Hadith Nabawi

صیح ابن حبان · کتاب ‹ کِتَابُ الْاِسْراءِ · حديث 57

اَخْبَرَنَا اَحْمَدُ بْنُ عَمْرٍ والْمُعَدَّلُ بِوَاسِطَ حَدَّثَنَا َحْمَدُ بْنُ سِنَانِ الْقَطَّانُ حَدَّثَنَا یَزِیْدُ نْنُ ھَارُوْنَ اَنْبَاَنَا محمد بن عمر و عن أبی سلمۃ عَنِ ابْنِ عَبَّاسٍ قَالَ قَدْرَاَی مُحَمَّدٌ صَلّٰی اللہُ عَلَیْہِ وَسَلَّمَ رَبَّۃُ ۔(3:14)

(امام ابن حبان ؓ فرماتے ہیں :) حضرت عبداللہ بن عباسؓ کے یہ الفاظ : ’’حضرت محمد ﷺ نے اپنے پروردگار کو دیکھا ہے ‘‘۔ اس سے مراد یہ ہے کہ نبی اکرمﷺ نےاپنے قلب کے ذریعے پروردگار کو ایسے مقام پر دیکھا جہاں تک کسی بشر کی رسائی نہیں ہو سکتی ‘ کیونکہ وہ مقام و مرتبہ بہت بلند ہے۔ حضرت ابن عباسؓ بیان کرتے ہیں: حضرت محمدﷺ نے اپنے پروردگار کو دیکھا ہے۔

قَدْرَاَی مُحَمَّدٌ رَبَّۃُ ← ابْنِ عَبَّاسٍ، ← اَبِیْ سَلَمَۃَ ← محمد بن عمر و ← یَزِیْدُ نْنُ ھَارُوْنَ ← َحْمَدُ بْنُ سِنَانِ الْقَطَّانُ ← اَحْمَدُ بْنُ عَمْرٍ والْمُعَدَّلُ بِوَاسِطَ

Hadith 57

صیح ابن حبان · کتاب ‹ کِتَابُ الْاِسْراءِ · حديث 58

اَخْبَرَنَا اَبُوْ یَعْلٰی حَدَّثَنَا عُبَیْدُ اللہِ بْنُ عُمَرَ الْقَوَارِیْرِیُّ حَدَّثَنَا مُعَاذُ بْنُ ھِشَامٍ عَنْ اَبِیْہِ عَنْ قَتَادَۃَ عَنْ عَبْدِ اللہِ بْنِ شَقِیْقٍ الْعُقَیْلِیِّ قَالَ قُلْتُ لِاَبِیْ ذَرٍّ: لَوْ رَاَیْتُ رَسُوْلَ اللہِ صَلّٰی اللہُ عَلَیْہِ وَسَلَّمَ لَسَاَلْتُہٗ عَنْ کُلِّ سَیْءٍ فَقَالَ: عَنْ اَیِّ شَیْءٍ کُنْتَ تَسْاَلُہُ ؟ قَالَ؛ کُنْتُ اَسْاَلُہٗ ھَلْ رَاَیْتَ رَبَّکَ ؟ فَقَالَ: سَاَلْتُہٗ فَقَالَ؛ رَاَیْتُ نُورًا ۔(3:14)

عبد اللہ بن شفیق عقیلی بیان کرتے ہیں : میں حضرت ابوذر غفاریؓ سے کہا : اگرمیں نبی اکرمﷺ کی زیارت کرتا تو آپ سے ہر چیز کے بار ے میں دریافت کرتا ‘ تو انہوں نے دریافت کیا : تم نے نبی اکرمﷺ سے کس چیز کے بارےمیں دریافت کرنا تھا ؟ تو عبدا للہ نے کہا : میں نے نبی اکرمﷺ سے یہ دریافت کرنا تھا کہ کیا آپ نے اپنے پروردگار کو دیکھا ہے؟ تو حضرت ابوذر غفاریؓ نے فرمایا : میں نے انبی اکرمﷺ سے یہ سوال کیا تھا ۔ نبی اکرمﷺ نےفرمایا تھا : میں نے ایک نور کو دیکھا ہے ۔ (امام ابن حبانؓ فرماتے ہیں :) اس سے مراد یہ ہے کہ آپ نے اپنے پروردگار کو نہیں دیکھا بلکہ آپ نے وہ انوار جو مخلوق ہیں ‘ ان میں سے ’’عُلوی نور‘‘ (یعنی جو مخلوقات سے بلند تر انوار ہیں ) اسے دیکھا۔

کُنْتُ اَسْاَلُہٗ ھَلْ رَاَیْتَ رَبَّکَ فَقَالَ: سَاَلْتُہٗ فَقَالَ؛ رَاَیْتُ نُورًا ← اَیِّ شَیْءٍ کُنْتَ تَسْاَلُہُ ← کُلِّ سَیْءٍ فَقَالَ: ← قُلْتُ لِاَبِیْ ذَرٍّ: لَوْ رَاَیْتُ رَسُوْلَ اللہِ لَسَاَلْتُہٗ ← عَبْدِ اللہِ بْنِ شَقِیْقٍ الْعُقَیْلِیِّ ← قَتَادَةَ ← أَبِيهِ ← مُعَاذُ بْنُ هِشَامٍ ← عُبَيْدُ اللَّهِ بْنُ عُمَرَ الْقَوَارِيرِيُّ، ← أَبُو يَعْلَى

Hadith 58

صیح ابن حبان · کتاب ‹ کِتَابُ الْاِسْراءِ · حديث 59

اَخْبَرَنَا مُحَمَّدُ بْنُ صَالِح بْنِ ذَرِیحِ بِمَکْبَرَا حَدَّثَنَا مَسْرُوْقُ بْنُ الْمِرْزَبَانِ حَدَّثَنَا بْنُ اَبِیْ ذَائدَۃَ حَدَّثَنَا اِسْرَئیِلُ عَنْ اَبِیْ اِسْحَاقَ عَنْ عَبْدِ الرَّحْمٰنِ بْنِ یَزِیْدَ عَنِ ابْنِ مَسْعُوْدٍ فِیْ قَوْلِہٖ تَعَالٰی:( مَاکَذَبَ الْفُؤَادُ مَارَاَی) قَالَ : رَاَی رَسُوْلُ اللہِ صَلّٰی اللہُ عَلَیْہِ وَسَلَّمَ جِبْرِیْلُ فِیْ حُلَّۃٍ مِّنْ یَّاقُوتٍ قَدْ مَلَا مَا بَیْنَ السَّمَآءِ وَالْاَرْضِ۔(3:14)

حضرت عبد اللہ بن مسعودؓ اللہ تعالیٰ کے اس فرمان کے بارے میں بیان کرتے ہیں : (ارشاد باری تعالیٰ ہے ): ’’ اس نے جو دیکھا ‘ اس کے دل نے اسے جھٹلایا نہیں ‘‘۔ حضرت عبد اللہ بن مسعودؓ فرماتے ہیں : نبی اکرمﷺ نے حضرت جبرائیل علیہ السلام کو یا قوت سے بنے ہوئے حلے میں دیکھا تھا ‘ اس وقت حضرت جبرائیل علیہ السلام نے آسمان اور زمین کی درمیانی جگہ کو بھر دیا تھا ۔ (امام ابن حبانؓ فرماتے ہیں : ) معراج کی رات اللہ تعالیٰ نے حضرت جبرائیل کو یہ حکم دیا کہ وہ حضرت محمدﷺ ان چیزوں کے بارے میں بتائیں جب کا جاننا آپ کے لئے ضروری ہے۔ جیسا کہ ارشاد باری تعالیٰ ہے: ’’شدید قوت والے نے اُسے تعلیم دی ‘ جو زبردست ہے ‘ پھر اس نے استواء کیا اور وہ ( اس وقت) اُفقِ اعلیٰ میں تھا ‘‘۔ اس سے مراد حضرت جبرائیل ہیں ۔ ( ارشاد باری تعالیٰ ہے : ) ’’پھر وہ قریب ہوا اور زیادہ قریب ہوا‘‘۔ اس مراد حضرت جبرائیل ہیں ۔ ( ارشاد باری تعالیٰ ہے :) ’’تو وہ دو کمانوں کے کناروں کی مانند یا اس سے بھی زیادہ قریب ہو گیا‘‘۔ اس سے مراد حضرت جبرائیل ہیں۔ ( ارشاد باری تعالیٰ ہے : ) ’’تو اس نے اپنے بندے کی طرف وہ چیز وحی کی جو اس نے وحی کی ‘‘۔ اس سے مراد حضرت جبرائیل ہیں ۔ (ا رشاد باری تعالیٰ ہے : ) ’’اُس نے جو دیکھا ( اس کے ) دل نے جھٹلایا نہیں ‘‘۔ اس سے مراد یہ ہے کہ انہوں نے اس معزز مقام پر اپنے قلب کے زریعے اپنے پروردگار کو دیکھا اور حضرت جبرائیل کو یا قوت سے بنے ہوئے حُلے میں دیکھا ‘ انہوں نے اس وقت آسمان اور زمین کے درمیان موجود خلاء کو بھر دیا تھا ‘ جیسا کہ حضرت عبد اللہ بن مسعودؓ سے منقول اس روایت میں یہ بات مذکور ہے ‘ جسے ہم ذکر کر چکے ہیں۔

ابْنِ مَسْعُوْدٍ فِیْ قَوْلِہٖ تَعَالٰی:( مَاکَذَبَ الْفُؤَادُ مَارَاَی) ← عَبْدَ الرَّحْمَنِ بْنَ يَزِيدَ ← أَبِي إِسْحَاقَ ← اِسرَئِیلَ ← بْنُ اَبِیْ ذَائدَۃَ ← مَسْرُوقُ بْنُ الْمَرْزُبَانِ، ← مُحَمَّدُ بْنُ صَالِح بْنِ ذَرِیحِ بِمَکْبَرَا

Hadith 59

صیح ابن حبان · کتاب ‹ کِتَابُ الْاِسْراءِ · حديث 60

اَخْبَرَنَا مُحَمَّدُ بْنُ عَبْدِ اللہِ بْنِ مُحَمَّدِبْنِ مَخْلَدٍ حَدَّثَنَا أبو الربیع حدثنا بن وَھْبِ اَخْبَرَنِیْ عَمْرُو بْنُ الْحَارِثِ عَنْ عَبْدِ رَبِّہٖ بْنِ سَعِیْدٍ اَنَّ دَاؤدَ بْنَ اَبِیْ ھِنْدٍ حَدَّثَہٗ عَنْ عَامِرٍ الشَّعْبِیِْ عَنْ مَّسْرُوْقِ بْنِ الْاَجْدَع اَنَّہٗ سَمِعَ عَائشَۃَ تَقُوْلُ اَعْظَمُ الْفِرْیَۃِ عَلَی اللہِ مَنْ قَالَ: اِنَّ مُحَمَّدًا صَلّٰی اللہُ عَلَیْہِ وَسَلَّمَ رَاَی رَبَّہُ وَاِنَّ مُحَمَّدًا صَلّٰی اللہُ عَلَیْہِ وَسَلَّمَ کَتَمَ شَیْئًا مِنَ الْوَاحْیِ وَاِنَّ مُحَمَّدًا صَلّٰی اللہُ عَلَیْہِ وَسَلَّمَ یَعْلَمُ مَافِیْ غَدٍ قِیْلَ یَا اُمَّ الْمُوْمِنِیْنَ وَمَا رَآہُ قَالَتْ لَا اِنَّمَا ذٰلِکَ جِبْرِیْلُ رَآہُ مَرَّتَیْنِ فِیْ صُوْرَتِہٖ مَرَّۃً مَلَاَ الْاُفُقَ وَمَرَّۃً سَادًّا أُفْقَ السَّمَآءِ ۔(3:14)

مسروق بیان کرتے ہیں : انہوں نے سیّدہ عائشہؓ کو یہ فرماتے ہوئے سنا : جو شخص اللہ تعالیٰ کی طرف سب سے بڑی جھوٹی بات منسوب کرتا ہے ‘ جو یہ کہتا ہے ‘ حضرت محمدﷺ نے اپنے پروردگار کو دیکھا ہے ’ یا جو یہ کہتا ہے‘ حضرت محمدﷺ نے وحی میں سے کوئی چیز چھپائی تھی ۔ (آپ ﷺ نے ساری باتیں بیان نہیں کی ہیں) یا جو یہ شخص کہتا ہے ’ حضرت محمد ﷺ یہ جانتے تھے کہ کل کیا ہو گا؟ ان سے دریافت کیا گیا : اے اُم المومنین پھرا نبیاکرمﷺ نے کسے دیکھا تھا؟ تو سیّدہ عائشہؓ نے فرمایا: وہ حضرت جبرائیل علیہ السلام تھے‘ جنہیں نبی اکرمﷺ نے ان کی اصل صورت میں دو مرتبہ دیکھا ہے۔ ایک مرتبہ اس وقت جب انہوں نے افق کو بھر دیا تھا ‘ اور ایک مرتبہ اس وقت جب انہوں نے آسمان کے اُفق کو گھیرا ہوا تھا۔ امام ابو حاتمؓ فرماتے ہیں : جو شخص علم حدیث میں مہارت نہیں رکھتا وہ اس غلط فہمی کا شکار ہوتا ہے کہ یہ دو روایات باہم متضاد ہیں حالانکہ ایسا نہیں ہے۔ کیونکہ اللہ تعالیٰ نے اپنے رسول کو دیگر تمام انبیاء پر فضیلت عطا کی ہے۔ یہاں تک کہ حضرت جبرائیلؓ اپنے پروردگار کے اتنا قریب ہو گئے جتنا دو کمانوں کا فاصلہ ہوتا ہے اور اس وقت حضرت جبرائیل نے نبی اکرمﷺ کو تعلیم دی ۔ اس وقت نبی اکرمﷺ نے انہیں (یا شاید اللہ تعالیٰ کو ) دل کی آنکھ سے دیکھ لیا جسے اس نے چاہا۔ سیّدہ عائشہؓ سےمنقول اس روایت‘ کے نبی اکرمﷺ اس کا ادراک نہیں کر سکتے‘ کا مفہوم ی ہے : آپ نیند کے عالم میں اور بیداری کے عالم میں ایسا نہیں کر سکتے۔ اللہ تعالیٰ کا یہ فرمان : ’’بصارت اس کا ادراک نہیں کر سکتی ‘ سے مراد یہ ہے : بصارت اس کا ادراک نہیں کر سکتی‘ اس کا دیدار قامت کے دن ہوگا لیکن بصارت جب اس کا دیدار کرے گی تو اس کا ادراک نہیں کر سکے گی‘ کیونکہ ادراک کا مطلب اجاطہ کرنا ہے اور دیدار کا مطلب دیکھنا ہے اور اللہ تعالیٰ کا دیدار ہو سکتا ہے لیکن اس کی حقیقت کا ادراک نہیں ہو سکتا ۔ کیونکہ ادراک مخلوق کا ہو سکتا ہے اور بندے کی طرف س پروردگار کو دیکھنا ( ممکن ) ہو سکتا ہے۔ سیّدہ عائشہؓ سے منقول یہ روایت کہ بصارت اس کا ادراک نہیں کر سکتی‘ اس سے مراد یہ ہے کہ بصارت دنیا اور آخرت میں اس کا ادراک نہیں کر سکتی لیکن اپنے بندہوں میں سے وہ جس پر چاہے فضل کر کے اس کا اہل بنا سکتا ہے۔ لفظ دنیا کا اطلاق کئی زمینوں اور آسمانوں اور ان کے درمیان موجود جگہ پر ہوتا ہے ‘ کیونکہ ان اشیاء سے آغاز ہوا تھا۔ اللہ تعالیٰ نے انہیں اس لئے پیدا کیا تھا تاکہ ان میں آخرت کے لئے نیکیاں کمائی جائیں جو اس آغاز کے بعد آئے گی ‘ تو نبی اکرمﷺ نے اپنے پروردگار کا دیدار اس مقام پر کیا ہے جہاں لفظ دنیا کا اطلاق نہیں ہوتا۔ کیونکہ وہ ا س وقت دو کمانوں کے درمیان فاصلے سے بھی زیادہ قریب تھے۔ اس لئے سیّدہ عائشہؓ سے منقول روایت کا مطلب یہ ہو گا : نبی اکرمﷺ نے دنیا میں اس کا دیدار نہیں کیا۔ اس لئے ان دونوں روایات کے درمیان کوئی تضاد اور اختلاف نہیں ہے۔

عَائشَۃَ تَقُوْلُ اَعْظَمُ الْفِرْیَۃِ عَلَی اللہِ مَنْ ← مَّسْرُوْقِ بْنِ الْاَجْدَع اَنَّہٗ ← عَامِرٌ الشَّعْبِيُّ ← عَبْدِ رَبِّہٖ بْنِ سَعِیْدٍ اَنَّ دَاؤدَ بْنَ اَبِیْ ھِنْدٍ ← عَمْرُو بْنُ الْحَارِثِ ← بن وَهْبٍ ← أَبُو الرَّبِيعِ، ← مُحَمَّدُ بْنُ عَبْدِ اللہِ بْنِ مُحَمَّدِ بْنِ مَخْلَدٍ

Hadith 60