زرارہ ؓ پر رحم کرے ۔ میں نے کہا: اے ابا جان مجھے اس بات پر حیرت ہوتی ہے کہ آپ جب بھی جمعہ کےلئے اذان سنتے ہیں ، تو آپ ابوامامہ ( یعنی حضرت اسعد بن زرارہؓ) کےلئے دعا رحمت کرتے ہیں ، تو انہوں نے فرمایا: اے میرے بیٹے وہ پہلے شخص ہیں ، جنہوں نے مدینہ منورہ میں بنو بیاضہ کی پتھریلی زمین میں نقیع میں جسے خضمات کہا جاتا تھا ، جمعہ قائم کیا تھا ۔ میں نے دریافت کیا: اس وقت آپ لوگوں کی تعداد کتنی تھی انہوں نے بتایا : ہم چالیس لوگ تھے ۔
أَبِيهِ ← محمد بن أبى امامة بن سهل بن حنيف ← ابْنِ إِسْحَاقَ، ← سلمۃ بن الفضل ← عَمَّارُ بْنُ الْحَسَنِ الْهَمْدَانِيُّ، ← مُحَمَّدُ بْنُ أَبِي عَوْنٍ الرَّيَّانِيُّ،
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7013
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7014
سیدہ عائشہ صدیقہ ؓ بیان کرتی ہیں نبی اکرمﷺ نے ارشاد فرمایا: میں جنت میں داخل ہوا ،تو میں نے کسی کی تلاوت کی آواز سنی میں نے دریافت کیا: یہ کون ہے ، تو جواب دیا گیا: یہ حارثہ بن نعمان ہے ، نیکی اسی طرح ہوتی ہے نیکی اسی طرح ہوتی ہے ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7014
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7015
سیدہ عائشہ صدیقہ ؓ بیان کرتی ہیں نبی اکرمﷺ نے ارشاد فرمایا: میں جنت میں گھوم رہا تھا اسی دوران میں نے کسی تلاوت کرنے والے کی آواز سنی ، تو میں نے دریافت کیا: یہ کون ہے ۔ فرشتوں نے بتایا : یہ حارثہ بن نعمان ہے ، تو نیکی اسی طرح ہوتی ہے ۔
نعمان بیان کرتے ہیں : وہ اپنی والدہ کے ساتھ سب سے زیادہ اچھا سلوک کرتے تھے ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7015
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7016
جعفر بن عمرو بن بیان کرتے ہیں : میں اور عبید اللہ بن عدی حضرت معاویہ ؓ کے عہد حکومت میں نکلے ہم لوگوں کے ساتھ سفر کر رہے تھے جب ہم واپس آئے ، تو ہمارا گزر حمص سے ہوا وہاں حضرت وحشی ؓ موجود تھے ، جو حضرت جبیر بن معطم ؓ کے آزاد کردہ غلام تھے انہوں نے وہاں رہائش اختیار کی ہوئی تھی اور وہاں مقیم تھے جب ہم ان کے ہاں آئے ، تو عبید اللہ بن عدی نے مجھ سے کہا: کیا تمہیں اس بات میں دلچسپی ہے کہ ہم حضرت وحشی ؓ کے پاس آئیں اور ان سے حضرت حمزہ ؓ کے بارے میں دریافت کریں کہ انہوں نے حضرت حمزہ ؓ کو کیسے شہید کیا تھا ۔ راوی بیان کرتے ہیں : تو ہم لوگ روانہ ہوئے اور ان کی خدمت میں حاضر ہوئے وہ اپنے گھر کے باہر چبوترے پر بیٹھے ہوئے تھے وہ ایک عمر رسیدہ بوڑھے شخص تھے ۔ جب ہم ان کے اس آئے ، تو ہم نے انہیں سلام کیا ،تو انہوں نے سر اٹھا کر عبید اللہ بن عدی کی طرف دیکھا اور دریافت کیا، تم عدی بن خیار کے بیٹے ہو ۔ انہوں نے جواب دیا : جی ہاں ۔ انہو ں نے کہا: اللہ کی قسم میں نے تمہیں اس وقت دیکھا تھا جب میں نے بنو سعد قبیلے سے تعلق رکھنے والی تمہاری رضاعی ماں کو تمہیں پکڑایا تھا ، جس نے ذی طویٰ کے مقام پر تمہیں دودھ پلایا تھا میں نے اس خاتون کو تمہیں پکڑایا ، تو وہ اپنے اونٹ پر سوار تھی اس نے تمہیں پکڑلیا جب میں نے تمہیں اس کی طرف بلند کیا تھا اس وقت تمہارے پاؤں میرے سامنے ظاہر ہوئے تھے اللہ کی قسم ابھی جب تم میرے سامنے آکر ٹھہر ے ، تو میں نے تمہارے پاؤں دیکھے ، تو انہیں شناخت کر لیا ۔ راوی کہتےہیں : ہم ان کے پاس بیٹھ گئے ہم نے کہا: ہم آپ کے پاس اس لیے آئے ہیں ، تاکہ آپ ہمیں حضرت حمزہؓ کے قتل کے بارے میں بتائیں کہ آپ نے انہیں کیسے قتل کیا تھا " تو انہوں نے فرمایا: میں تم دونوں کو اسی طرح بیان کروں گا ، جس طرح میں نے نبی اکرمﷺ کو اس بارے میں بیان کیا تھا جب نبی اکرمﷺ نے مجھ سے اس بارے میں دریافت کیا تھا : میں حضرت جبیر بن معطمؓ کا غلام تھا ان کا چچا طعمہ بن عدی غزوہ بدر میں مارا گیا تھا جب قریش احد کےلئے روانہ ہوئے ، تو جبیر بن معطم نے مجھ سے کہا: اگر تم نے محمد کے چچا حمزہ کو قتل کر دیا میرے چچا طعمہ کے بدلے میں تو تم آزاد ہوگئے ۔ میں وہاں سے روانہ ہوا میں ایک حبشی شخص تھا میں حبشیوں کے مخصوص انداز میں چھوٹا نیزہ پھینکا کر تا تھا کم ہی ایسا ہوتا تھا میرا نشانہ خطا ء جاتا تھا جب لڑائی شروع ہوئی ، تو میں اس بات کا جائز لینے لگا کہ حضرت حمزہ ؓ کہاں ہیں ، یہاں تک کہ میں نے انہیں لوگوں کے درمیان خاکستری اونٹ کی طرح دیکھا وہ لوگوں کو اپنی تلوار سے پیچھے کر رہے تھے کوئی بھی چیز انہیں روک نہیں رہی تھی اللہ کی قسم میں ابھی ان کی طرف جانے کا ارادہ کر ہی رہا تھا " تو میں اس بارے میں عاجز ہو گیا کہ مجھ سے پہلے سباع بن عبدالعزیٰ ان تک جاچکا تھا جب حضرت حمزہ ؓ نے ا سے دیکھا ، تو وہ بولے آگے آؤ اے عورتوں کے ختنے کرنے والی عورت کے بیٹے پھر انہوں نے اسے ضرب لگائی اللہ کی قسم انہوں نے اس کا سر اڑا دیا ۔ حضرت وحشی ؓ بیان کرتے ہیں : میں نے اپنا نیز ہ تیار کیا ، یہاں تک کہ جب میرے حساب سے نشانہ ٹھیک ہوا ، تو میں نے اس پھینک دیا وہ ان کے پیٹ میں جا کے لگا ، یہاں تک کہ ان کی دونوں ٹانگوں کے درمیان سے باہر نکل گیا انہوں نے میری طرف بڑھنے کی کوشش کی لیکن مغلوب ہو گئے میں نے انہیں ایسے ہی رہنے دیا ، یہاں تک کہ ان کا انتقال ہو گیا ، تو پھر میں ان کے پاس آیا اور میں نے اپنا نیز لے لیا پھر میں لوگوں کی طرف واپس چلا گیا اور لشکر میں آکر بیٹھ گیا کیونکہ اس کے بعد مجھے کچھ کرنے کی ضرورت نہیں تھی میں نے انہیں اس لیے قتل کیا تھا تاکہ مجھے آزاد کر دیا جائے جب میں مکہ آیا ، تو مجھے آزاد کر دیا گیا ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7016
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7017
جعفر بن عمر و بن بیان کرتےہیں : میں عبید اللہ بن عدی کےساتھ شام گیا جب ہم حمص آئے ، تو عبید اللہ نےمجھ سے کہا: کیا تمہیں اس بات میں دلچسپی ہے کہ ہم حضرت وحشی ؓ سے حضرت حمزہ ؓ کے قتل کرنے کے بارے میں دریافت کریں ۔ میں نے کہا: جی ہاں ۔ راوی بیان کرتے ہیں : حضرت وحشی ؓ حمص میں سکونت پذیر تھے ہم نے ان کے بارے میں دریافت کیا : تو ہمیں بتایا گیا : وہ اپنے محل کے سائے میں موجود ہوں گے یوں جیسے وہ برتن ہوں ۔ راوی کہتےہیں : ہم وہاں آئے ان کے پاس ٹھہر گئے جب ہم نے سلام کیا ، تو انہو ں نے سلام کا جواب دیا ۔ راوی کہتے ہیں : عبید اللہ نے اپنا عمامہ منہ پر لپیٹ لیا تھا ۔ حضرت وحشی ؓ کو صرف ان کی دو آنکھیں اور دونوں پاؤں نظر آرہے تھے ۔ راوی کہتےہیں : عبید اللہ نے ان سے دریافت کیا: اے حضرت وحشی ؓ کیا آپ نے مجھے پہچان لیا ا س نے ان شخص کی طرف دیکھا اور بولے نہیں اللہ کی قسم مجھے صرف یہ علم ہے کہ عدی بن خیار نے ایک عورت کے ساتھ شادی کی تھی جسےام قتال بنت ابوعیس کہا جاتا تھا اس عورت نے مکہ میں اپنے بچے کو جنم دیا ، تو اس کےلیے دودھ پلانے والی کی تلا ش کی میں نے اس لڑکے کو اٹھایا اس کی والدہ کےہمراہ (دودھ پلانے والی کے پاس ) گیا میں نےوہ بچہ اسے پکڑ ایا ، تو مجھے یوں لگ رہا ہے کہ وہ تمہارے ہی پاؤں ہیں ( جو اس بچے کے تھے ) راوی کہتےہیں : عبید اللہ نے اپنے چہرے سے کپڑا ہٹایا اور پھر بولے کہ آپ ہمیں حضرت حمزہ ؓ کو قتل کرنے کے بارے میں بتائیں گے انہوں نے جواب دیا: جی ہاں حضرت حمزہ ؓ نے بند کی جنگ میں طعمہ بن عدی کو قتل کیا تھا ۔ راوی کہتےہیں ، تو میرے آقا جبیر بن معطم نے مجھ سے کہا: اگر تم نے میرے چچا کے بدلے میں حمزہ کو قتل کر دیا ،تو تم آزاد ہو گے ۔ حضرت وحشی ؓ نے بتایا : جب عینین کے سال لوگ نکلے ( راوی کہتے ہیں ) عینین ایک پہاڑ ہے ، جو عہد پہاڑ کے نیچے ہے ( یعنی یہ غزوہ احد کے موقع کی بات ہے ) ان دونوں پہاڑوں کے درمیان ایک وادی ہے حضرت وحشی ؓ نے بتایا : میں بھی لوگوں کے ساتھ جنگ کےلئے نکلا جب انہوں نے جنگ کےلئے صف بندی کر لی ، تو سباع ابونیار نکلا ، تو اس کے مقابلے میں حمزہ بن عبدالمطلب آئے انہوں نے کہا: اے سباع اے ام عنوار کے بیٹے اے عورتوں کے ختنہ کرنے والی عورت کے بیٹے ، تو اللہ اور اس کے رسول کے ساتھ مقابلہ کرنا چاہتا ہے ۔ راوی کہتے ہیں : تو انہوں نے اس پر حملہ کر کے اس کا کام تمام کر دیا ۔ حضرت وحشی ؓ بیان کرتے ہیں : میں حضرت حمزہ ؓ کی تاک میں رہا ، یہاں تک کہ ایک مرتبہ وہ میرے پاس سے گزرے جب وہ میرے قریب ہوئے ، تو میں نے انہیں اپنا نیزہ مارا میں نے وہ نیز ان کے پیٹ میں مارا ، یہاں تک کہ وہ ان کی پشت کی طرف سے نکل گیا ۔ حضرت وحشی ؓ بتاتے ہیں میرا معاہدہ صرف اتنا ہی تھا جب وہ لوگ واپس آئے ، تو میں بھی ان کے ساتھ واپس آگیا میں مکہ مقیم رہا ، یہاں تک کہ وہاں بھی اسلام پھیل گیا ، تو میں طائف چلا گیا ۔ حضرت وحشی ؓ بیان کرتے ہیں : کچھ لوگ نے نبی اکرمﷺ کی خدمت میں پیغام بھیجے کیونکہ انہیں یہ بتایا گیا تھا: نبی اکرمﷺ کسی بھی پیغام رساں کوقتل نہیں کرے میں ان پیغام رساں افراد میں شامل ہو کر آیا اور نبی اکرمﷺ کی خدمت میں حاضر ہوگیا ۔ جب نبی اکرمﷺ نے مجھے دیکھا ، تو فرمایا تم وحشی ہو ۔ میں نے عرض کی: جی ہاں ۔ نبی اکرمﷺ نے دریافت کیا: تم نے حضرت حمزہؓ کو شہید کیا تھا ۔ میں نے جواب دیا : صور ت حال وہی ہے ، جو آپ تک پہنچی چکی ہے ۔ نبی اکرمﷺ نے فرمایا: کیا تم یہ کر سکتے ہو کہ تم اپنا چہر ہ مجھ سے چھپا لو ( یعنی آئندہ میرے سامنے نہ آنا) حضرت وحشی ؓ بیان کرتے ہیں : میں وہاں سے نکلا جب نبی اکرمﷺ کا وصال ہوا ،تو مسیلمہ کذاب نے خروج کیا میں نے سوچا میں مسیلمہ کی طرف ضرور جاؤں گا ہوسکتا ہے میں اسے قتل کر دوں ، تو اس طرح میں حضرت حمزہ ؓ کے قتل کا بدلہ چکا دوں گا ۔ میں لوگوں کے ساتھ نکلا ان کے ساتھ جو ہونا تھا وہ ہوا( یعنی جنگ کے دوران ) میں نے ایک چھوتے قد کے شخص کو دیکھا، تو ایک دیوار کے اوپر کھڑا ہو ا تھا وہ خاکستری اونٹ لگتا تھا ہم اس کا سر نہیں دیکھ سکتے تھے میں نے اسے اپنا نیزہ مارا اس کے سینے کے درمیان آکر لگا ، اور دونوں کندھوں کے درمیان میں سےنکل گیا ۔ انصار سے تعلق رکھنے والا ایک شخص آگے بڑھا اور اس نے اس کی گردن پر تلوار مار دی ۔
یہاں تک روایت میں یہ الفاظ ہیں حضرت عبداللہ بن عمرؓ بیان کرتےہیں : گھر کی موجود چھت پر ایک لڑکی نے کہا: امیر المومنین ( یعنی مسیلمہ کذاب) کو ایک سیاہ فام غلام نے قتل کر دیا ہے ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7017
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7018
سعد بن ابراہیم بیان کرتے ہیں : میں نے اپنے والد کو یہ بیان کرتے ہوئے سنا ہے حضرت عبدالرحمٰن بن عوف ؓ کے پاس کھانا لایا گیا انہوں نے روزہ رکھا ہوا تھا انہوں نے رونا شروع کر دیا اور بولے حضرت حمزہ ؓ کو جب شہید کیا ،تو انہیں کفن دینے کےلئے صرف ایک کپڑا ملا تھا ۔ حضرت مصعب بن عمیر ؓ کو شہید کیا گیا ، تو انہیں کفن دینے کےلئے صرف ایک کپڑا ملا تھا مجھے یہ اندیشہ ہے کہ اب ہمیں نعمتیں ہماری دنیاوی زندگی میں ہی مل جائیں گی اس کے بعد انہوں نے رونا شروع کر دیا۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7018
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7019
ابو وائل بیان کرتے ہیں : ہم لو گ حضرت خباب ؓ کی عیادت کرنے کےلئے ان کی خدمت میں حاضر ہوئے انہوں نے فرمایا: ہم نے نبی اکرمﷺ کے ساتھ ہجر ت کی ہم اللہ کی رضا کا حصول چاہتے تھے ہمارا اجر اللہ کے ذمے لازم ہو گیا ہم میں سے کچھ لوگ ( دنیا سے ) رخصت ہو گئے انہوں نے اپنی نیکیوں کے بدلے میں سے ) کچھ نہیں کھایا ان میں سے ایک حضرت مصعب بن عمری ؓ تھے ، جو غزوہ احد کے دن شہید ہوئے تھے انہوں نے ایک چادر چھوڑی تھی ہم وہ ان کے پاؤں پر ڈالتے تھے ، تو ان کا سر ظاہر ہو جاتا تھا اور جب ہم وہ چادر ان کے سر پر ڈالتے تھے ، تو ان کے پاؤں ظاہر ہو جاتے تھے ۔
اور اب ہم میں سے وہ لوگ ہیں جن کا پھل تیا ر ہوگیا ہے وہ اسے چن رہے ہیں ۔ نبی اکرمﷺ نے ہمیں یہ حکم دیا تھا کہ کہ چادر کو ان کے سر پر رکھ دیں اور ان کے پاؤں پر تھوڑی سی اذخر ( گھاس ) ڈال دیں۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7019
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7020
حضرت جابر بن عبداللہ ؓ بیان کرتے ہیں : میرے والد نے خزیرہ بنانے کا حکم دیا وہ تیار ہو گیا ، تو انہوں نے مجھے حکم دیا میں اسے اٹھا کر نبی اکرمﷺ کی خدمت میں آیا جب میں نبی اکرمﷺ کی خدمت میں حاضر ہوا ، تو آپ اپنے گھر میں موجود تھے ۔ آپ نے دریافت کیا: یہ کیا ہے جابر کیا یہ گوشت ہے ۔ میں نے عرض کی: جی نہیں یہ خزیرہ ہے ۔ نبی اکرمﷺ کے حکم کے تحت وہ لے لی گیا ۔ جب میں اپنے والد کی طرف واپس آیا ، تو انہوں نے دریافت کیا: کیا تم نے نبی اکرمﷺ کو دیکھا تھا میں نے جواب دیا: جی ہاں ۔ انہوں نے دریافت کیا: کیا نبی اکرمﷺ نے کچھ کہا تھا ۔ میں نے جواب دیا : جی ہاں ۔ نبی اکرمﷺ نے دریافت کیا: اے جابر یہ کیا ہے کیا یہ گوشت والی چیز ہے ، تو میرے والد نے کہا: شاید نبی اکرمﷺ کا گوشت کھانے کا جی چاہ رہا ہو گا وہ اٹھے اور بکری کے پاس گئے اور بکری کو ذبح کیا پھر ان کے حکم کے تحت اسے بھون لیا گیا پھر انہوں نے مجھے حکم دیا ، تو میں وہ گوشت اٹھا کر نبی اکرمﷺ کی خدمت میں گیا جب میں نبی اکرمﷺ کے پا س پہنچا ، تو آپ اپنی اسی محفل میں تشریف فرما تھے۔ نبی اکرمﷺ نے دریافت کیا: اے جابر یہ کیا ہے میں نے عرض کی: یا رسول اللہﷺ میں اپنے والد کے پاس گیا انہوں نے دریافت کیا: کیا نبی اکرمﷺ نے کچھ کہا تھا میں نے جواب دیا : جی ہاں ۔ نبی اکرمﷺ نے دریافت کیا تھا: کیا یہ گوشت والی چیز ہے میرے والد نے کہا: ہو سکتا ہے نبی اکرمﷺ کا گوشت کو جی چاہ رہا ہو وہ اپنی بکری کے پاس گئے انہوں نے اسے ذبح کیا ان کے حکم کے تحت اسے پکا لیا گیا پھر انہوں نے مجھے ہدایت کی تو میں وہ گوشت اٹھا کر آپ کے پاس آگیا ۔ نبی اکرمﷺ نے فرمایا: اللہ تعالیٰ ہماری طرف سے انصار کو جزائے خیر عطا کر ے بطور خاص عبداللہ بن عمرو بن حرام کو اور سعد بن عبادہ کو ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7020
صیح ابن حبان · کتاب المناقب ‹ کِتَابُ اِخبَارِہٖ صَلَّی اللہُ عَلَیہِ وَسَلَّمَ عَن مَنَاقِبِ الصَّحَابَۃِ رِجَالِھُم وَنِسَائِم بِذِکرِ اَسمَائِھِم رَضوَانُ اللہِ عَلَیھِم اَجمَعِینَ · حديث 7021
حضرت جابر ؓ بیان کرتےہیں : جب غزوہ احد کے موقع پر میرے والد شہید ہوگئے ، تو میں رونے لگا میں ان کے چہرے سے کپڑا ہٹانے لگا ، نبی اکرمﷺ کے اصحاب نے مجھے اس سے منع کرنا شروع کیا، تو نبی اکرمﷺ نے فرمایا: تم اس پر نہ روؤ جب تک تم اسے دفن نہیں کر دیتے فرشتے اپنے پروں کے ذریعے مسلسل اس پر سایہ کیے رہیں گے ۔
وَجْهِهِ وَجَعَلَ، أَصْحَابُ رَسُولِ اللَّهِ يَنْهَوْنِي، ← لما قتل أبي يوم أحد جعلت أبكي وأكشف الثوب ← جَابِرًا ← مُحَمَّدِ بْنِ الْمُنْكَدِرِ ← شُعْبَةُ، ← أَبُو الْوَلِيدِ الطَّيَالِسِيُّ ← أَبُو خَلِيفَةَ،
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7021
