Shuab ul Iman

6536 - و أخبرنا أبو الحسين بن بشران أنا الحسن بن صفوان ثنا ابن أبي الدنيا ثنا علي بن الجعد أنا المبارك بن فضالة عن الحسن قال : شهدت مع عثمان وهو يخطب وهو يأمر بذبح الحمام وقتل الكلاب

ہمیں خبر دی ابو الحسین بن بشران نے ان کو حسین بن صفوان نے ان کو ابن ابو الدنیا نے ان کو علی بن جعد نے ان کو مبارک بن فضالہ نے ان کو حسن نے وہ کہتے ہیں کہ میں حضرت عثمان کے پاس گیا وہ خطبہ دے رہے تھے اور وہ کبوتروں کو ذبح کرنے اور کتوں کو مروا دینے کا حکم دے رہے تھے۔

شهدت مع عثمان وهو يخطب وهو يأمر بذبح الحمام وقتل الكلاب ← الْحَسَنِ، ← الْمُبَارِکُ بْنُ فَضَالَةَ ← عَلِيُّ بْنُ الْجَعْدِ ← ابْنُ أَبِي الدُّنْيَا، ← الحسن بن صفوان ← أَبُو الْحُسَيْنِ بْنُ بِشْرَانَ ← و،

6537 - و أخبرنا ابن بشران أنا ابن صفوان ثنا ابن أبي الدنيا ثنا خلف بن هشام ثنا خالد بن عبد الله عن خالد يعني الحذاء عن رجل يقال له : أيوب قال : كان ملاعب أهل فرعون الحمام

اور ہمیں خبر دی ابن بشران نے ان کو ابن صفوان نے ان کو ابن ابو الدنیانے ان کو خلف بن ہشام نے ان کو خالد عبداللہ نے یعنی خالد حذاء نے ایک آدمی سے جسے ایوب کہا جاتا تھا۔ انہوں نے فرمایا کہ ال فرعون کا کھیل کبوتر ہی تھے۔

كان ملاعب أهل فرعون الحمام ← رجل يقال له أيوب ← خَالِدٍ يَعْنِي الْحَذَّاءَ ← خَالِدُ بْنُ عَبْدِ اللَّهِ، ← خلف بن هشام، ← ابْنُ أَبِي الدُّنْيَا، ← ابْنِ صَفْوَانَ ← ابن بشران، ← و،

6538 - أخبرنا ابن بشران أنا ابن صفوان ثنا ابن أبي الدنيا ثنا إسحاق بن حاتم المدائني عن شيخ من النخع حدثه عن مغيرة عن إبراهيم قال : من لعب بالحمام الطيارة لم يمت حتى يذوق ألم الفقر قال وثنا ابن أبي الدنيا ثنا ابن جميل ثنا ابن المبارك أنا سفيان قال : سمعت أن لعبا بالجلاهق ولعبا بالحمام هو من عمل قوم لوط وأما الرقص فقد قال الحليمي رحمه الله : فما كان فيه تثن وتكسر حتى تباين أخلاق الذكور فهو حرام على الرجال وهو شر من التصفيق وقد جعله رسول الله صلى الله عليه و سلم للنساء لا ينبغي للرجال أن يصفقوا فأولى أن لا يكون لهم من الرقص الذي فيه التخنث أعظم مما في التصفيق وليس ذلك بمملوك لأحد من نفسه لأنه باطل كما أن ضرب الوجوه ولطم الخدود لم يكن مملوكا لأحد من نفسه لأنه باطل فالتلذذ بالباطل كالتألم بالباطل والله أعلم وأما لعب الصبايا باللعب التي تسميها البنات فإنهن لا يمنعن منه ما لم تكن تلك اللعب أشباه الأوثان وبسط الكلام في ذلك وقد ذكرنا الأخبار في ذلك في كتاب السنن قال الحليمي رحمه الله : ومن وجوه اللعب التحريش بين الكلاب والديوك وقد جاء عن النبي صلى الله عليه و سلم أنه نهى عنه التحريش بين البهائم هو حرام ممنوع لا يؤذن لأحد فيه لأن كل واحد من المتحارشين يؤلم الآخر ويجرحه ولو أراد المحرش أن يفعل ذلك بيده ما حل له

ہمیں خبر دی ابن بشران نے کہ ہمیں خبر دی ابن صفوان نے ان کو ابن ابی الدنیا نے ان کو اسحاق بن حاتم ملائبنی نے ان کو شہر نخع کے ایک شخص نے اس نے اس کو حدیث بیان کی مغیرہ سے اس نے ابراہیم سے انہوں نے فرمایا کہ جو شخص کبوتر اڑانے کا کھیل کھیلے وہ اس وقت تک نہیں مرے گا یہاں تک کہ وہ فقر و محتاج کا درد چکھ لے۔ وہ کہتے ہیں کہ ہمیں حدیث بیان کی ہے ابن ابو الدنیا نے ان کو ابن جمیل نے ان کو ابن مبارک نے ان کو سفیان نے وہ کہتے ہیں کہ میں نے سنا ہے کہ جلاھق اور غلیلوں سے کھیلنا اور کبوتر بازی قوم لوط کا عمل تھا۔ بہرحال رہا رقص کرنا اور ناچنا تو تحقیق شیخ حلیمی رحمتہ اللہ علیہ فرماتے ہیں وہ رقص جس میں دہرا ہونا اور سکیڑنا ہو (یعنی اعضاء کو موڑنا، سکیٹرنا وغیرہ جیسے ناچ گانے میں ہوتا ہے)۔ اور ایسی حرکات جو مردوں کے اخلاق و عادت کے منافی اور مخالف ہوں وہ مردوں کے لئے حرام ہے۔(خلاصہ یہ کہ رقص کرنا یعنی ناچنا حرام ہے) اور ہاتھ پر ہاتھ مارنے تالیاں بجانے سے زیادہ برا ہے۔ بوقت ضرورت اور بوجہ ضرورت تالی مارنے کی حضور نے عورتوں کو اجازت دی تھی مردوں کے شایان شان نہیں ہے کہ وہ تالیاں بجائیں (خدا برا کرے یہود ونصاریٰ کا کہ انہوں نے آج کے دور میں ہر خوشی کے موقع پر تالیاں بجانا عام کر دیا ہے جس میں مسلمان بھی ان کے ساتھ ان کے برابر کے شریک ہیں اللہ تعالیٰ ہدایت کی توفیق عطا فرمائے) مترجم۔ بہرحال مصنف فرماتے ہیں کہ اولیٰ اور سب سے بہتر یہی ہے کہ رقص کرنا ناچنا جس میں ہیجڑا بننا ہوتا ہے وہ بہت بڑا گناہ ہے تالیاں بجانے سے اور یہ کام کرنا اختیار میں نہیں ہے از روئے شریعت اور ازروئے دین (یعنی جیسے انسان اپنے وجود کا مالک نہیں ہے کہ جو چاہے اس کے ساتھ کر ڈالے بیچ دے کاٹ ڈالے مار ڈالے یہ کسی کے اختیار اور ملکیت میں داخل نہیں ہے اسی طرح مذکورہ حرکات رقص اور ناچنا بھی کسی کی ملکیت میں اور اختیار میں نہیں ہے) کیونکہ بذات خود یہ کام باطل ہے، جیسے اپنے منہ پر طمانچے مارنا منہ پیٹنا کسی کے شرعی اختیار اور ملکیت میں داخل نہیں ہے بذات خود۔ کیونکہ وہ باطل ہے، اور باطل کے ساتھ لذت حاصل کرنا یا لطف اندوز ہونا ایسے ناجائز اور حرام ہے جیسے باطل اور نا جائز اور نا غلط فعل کے ساتھ درد اٹھانا اپنے آپ کو تکلیف میں اور اذیت میں مبتلا کر نا ناجائز اور حرام ہے۔ بچیوں کا گڑیائیں کھیلنا: بہرحال بچیوں کا کھلونوں اور گڑیاؤں کے ساتھ کھیلنا جن کو وہ لڑکیاں یا بیٹیاں کہتی ہیں ان لڑکیوں کو منع نہیں کیا جائے گا اس کھیل سے جب تک وہ کھلونے یا گڑیائیں بتوں کی شبہیں نہ ہوں۔ شیخ حلیمی نے اس بارے میں تفصیل کے ساتھ کام کیا ہے۔ اور ہم نے وہ اخبار جو اس بارے میں میں کتاب السنن میں ذکر کر دی ہیں۔ کتے لڑانا اور مرغے لڑانا نا جائز اور حرام ہے شیخ حلیمی رحمۃ اللہ علیہ نے فرمایا کہ کھیل کے اقسام میں سے ہے کتوں میں اور مرغوں میں لڑائی یا مقابلے کروانا (کتوں کی لڑائی کتوں سے ہو یا کتوں کی ریچھ سے سب حرام ہے)۔ (مترجم) کیونکہ نبی کریم سے مروی ہے کہ آپ صلی اللہ علیہ وسلم نے جانوروں کے مقابلے کرنے والے کو حرام کہا ہے ممنوع کہا ہے، کسی کو اس کی اجازت نہیں دی جائے گی ، اس لئے کہ با ہم لڑائی کرنے والوں میں سے ہر ایک دوسرے زخمی کر کے درد والم سے دو چار کرتا ہے۔اور اس کا وبال اور گناہ لڑانے والوں کو ملتا ہے۔ مثال کے طور پر اگر لڑانے والا اپنے ہاتھ میں سے ان جانوروں یا پرندوں میں سے کسی کو مارے پیٹے یا زخمی کر دے تو یہ اس کے لئے شرعاً حلال نہیں ہو گا بلکہ نا جائز ہو گا۔ (اور ہر ہوش مند سنے گا کہ یہ بے زبان جانوروں پر ظلم ہے، اور کیا خیال ہے کہ جب وہ یہ کام درندوں سے کروائے یہ تو اس سے بھی بڑا ظلم ہو گا۔ میں یہاں پر ایک واقعہ نقل کرتا ہوں جو کتے لڑانے یار ریچھ اور کتوں کو لڑانے والوں کے لئے باعث عبرت ہے۔ ہمارے علاقے بہاولپور کی کسی نواحی بستی کا واقعہ ہے جو کئی سال قبل ہمیں کچھ دیندار اور نمازی حضرات نے بتایا بلکہ واقعہ اپنے زمانے میں اتنا مشہور ہو گیا تھا کہ اس وقت کے واعظوں اور خطیبوں نے اپنی تقریروں میں عبرت کے لئے اس کو سنا کر لڑانے والوں اور اس کے تماشائیوں اور شیدائیوں کواللہ کے غضب سے ڈراتا تھا۔ واقعہ یہ ہے کہ کسی بستی میں کسی ملک صاحب یا کسی مخدوم صاحب کے ڈیرے پر ریچھ اور کتوں کی لڑائی کا اہتمام کیا گیا تھا۔ ریچھ کے اوپر کئی کتے چھوڑ دیئے گئے تھے وہ ایک لمبی رسی کے ساتھ بندھا ہوا تھا لڑائی ہوتی رہی تماشائی لوگ محفوظ ہو رہے تھے مگر ادھر ایک بے زبان ریچھ کی جان پر بنی ہوئی تھی اس کو کتے بھنبھوڑ رہے تھے اس کی چیخیں نکل رہی تھیں اسی اثنا میں ریچھ کی رسی ٹوٹ گئی اور وہ مجمع سے نکل بھاگا بہت سارے تماشائی پکڑنے کے لئے پیچھے بھا گئے تو وہ گاؤں کی مسجد میں گھس گیا اور وہاں سے قرآن مجید اٹھا کر اِدھر اُدھر بھاگتا رہا جب لوگوں نے گھیر اتو اس نے وہ قرآن مجید تماشے کے کسی مخدوم یا زمیندار کی گود میں ڈال دیا (جو کہ زبان حال سے ان لوگوں کو قرآن کا واسطہ دے رہا تھا مگر ان سیاہ قلب انسانوں نے اس کی یہ عرض بھی مسترد کر دی اس کو باندھ کر پھر لڑوایا گیا عین اس لمحے یا شام کو اس بستی میں قدرتی طور پر آگ لگ گئی اور دیکھتے دیکھتے پوری بستی جل کر راکھ ہو گئی آواز خلق نقارہ خدا کا محاور تو آپ نے سنا ہی ہو گا سب لوگوں نے یہی کہا کہ یہ اسی ظلم کا نتیجہ تھا جو اس بے زبان پر کیا گیا۔ یہ اسی وجہ سے اللہ کا عذاب تھا۔ یہ عبرتناک واقعہ تمام انسانوں کے لئے باعث عبرت ہے۔

إِبْرَاهِيمَ، ← مُغِيرَةَ، ← شَيْخٍ، مِنَ النَّخَعِ، ← إِسْحَاقُ بْنُ حَاتِمٍ الْمَدَائِنِيُّ، ← ابْنُ أَبِي الدُّنْيَا، ← ابْنِ صَفْوَانَ ← ابن بشران،