حضرت جاجبر ؓ بیان کرتےہیں :نبی اکرمﷺ سات سال تک مکہ میں مقیم رہے۔آپ عکاظ ، مجنہ اور حج کے موقع پر منیٰ میں موجود لوگوں کی رہائش گاہوں پر جاتےتھے ۔ کون مجھے پناہ دے گا اور کون میری مدد کرے گا تاکہ میں اپنے پروردگار کے اس پیغام کی تبلیغ کر سکوں ،یہاں تک کہ ایک شخص جس کاتعلق یمن یا شاید مصر سے تھا وہ نکلا اور اپنی قوم کے پاس آکر بولا۔ قریش کے اس نوجوان سے بچو کہیں یہ تمہیں آزمائش میں مبتلا نہ کر دے۔ نبی اکرمﷺ لوگوں کی رہائش گاہوں کے درمیان چلتے اور وہ لوگ اپنی انگلیوں سے آپ کی طرف اشارہ کیا کرتےتھے،یہاں تک کہ اللہ تعالیٰ نے ہمیں یثرب سے بھیجا ہم نے آپ کو پناہ دی اور آپ کی تصدیق کی۔ ہم میں سے ایک شخص نکلا وہ آپ نے اسے قرآن کی تلاوت سکھائی ۔وہ شخص اپنے اہل خانہ کے پاس واپس گیا ،تو اس کے اسلام قبول کرنے کی وجہ سے اہل خانہ نے بھی اسلام قبول کرلیا ، یہاں تک کہ انصار کے ہر محلے میں کچھ نہ کچھ مسلمان ہوگئے ۔ انہوں نے اسلام کو ظاہر کیا پھر ہم اکٹھے ہوگئے ۔ ہم نے کہا :ہم کب تک نبی اکرمﷺ کو ایسی حالت میں رہنے دیں گے ۔ کیا آپ مکہ کے پہاڑوں کے درمیان اِدھر اُدھر آتے جاتے رہیں اور پریشانی کا شکار رہیں ،تو ہم سے ستر افراد آپ کی خدمت میں جانے کے لئے روانہ ہوئے ۔ وہ حج کے موقع پر آپ کی خدمت میں آئے ۔ہم نے آپ کے ساتھ طے کیا کہ ہم عقبہ (گھانی ) کے پاس آکر آپ سے بات کریں گے ۔ ہم لوگ ایک ایک دو،دو کرکے وہاں اکٹھے ہوئے، یہاں تک کہ جب ہماری ہونے ست ہونے (ہر حالت میں) اطاعت فرمانبرداری کرنے ، تنگی اور خوشحالی میں خرچ کرنے نیکی کا حکم دینے اور برائی سے منع کرنے پر میری بیعت کرو اور آدمی یہ بھی کہے کہ وہ اللہ تعالیٰ کے بارے میں کسی ملامت کرنے والے کی ملامت کی پرواہ نہیں کرے گا اور اس بات پر بیعت کرو کہ تم میری مدد کرو گے ، اورجب تمہارے پاس آؤں گا تم میری مدد کرو گے۔ اسی طرح جس طرح تم اپناخیال رکھتے ہو اپنی بیویوں اور بچوں کا خیال رکھتےہو۔ اس کےعوض میں تمہیں جنت لے گی۔ ہم آپ کے سامنے آئے اور ہم نے آپ کی بیعت کر لی۔
حضرت اسعد بن زرارہ جوان تمام افراد میں کم سن تھے انہوں نے نبی اکرمﷺ کا دست مبارک پکڑ ا اور بولے :ا ے اہل یثرب آگے آؤ ۔ ہم نے اونٹوں کے جگر پر نہیں مارا(یعنی سفر نہیں کیا )مگر یہ کہ ہم نے یہ بات جان لی ہے کہ یہ اللہ کے رسول ہیں ۔ اب نبی اکرمﷺ کا (مدینہ منورہ کی طرف) نکلنا تمام عربوں سے جھگڑا کرنے کا باعث بنے گا۔ اس کے نتیجے میں تمہارے بہترین لوگ قتل ہو سکتے ہیں ۔ تلواریں تمہیں کاٹ سکتی ہیں ،یا تو یہ ہے کہ تم نے اس صورت حال پر صبر سے کام لینا تمہارا اجر اللہ تعالیٰ کے ذمہ ہوجائے گا یا پھر یہ ہےکہ تم بزدلی دکھاتےہوئے اپنی ذات کے حوالے سے اندیشے کا شکار ہوجانا(اگر تم نے ایسا کرنا ہے) ،تو تم اس بات کو بیان کردو نبی اکرمﷺ تم لوگوں کا عذر قبول کرلیں گے۔ ان لوگوں نے کہا : تم ایک طرف ہو جاؤ، اللہ کی قسم!ہم اس بیعت کو کبھی ترک نہیں کریں گے پھر ہم نبی اکرمﷺ کے سامنے کھڑے ہوئے ۔ ہم نے آپ کی بیعت کی۔ آپ نے ہم سے بیعت لی اور ساتھ یہ شرط عائد کی کہ آپ ایسا کرنے کی صورت میں ہمیں جنت عطا کریں گے۔
حضرت ابو موسیٰ اشعریؓ ،نبی اکرمﷺ کا یہ فرمان نقل کرتےہیں :
"میں نے خواب میں دیکھا میں مکہ سے ہجرت کرکے کھجوروں کی سرزمین کی طرف جا رہاہوں ۔ میرا ذہن اس طرف گیا کہ وہ یمامہ ی اہجر ہو سکتے ہیں ، لیکن وہ مدینہ تھا یعنی یثرب تھا اور میں نے خواب میں دیکھا میں نے تلوار لہرائی ،تو وہ ٹوٹ گئی۔ اس سے مراد غزوہ احد کے موقع پر مسلمانوں کو لاحق ہونے والا نقصان ہے پھر میں نے دوسری مرتبہ لہرائی ،تو وہ پہلے سے زیادہ اچھی صورت میں آگئی ۔اس سے مراد وہ چیز ہے جو اللہ تعالیٰ مال غنیمت کی
شکل میں عطا کرے گا اور اہل ایمان کا اجتماع (یعنی ان کی تعداد کا زیادہ ہونا )مراد ہے۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6275
حضرت ابو موسیٰ اشعری ؓ ،نبی اکرمﷺ کا یہ فرمان نقل کرتےہیں :
"میں نے خواب میں دیکھا کہ مکہ سے ہجرت کرکے ایسی سرزمین کی طرف جارہا ہوں ۔ وہاں کجھوروں کے باغات ہیں۔ میرا ذہن اس طرف گیا یہ یمامہ یا ہجر ہو سکتا ہیں ، لیکن یہ مدینہ یعنی یثرب تھا ۔ میں نے خواب میں دیکھا کہ میں نے تلوار لہرائی ،تو وہ ٹوٹ گئی۔ اس سے مراد غزوہ احد کے موقع پرلاحق ہونے والا نقصان ہے ،پھر میں نے اسے دوسری مرتبہ لہرایا تو وہ پہلے سے زیادہ اچھی حالت میں آگئی ۔اس کے ذریعے وہ فتح اور اہل ایمان کا اجتماع (یعنی ان کی تعداد میں اضافہ ) مراد ہے، جو اللہ تعالیٰ نے عطا کیا۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6276
سیدہ عائشہ صدیقہ ؓ بیان کرتی ہیں :جب سے میں نے ہوش سنبھالا میں نے اپنے والدین کو مسلمان دیکھا روزانہ نبی اکرمﷺ ہمارے ہاں صبح وشا م تشریف لایا کرتےتھے ۔ جب مسلمانوں کو آزمائش کا شکار کیا جانے لگا، تو حضرت ابوبکر حبشہ کی سر زمین کی طرف ہجرت کرنے کے لئے روانہ ہوئے ۔ ان کی ملاقات قارہ قبیلے کے سردار ابن دغنہ سے ہوئے ۔ اس نے دریافت کیا : اے ابوبکر کہاں جارہے ہو۔ انہوں نے کہا :میری قوم نے مجھے نکلنے پر مججبور کردیا ہے۔ اب میں زمین میں سفر کروں گا اور اپنے پروردگار کی عبادت کروں گا۔ ابن دغنہ نے ان سے کہا :اے ابو بکر آپ جیسا شخص(اپنے علاقے سے ) نہ ،تو نکل سکتا ہے اور نہ ہی اسے نکالا جاسکتاہے ۔آپ ضرورت مند کی مدد کرتےہیں رشتہ درای کے حقوق کا خیال رکھتےہیں ، مہمان نوازی کرتےہیں ، دوسروں کا بوجھ اٹھاتےہیں ، حق کے کاموں میں مدد کرتےہیں ، میں آپ کو پناہ دیتاہوں ،پھر ابن دغنہ وہاں سے سوار ہوکر آئے حضرت ابوبکر ؓ بھی ان کے ساتھ واپس آگئے ۔وہ کفار کے پاس گیا اور اس نے ان سے کہا ابوبکر جیسا شخص (اپنے علاقے سے ) نہ ،تو نکل سکتا ہے اور نہ اس جیسے شخص کو نکالا جا سکتاہے۔ وہ ضرورت مند کی مدد کرتا ہے ان کا خیال رکھتا ہے ، دوسروں کا وزن اٹھاتا ہے۔ مہمان نوازی کرتاہے ، حق کے کاموں میں مدد کرتا ہے ، تو قریش نے ابن دغنہ کی دی ہوئی پناہ کو بر قرار رکھا ۔ انہوں نے حضرت ابو بکر کو امان دیدی ۔ انہوں نے ابن دغنہ سے کہا کہ وہ ابوبکر سےکہے وہ اپنے گھر میں اپنے پروردگار کی عبادت کرے اور وہاں جتنی چاہے نماز ادا کرے اور جتنی چاہے تلاوت کرے، لیکن ہمیں تکلیف نہ پہنچائے ۔وہ اعلانیہ طرت پر اپنے گھر سے باہر نماز ادا نہ کرے اور تلاوت نہ کرے ۔ حضرت ابوبکر ایسا ہی کرتےرہے، پھر ان کو مناسب لگا ،تو انہوں نے اپنے صحن میں مسجد بنالی۔ وہاں وہ نماز اداکیا کرتےتھے اور قرآن کی تلاوت کرتےتھے،تو مشرکین کی خواتین اور بچے وہاںآجاتے اور حیران ہوتےتھے اور ان کی طرف دیکھتے رہتے تھے۔ حضرت ابوبکر بہت زیادہ رویا کرتےتھےجب قرآن کی تلاوت کرتےتھے ،تو ان کی آنکھوں پر قابو نہیں رہتا تھا ۔ قریش نے ابن دغنہ کو پیغام بھیجا کہ وہ ان کے پاس آئے ۔ قریش نے کہا : ہم نے ابو بکر کو اس شرط پر پناہ دی تھی کہ وہ اپنے گھر میں اپنے پروردگار کی عبادت کرے گا۔ اب اس نے مسجد بنالی ہے اور وہ اعلانیہ طور پر نماز پڑھتاہے اور تلاوت کرتا ہے ۔ ہمیں یہ اندیشہ ہے کہ وہ ہمارے نوجوان بچوں کو آزمائش کا شکار کر دے گا تم اس کے پاس جاؤ اور اس سے کہو کہ وہ اپنے گھر میں اپنے پروردگار کی عبادت کرنے پر اکتفاء کرے ۔ اگر وہ نہیں مانتا اور اعلانیہ طور پر ایسا کرنا چاہتاہے ،تو وہ تمہاری دی ہوئی پناہ واپس کردے کیونکہ ہمیں یہ بات پسند نہیں ہے کہ ہم تمہاری دی ہوئی پناہ کی خلاف ورزی کریں اور ہم ابوبکر کو اعلانیہ طور پر ایسا کرنے کی اجازت بھی نہیں دے سکتے۔
ابن دغنہ ابوبکر کے پاس آیا اور بولا آپ یہ بات جانتےہیں کہ میں نے آپ کے بارے میں ایک بار کا ذمہ لیا تھا یا،تو آپ اس پر اکتفاء کریں ،یا پھر میری دی ہوئی پناہ مجھے واپس کردیں مجھے یہ بات پسند نہیں کہ عرب یہ بات سنیں کہ میں نےایک شخص کو پناہ دینے کے بعد اس سے واپس لےلی ۔حضرت ابوبکر نے فرمایا:میں اللہ اور اس کے رسول کی پناہ سے راضی ہوں ۔(راوی کہتےہیں :) نبی اکرمﷺ مکہ میں مقیم تھے۔ نبی اکرمﷺ نے مسلمانوں سے فرمایاتمہارا ہجرت کا مقام مجھے (خواب میں )دکھایا گیاہے۔ مجھے دکھایا گیا ہے کہ وہ ایک شور والی زمین ہے، جس میں کجھوروں کے باغات بہت ہیں اور اس کےدونوں کناروں پر پتھر یلی زمین ہے۔
جب نبی اکرمﷺ نے اس بات کا تذکرہ کیا ، تو جن لوگوں نے ہجرت کرنی تھی وہ مدینہ منورہ کی طرف ہجرت کرگئے اور حبشہ کی سر زمین کی طرف جن لوگوں نے ہجرت کی تھی ان میں سے کچھ لوگ مدینہ آگئے ۔ حضرت ابو بکر ؓ نے بھی ہجرت کے لئے سازوسامان تیار کیا۔ نبی اکرمﷺ نے فرمایا:اے ابوبکر ابھی اتظار کرو مجھے یہ امید ہےکہ مجھے اس کی اجازت مل جائے گی ۔ حضرت ابوبکر ؓ نے نبی اکرمﷺ کا ساتھ دینے کے لئے خد کو روک لیا۔وہ اپنی اونٹنیوں کو چارا کھلاتے رہے۔ وہ انہیں ببول کے پتے کھلایا کرتےتھے ۔ایسا چارماہ تک ہوتا رہا۔
سیدہ عائشہ ؓ بیان کرتی ہیں :ایک دن کسی نے حضرت ابوبکر ؓ سے کہا نبی اکرمﷺ تشریف لائے ہیں ۔ نبی اکرمﷺ منہ ڈھانپ کر تشریف لائے تھے اور یہ ایک ایسا وقت تھا جس میں آپ عام طور پر ہمارے ہاں نہیں آتےتھے ۔حضرت ابوبکر نے عرض کی :میرے ماں باپ آپ پر قربان ہوں اگر آپ اس وقت میں تشریف لائے ہیں ، تو ضرور کسی اہم کام کے سلسلے میں آئے ہوں گے۔ نبی اکرمﷺ تشریف لائے آپ نے اندر آنے کی اجازت طلب کی آپ کی خدمت میں اجازت پیش کی گئی ۔ نبی اکرمﷺ اندر تشریف لائے۔ آپ نے فرمایا:اے ابوبکر اپنے پاس موجود لوگوں کو باہر نکال دو۔ حضرت ابوبکر ؓ نے عرض کی:یا رسول اللہ (ﷺ)! صرف میرے اہل خانہ ہی ہیں ۔ نبی اکرمﷺ نے فرمایا:ٹھیک ہے پھر آپ نے بتایا مجھے اجازت دیدی گئی ہے حضرت ابوبکر نے عرض کی :میرے والد آپ پر قربان ہوں ،یا رسول اللہ(ﷺ)! کیا میں ساتھ دوں ۔ نبی اکرمﷺ نے ارشادفرمایا:جی ہاں حضرت ابوبکرؓنے عرض کی:یا رسول اللہ (ﷺ)! میرے والد آپ پر قربان ہوں آپ ان دونوں میں سے ایک اونٹنی لے لیں ۔ نبی اکرمﷺ نے فرمایا:ٹھیک ہے لیکن یہ قیمت کے عوض میں ہوگی۔
سیدہ عائشہ ؓ بیان کرتی ہیں : ہم نے ان دونوں کےلئے بہترین زادہ راہ تیار کیا ۔ ہم نے ان دونوں کےلئے چمڑے کے کھانے کا تھیلا تیار کیا۔ سیدہ اسماء نے اپنے ازاربندکو کاٹ کر اس کے ذریعے اس تھیلے کا منہ باندھا۔ اسی وجہ سے ان کا نام ذات طاق ہے۔
نبی اکرمﷺ ایک پہاڑ پر موجود غار تک پہنچ گئے۔جس کا نام ثور تھا ۔ آپ تین دن تک وہاں قیام پذیر رہے۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6277
حضرت انس ؓ بیان کرتےہیں:حضرت ابوبکر ؓ نے ان لوگوں کو بتایا ہم جب غار میں موجود تھے ،تو میں نے نبی اکرمﷺ کی خدمت میں عرض کی اگر ان میں سے کوئی ایک شخص اپنے پاؤں کی طرف دیکھ لے ،تو وہ اپنے پاؤں کے نیچے ہمیں دیکھ لے گا نبی اکرمﷺ نے فرمایا:ایسے دو آدمیوں کے بارے میں تمہارا کیا گمان ہے ۔ جن کے ساتھ تیسرا اللہ تعالیٰ ہو۔
أنس أن أبا بكر ← ثَابِتٍ، ← هَمَّامٌ، ← عَفَّانُ، ← يَعْقُوبُ الدَّوْرَقِيُّ ← مُحَمَّدُ بْنُ إِسْحَاقَ بْنِ إِبْرَاهِيمَ مَوْلَى ثَقِيفٍ
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6278
سیدہ عائشہ صدیقہ ؓ بیان کرتی ہیں :حضرت ابوبکرؓنے نبی اکرمﷺ سے مکہ سے چلے جانے کی اجازت مانگی ۔جب حالات خراب ہوگئے نبی اکرمﷺ نے ان سے فرمایاتم صبر سے کام لو حضرت ابوبکر ؓ نے عرض کی :یا رسول اللہ(ﷺ)! کیا آپ کو یہ توقع ہےکہ آپ کو بھی اجازت مل جائے گی ۔نبی اکرمﷺ نے ارشادفرمایا:مجھے امید ہے ، پھر حضرت ابوبکر ؓآپ کا انتظار کرتےرہے ، یہاں تک کہ ایک دن نبی اکرمﷺ ظہر کے وقت حضرت ابوبکر ؓکے پاس تشریف لائے۔آپ نے حضرت ابوبکر ؓکو بلوایا اور ان سے فرمایااپنے پاس موجود لوگوں کو باہر نکال دو ۔حضرت ابوبکر ؓ نے عرض کی :یارسول اللہ (ﷺ)! صرف میری دو بیٹیاں یہاں ہیں ۔ نبی اکرمﷺ نے فرمایا:کیا تمہیں پتہ چلا کہ مجھے روانگی (ہجرت ) کرنے کی اجازت مل گئی ہے ۔ حضرت ابوبکر نے عرض کی :یارسول اللہ(ﷺ)! کیا میں آپ کے ساتھ رہوں نبی اکرمﷺ نے فرمایا:تم ساتھ رہو۔ حضرت ابوبکر ؓنےعرض کی :یارسول اللہ (ﷺ)! میرے پاس دو اونٹنیاں ہیں ۔ میں نے انہیں روانگی کے لئے تیا ر کیاہے ۔ سیدہ عائشہ ؓ بیان کرتی ہیں : حضرت ابوبکرؓان دونوں میں سے ایک اونٹنی نبی اکرمﷺ کی دیدی ۔ وہ جد عاء تھی۔ یہ دونوں حضرات اس پر سوار ہو کر ایک غار میں آگئے ،جو ثور نامی پہاڑ میں تھا ۔ دونوں حضرات اس میں چھپ گئے ۔ عبداللہ بن طفیل کا غلام عامر بن فہیر ہ جو سیدہ عائشہ ؓ کا والد کی طرف سے بھائی تھا اور حضرت ابوبکر ؓ کازیر احسان تھا، تو چرواہوں میں سے کسی کو اس بارے میں اندازہ نہیں ہوسکا وہ صبح ان حضرات کے پاس جاتا ، شام کو مکہ آجاتا ، اور پھر رات کے آخری حصے میں ان حضرات کے پاس آجاتا۔ جب یہ دونوں حضرات وہاں سے روانہ ہوئے ،تو وہ بھی ان دونوں کے ہمراہ تیزی سے چلتا ہوا آیا ،یہاں تک کہ یہ لوگ مدینہ منورہ پہنچ گئے۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6279
عبدالرحمٰن بن مالک جو حضرت سراقہ بن مالک ؓ نے بھانجے ہیں ۔ وہ بیان کرتےہیں :ان کے والد نے یہ بات بتائی ہے ۔ انہوں نے حضرت سراقہ کو یہ بیان کرتےہوئے سنا کفار قریش کے پیغام رصاع ہمارے پاس آئے۔ انہوں نے نبی اکرمﷺ اور حضرت ابوبکر ؓ دونوں کو قتل کرنے یا قید کرنے والے شخص کےلئے انعام مقرر کیا تھا۔ حضرت سراقہ بیان کرتےہیں :میں اپنی قوم بنو مدلج کی محفل میں بیٹھا ہوا تھا۔ اسی دوران ایک شخص آیا اور ہمارے پاس آکر کھڑا ہوگیا۔ اس نے کہا :اے سراقہ میں نے کچھ دیر پہلے ساحل کی طرف آدمیوں کا ہیولیٰ دیکھا ہے۔ میرا خیال ہے وہ حضرت محمدﷺ اور اس کے ساتھی ہوں گے۔سراقہ کہتےہیں : مجھے بھی اندازہ ہو گیا کہ وہ وہی ہوں گے ۔ میں نےکہا :وہ لوگ وہ نہیں ہوں گے تم نے فلاں اور فلاں کو دیکھا ہوگا ۔ وہ ہمارے پاس سےگئے ہیں پھر میں اس محفل میں تھوڑی دیر ٹھہرا رہا پھر میں اٹھا اپنےگھر میں آیا ۔ میں نے اپنی کنیز سے کہا وہ میرا گھوڑا نکالے وہ ایک ٹیلے کے پیچھے تھا ۔وہ اس نے میرے لئے تیار کرکے رکھا میں نے اپنا نیزہ پکڑا اور گھر کے پیچھےکی طرف سے نکل گیا۔ میں نے اس کے ذریعے زمین پر لکیریں لگائیں ۔ میں نے نیزے کے اوپر والے حصے کو نیچے کردیا، یہاں تک کپ میں اپنے گھوڑے کے پاس آکر اس پر سوار ہوا میں اپنا گھوڑا دوڑاتا رہا ، یہاں تک کہ مجھے ان لوگوں کا ہیولیٰ نظر آیا ۔ جب میں اتنا قیب ہوا کہ میری آواز ان تک جا سکتی تھی،تو میرے گھوڑے کو ٹھوکرلگی اور میں اس سے نیچے اتر گیا ۔ میں نے اپنا ہاتھ اپنی کمان کی طرف بڑھایا اور اس میں سے پانسے نکالنے والے تیر نکالے میں نے اس میں پانسے کا تیر نکالا، تو وہ چیز سامنے آئی جسے میں پسند نہیں کرتا تھا ۔میں نے پانسے کے فیصلے کو نہیں مانا اور اپنے گھوڑے پر سوار ہوگیا پھر میں نے ایڑھ لگائی، یہاں تک کہ میں نے نبی اکرمﷺ کی قرأت کی آواز سنی نبی اکرمﷺ ادھر ادھر نہیں نہیں دیکھ رہے تھے، لیکن حضرت ابوبکر بہت زیادہ ادھر ادھر دیکھ رہے تھے۔ میرے گھوڑے کے دونوں پاؤں زمین میں دھنس گئے، یہاں تک کہ وہ گھٹنوں تک زمین میں چلے گئے می اس پر سے نیچے گر گیا۔ میں اسے ڈانٹا اور پھر میں اٹھ گیا ،لیکن اس کے دونوں پاؤں زمین سےنہیں نکلے پھر جب وہ سیدھا کھڑا ہوا ،تو اسی دوران آسمان میں ایک چمک دار دھواں نظر آیا۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6280
حضرت براء ؓ بیان کرتےہیں :حضرت ابوبکر صدیقؓ نے (میرے والد سے) تیرہ درہم کے عوض میں ایک پالان خریدا۔ حضرت ابوبکرؓ نے حضرت عازب ؓسے کہا آپ براء کو ہدایت کریں کہ وہ اسے اٹھا کر میرے گھر پہنچا دے ، تو حضرت عازب نے ان سےکہا ایسا اس وقت تک نہیں ہو گا،جب تک آپ ہمیں یہ نہیں بتاتے کہ جب آپ اور نبی اکرمﷺ مکہ سے نکلے اور مشرکین آپ کی تلاش میں تھے، تو آپ کے ساتھ کیا صورت حال پیش آئی۔ حضرت ابوبکر ؓ نے بتایا ہم لوگ مکہ سے روانہ ہوئے ۔ ہم رات بھی سفرکرتےرہے،یہاں تک کہ جب دن چڑھ گیا ،تو میں نے اس بات کاجائزہ لیا کہ کیا ہمیں کوئی سایہ دار جگہ نظر آرہی ہے ،جس کی پناہ میں ہم چلے جائیں ۔ وہاں ایک چٹان موجود تھی ۔ میں اس کے پاس آیا جس کا تھوڑا سا سایہ تھا۔ میں نے وہاں زمین کو درست کیا اور نبی اکرمﷺ کےلئے بچھونا بچھا دیا،پھر میں نے عرض کی :یارسول اللہ (ﷺ)! آپ لیٹ جائیں نبی اکرمﷺ لیٹ گئے پھر میں نے اس بات کا جائزہ کیا کہ کیا مجھے کوئی ایسا شخص نظر آرہا ہے، جو ہماری تلاش میں ہو وہاں مجھے بکریوں کا ایک چرواہا نظرا ٓیا جو اپنی بکریوں لے کر چٹان کی طرف آرہا تھا ۔ وہ بھی چٹان سےوہی فائدہ حاصل کرنا چاہتا تھا جو میں چاہتا تھا یعنی سائے میں آنا چاہتا تھامیں نے اس سے دریافت کیا۔ میں نے کہا :تم کس کے (ملازم یا غلام) ہو نوجوان نے کہا:میں فلاں شخص کا(غلام ہوں ) اس نے قریش کے ایک شخص کا نام لیا جس سے میں واقف تھا میں نے دریافت کیا :کیا تمہاری بکریوں میں دودھ ہے۔ اس نے جواب دیا:جی ہاں ! میں نے کہا: کیا تم میرے لئے اسے دوہ دو گے۔ اس نےکہا جی ہاں میں نے اسے ہدایت کی ،تو اس نے اپنی بکریوں میں سے ایک بکری لے لی ۔میں نے اسے ہدایت کی کہ وہ اس کے تھنوں سے غبار کو صاف کردے،پھر میں نے اسے ہدایت کی کہ وہ اپنے ہاتھ جھاڑ لے پھر راوی نے اس طرح کےکے دکھایا یعنی ایک ہاتھ دوسرے پر مار کر دیکھایا پھر اس نے دودھ کا ایک پیالہ مجھے دوہ کردیا۔ میں اپنے ساتھ نبی اکرمﷺ کے لئے ایک برتن لےکر آیا تھا جس کےمنہ پر کپڑا بندھا ہوا تھا۔ میں نے وہ (پانی) دودھ پر انڈیلا،یہاں تک کہ اس کے نیچے کا حصہ ٹھنڈا ہوگیا۔ میں نبی اکرمﷺکےپاس آیا ، تو میں نے آپ کو پایا کہ آپ بیدار ہوچکے تھے۔ میں نے عرض کی :یا رسول اللہ(ﷺ)! اسے پی لیجئے ۔ نبی اکرمﷺ نے اسے پی لیا ۔میں نے عرض کی:یا رسول اللہ(ﷺ)! روانگی کا وقت ہوگیا، پھر ہم لوگ روانہ ہوئے ۔ لوگ ہماری تلاش میں تھے ان میں سے کوئی ہم تک نہیں پہنچ سکا ۔ صرف سراقہ بن مالک اپنے گھوڑے پر سوار ہو کر ہم تک آگیا۔ میں نے عرض کی :یا رسول اللہ (ﷺ)! ایک تلاش کرنے والا شخص ہم تک پہنچ چکا ہے،تو میں رو پڑا ۔ نبی اکرمﷺ نے فرمایا:تم غمگین نہ ہو ۔ بے شک اللہ تعالیٰ ہمارے ساتھ ہے۔ جب وہ ہمارے قریب ہوا اور ہمارے اور کے درمیان دو یا تین نیزوں جتنا فاصلہ رہ گیا ،تو میں نے عرض کی :یا رسول اللہ (ﷺ)! یہ تلاش میں آنے والا شخص ہمارے قریب پہنچ چکا ہے۔میں پھر رو پڑا نبی اکرمﷺ نے دریافت کیا تم کیوں رو رہے ہو۔ میں نے عرض کی : اللہ کی قسم ! میں اپنی ذات کے حولے سے نہیں رو رہا بلکہ آپ کی وجہ سے رورہاہوں ۔ نبی اکرمﷺ نے اس کےلئے دعائے ضرر کی آپ نے کہا :اے اللہ ،تو اس کے حوالے سے ہمارے لئے جیسے ،تو چاہے کافی ہوجاراوی کہتےہیں :،تو اس شخص کا گھوڑ اپیٹ تک زمین میں دھنس گیا۔ وہ شخص اس سے اتر ا اور بولا:اے حضرت محمد ﷺ میں یہ بات جانتاہوں کہ یہ آپ کا کام ہے آپ اللہ تعالیٰ سے دعا کیجئے کہ میں ، جس مصیبت کا شکار ہوا ہوں وہ مجھے اس سے نجات کردے ۔ اللہ کی قسم ! میں اپنے فلاں مقام پر میرے اونٹوں اور بکریوں کے پاس سے ہوگا۔ وہاں آپ اپنی ضرورت کے مطابق چیزیں حاصل کرلیجئے گا۔ نبی اکرمﷺ نے ارشاد فرمایا:ہمیں تمہارے اونٹوں کی ضرورت نہیں ہے۔ نبی اکرمﷺ نے اس کے حق میں دعا کی ، تو وہ انے ساتھیوں کے پاس واپس چلا گیا اور نبی اکرمﷺ آگے روانہ ہوگئے ، یہاں تک کہ ہم رات کے وقت مدینہ منورہ پہنچے لوگوں کے درمیان اس بارے میں اختلاف ہوگیا ۔ نبی اکرمﷺ ان میں سے کس کے ہاں پڑاؤ کریں گے ۔ نبی اکرمﷺ نے ارشادفرمایا: آج رات میں بنو نجار کے ہاں پڑاوکروں گا۔ وہ جناب عبدالطلب کےننھیال ہیں ۔ میں اس حوالے سے ان کی عزت افزائی کروں گا۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6281
حضرت انس بن مالک ؓ بیان کرتےہیں : جب مہاجر ین نجی سے مدینہ منورہ آئے وہ ایسی حالت میں آئے کہ ان کے پاس کوئی بھی چیز نہیں تھی ،جب کہ انصار کے پاس زمینیں بھی تھیں اور جائیدادیں بھی تھیں ۔ حضرت انس ؓ بیان کرتےہیں ،تو انصار نے ان کے ساتھ یہ طے پایا کہ وہ ہر سال اپنی زمینوں کی پیداوار کا نصف پھل مہاجرین کو دیں گے، اور مہاجرین کی جگہ کام کاج کر لیا کریں گے۔ راوی بیان کرتےہیں :حضرت انس بن مالکؓ کی والدہ نے اپنی کجھور کے کچھ خوشے نبی اکرمﷺ کی خدمت میں پیش کئے،تو نبی اکرمﷺ نے وہ اپنی کنیز ام ایمن کو عطا کردیے جو حضرت اسامہ بن زید ؓ کی والدہ تھی،جب نبی اکرمﷺ اہل خیبر کی طرف سے فارغ ہوئے اور واپس مدینہ منورہ تشریف لائے، تو مہاجرین نے انصار کے عطیات انہیں واپس کر دئےجو انہوں نے اپنے پھر وغیرہ انہیں عطیے کے طور پر دئے تھے۔
حضرت انس ؓ بیان کرتےہیں :نبی اکرمﷺ نے میری والدہ کو ان کے کجھوروں کے خوشے بھی واپس کر دئے اور نبی اکرمﷺ نے سیدہ ام ایمن ؓ کو اس کی جگہ اپنا باغ عطا کیا۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6282
ابو اسحاق بیان کرتےہیں :لوگ نماز استسفا ء ادا کرنے کےلئے نکلے ۔ ان میں حضرت زید بن ارقم بھی تھے ۔ میرے والد اور ان کے درمیان صرف ایک شخص تھا میں نے دریافت کیا آپ نے کتنے غزوات میں شرکت کی ہے۔
یہاں ابن کثیر نامی راوی نے یہ الفاظ نقل کئے ہیں ۔ اے ابو عمرو! نبی اکرمﷺ نےکتنے غزوات میں شرکت کی ہے۔ انہوں نے جواب دیا:19غزوات میں ،میں نے دریافت کیا آپ نے نبی اکرمﷺ کے ہمراہ کتنے غزوات میں شرکت کی ہے ۔انہوں نے جواب دیا:سترہ(17)میں دریافت کیا سب سے پہلا غزوہ کون سا تھا ۔انہوں نے بتایا ذوعشرہ(راوی کو شک ہے شایدیہ الفاظ ہے)عسیرہ
پھر عبداللہ بن زید نے لوگوں کو دور کعات نماز پڑھائی۔
Sahih Ibn Hibban · History book › A chapter on the emigration of God, may God’s prayers and peace be upon me, to the city, and how are the conditions in it? · Hadith 6283
صیح ابن حبان · کِتَابُ التَّارِیخِ ‹ بَابُ مِن صِفَتِہِ صَلَّی اللہُ عَلَیہِ وَسَلَّمَ ، وَاَخبَارِہِ · حديث 6284
حضرت براء ؓبیان کرتےہیں :نبی اکرمﷺ درمیانی قدکے مالک تھے ۔ آپ کا سینہ چوڑا تھا ،آپ کے بال کانوں کی لو تک آتےتھے۔ میں نے آپ کو سرخ حلے میں دیکھا ہے میں نے آپ سے زیادہ خوبصورت کوئی نہیں دیکھا۔
حضرت براء ؓبیان کرتےہیں :نبی اکرم ﷺ سب سے زیادہ خوبصورت تھے۔ آپ اپنی شکل وصورت اور اخلاق کے اعتبار سے سب سے اچھے تھے۔ آپ نہ بہت زیادہ لمبے تھے ،نہ ہی چھوتے قد کے مالک تھے۔
